فنجان قهوه مع ...............

[ابن عوف]

فاتتنا قهوة ياسمينا لكن تتعوض المرة الجاية ان شاء الله

يلا ندخل صاحب القهوة و نشوف

مرحب بيك يا الغالي ود ابنعوف و كل الاعضاء المتواجدين

معليش اهو تتعوضها معاى ونسعد بيك جدا

هلا وغلا بصاحب القهوه :
والله يابت السرف ما قصرتي تب
الزول دا كايس لي ليه زمن
يستضيف في الاعضاء
هو مارق منها
بث ماقصرتي تب

ما مارق منها وانتا ما مارق منها
والدنيا دوارة

حبابك منور

[ابن عوف]

هلا بيك ود ابنعوف
هلا بيك ومنورة

اى كنتا مافى وداخله على طمع

عايزة تكوشى على كل حاجة



اسمك
يسري ابنعوف

عمرك

بالهجرى وللا الميلادى وللا جواز السفر
36 هوايتك

المهنة

الاصل فنى كهرباء عامة بس هنا فى الغربة ما عارف لى مهنة معينة

البلد المفضل
السودان طبعا افضلها على جميع البلدان
الأكلة المفضلة
الشعبية


اللون المفضل
الازرق الفاتح

أمنية تحققت ؟؟؟
الانسان بطبعه طماع لسة باقى امانى
وأمنية تتمنى أن تتحق ؟؟
هى امانى الاستقرار النهائي فى الوطن وعمل خاص بي
أجمل يوم بحياتك ؟؟؟
يوم ميلاد بنتى بثينة
واسوأ يوم ؟؟؟
كتيرة حتى ما قادر اتذكرها

ذكرى لم تغيب عن بالك ؟؟؟
من ايام الصف الرابع ابتدائي الى نهاية المتوسطة

متى تشعر بالسعادة؟؟
وسط لمة الاسرة
متى تشعر بالحزن ؟؟
فراق اعز الحبايب
متى تشعر بالإحراج ؟؟
عندما يحشرونى وسط مشكلة ومالى ذنب فيها

شخص تشكى له كل هموك؟؟
صديقي العزيز

شخص تذكرة دائما ؟؟
تؤام روحى

شخص تمنيت لو أن تقتله ولماذا ؟
كل شئ ولا القتل الحوار ثم الحوار

مارأيك بالمنتدى واعضاءه ؟؟

المنتدى هو الحديقة الوارفة التى نستظل بها عن هجير الغربة اعضاء متميزين ومبدعين باختلاف عاداتهم وتقاليدهم واجناسهم يعنى منتدى شامل

[هجره]

حبيبنا بسراع تعال جاوب

اسئله عامه يالغلا

اين يقع مدار الجدي ؟


مامعنى الحيوانات المجتره ؟


من قتل مسيلمه الكذاب ؟


لماذا يزداد طول الانسان وهو نائم ؟


من هو قائد حركة استقلال باكستان ؟


من هو سيف بن ذي يزن ؟


ماهو اعرض انهار العالم ؟


اين يكثر حيوانات المرجان ؟


ما هو اشهر اسواق العرب القديمه ؟


ماذا يسمى صوت البلابل ؟


كم تبلغ مساحة تونس ؟


كم يبلغ قطر الشمس ؟


ماهو مثنى كل من عصا وفتى ؟


من اول سكرتير عام لهيئة الامم المتحده ؟


ما الفرق بين الحرف الجازم واسم الشرط الجازم ؟


اين تقع مدينة سور الغزلان ؟


للمعده فتحتان ما هما ؟


كم يبلغ وزن العظم بالنسبه للجسم ؟


كم تبلغ مساحة ليبيا ؟


ماهي الاسماء الخمسه ؟


مامعنى الرايخ الثالث ؟


بين من وقعت معركة الاهرام ؟


ما اهم الموانئ الفرنسيه ؟


ماهو اشهر مؤلفات الجاحظ ؟


من اخترع المحرك البخاري ؟


ماذا يسمى بيت كل من الفأر والافعى ؟


ما اشهر كتب ابي الفرج الاصفهاني ؟


من اول من ابدع الاسطرلاب ؟


الامير الحب

سجمى سجمى دة شنو ؟؟؟؟

[هجره]

ود ابنعوف ولله الاسئلة الكتيييرة دى


قصد الصعبة دى تطير ترمس قهوة مش فتجان قهوة



الناس ديل مالن معاك شكلن كدة دايرنك فى تااااار

[ابن عوف]

هلا بيك ود ابنعوف




هوايتك

كرة القدم والقراءة والاطلاع بس حاليا مع وقف التنفيذ

السؤال سقط سهوا

[ابن عوف]

الغالي ودابنعوف فنجان الهنا والسرور
وعليك ان شاء الله

كيفك ياغلي عساك بخير
تمام وفى احسن حال
وبعدين اسئله متفرقه كده واول سعال

اجدع لينا البطاقه الشخشيه ؟

يسري رحمة الله بخيت احمد ابنعوف ( باقى الرقم الوطنى
ودابنعوف في سطور ؟
سودانى بسيط الظروف الاقتصادية الصعبة فى السودان حالي كحال ملاين السودانيين تغربو لبناء مستقبل مشرق وهربا من الوضع

كيف تحصل على العدد 100 بإستخدام الرقم (1) خمس مرات

111-11=100
كيف يتنفس الضفدع تحت الماء ؟
بواسطة الجلد

أنا بداية النهاية ونهاية الزمان والمكان أنا بداية النبات ونهاية الإنسان و الحيوان .. هل عرفتني ؟
حرف النون
ماهو الطائر الذي يلد ولا يبيض ؟
الخفاش
ما الحيوان الذي يحك أذنه بأنفه ؟
الفيل
من هو الإنسان الذي قتل ربع سكان العالم .. ؟
قابيل
ما الذي يُولد مرة واحدة في الشهر ؟
القمر
من الذي يرى صديقة و عدوه بعين واحدة ؟
الاعور

ما الشيء الذي كلما زاد نقص ؟
عمر الانسان
من هو الشخص الذي يتمنى أن يكون أعور ؟
الاعمى
وقعت دجاجة في بركة ماء !!!! فكيف خرجت ؟؟؟
مبللة موية
جاييك بعد تنتهي من الكوم دا ..؟

الاميرالحب

كفاك خلاص جاى تعمل شنو

انا بعد اخلص الفنجان دا بمشى السفارة السودانية واسجل علشان امتحن الشهادة السودانية

حبابك تعال منتظرك هنا

[الغاليهـ بنت الغالي]

مرحباا الاخ ابنعووف
منووور فنجاان القهووة
وان شاء الله يكون فنجان ظريف ولذيذ معاك

لي رجعة ا شاء الله

[ابن عوف]

حبيبنا بسراع تعال جاوب
اها جيت
اسئله عامه يالغلا
تسلم بالمرة نمشى نقدم للشهادة السودانية

اين يقع مدار الجدي ؟
جنوب خط الاستواء

مامعنى الحيوانات المجتره ؟
تملا حجرات المعدة وترجع تاكل تانى

من قتل مسيلمه الكذاب ؟
وحشي بن حرب thumbup.gif

لماذا يزداد طول الانسان وهو نائم ؟
يتحرر من جاذبية الارض العامودية عليه


من هو قائد حركة استقلال باكستان ؟
محمد علي جناح


من هو سيف بن ذي يزن ؟
ملك حميري قدما ملوك اليمن


ماهو اعرض انهار العالم ؟
الامازون


اين يكثر حيوانات المرجان ؟
فى بحار دافئة صافية الماء


ما هو اشهر اسواق العرب القديمه ؟
سوق عكاظ
ماذا يسمى صوت البلابل ؟

التغريد
كم تبلغ مساحة تونس ؟
164000 كم مربع
كم يبلغ قطر الشمس ؟
يزيد قليلا عن المليون كم مربع

ماهو مثنى كل من عصا وفتى ؟

عصوان وفتيان

من اول سكرتير عام لهيئة الامم المتحده ؟
تريك فيلي


ما الفرق بين الحرف الجازم واسم الشرط الجازم ؟
الاول يجزم فعلا والثانى يجزم فعلين مضارعين

اين تقع مدينة سور الغزلان ؟
الجزائر
للمعده فتحتان ما هما ؟
العليا الفؤاد والسفلي البواب
كم يبلغ وزن العظم بالنسبه للجسم ؟
تقريبا 15%



كم تبلغ مساحة ليبيا ؟
1759540 كم مربع

ماهي الاسماء الخمسه ؟
اب ...اخ ....فو ....حم ....ذو

مامعنى الرايخ الثالث ؟
الفترة التى سيطرت فيها النازية على المانيا


بين من وقعت معركة الاهرام ؟
المماليك ونابليون بونابرت


ما اهم الموانئ الفرنسيه ؟
مرسيليا
ماهو اشهر مؤلفات الجاحظ ؟

البخلاء
من اخترع المحرك البخاري ؟

جورج ستنفسون

ماذا يسمى بيت كل من الفأر والافعى ؟
الجحر


ما اشهر كتب ابي الفرج الاصفهاني ؟
الاغانى

من اول من ابدع الاسطرلاب ؟
العرب


الامير الحب؟
عضو بكتب اسءلة كتيرة ان شاء الله تفيد الاعضاء والزوار [/color ]

حبابك بس لك يوم وانه لقريب

[ود الخير]

ابو الياء حبابك الف
وهاك اختار
لو حبيت اسئلك فى من اى نوع تختار ولماذا ؟
سياسه
رياضه
دين
معلومات عامه
عن شخصيتك واسلوبك داخل وخارج المنتدى
من هو صديقك الوحيد فى المنتدى ؟يعنى بتفشى ليهوا بى سرك ؟

[بت السرف]

[grade="800080 FF1493 0000FF"]
صباحات الاشراق والنبض الشجى ..

صباح القهوة من اغلى الناس ..وومض اشواقى ..

صباح الريد يعم دارنا ..وصباحك لكل الحى ..

حباب ضيفنا ..وحباب زوارنا ...وحباب الضئ..[/grade]

[Hoomy]

الحبيب الغالي ود ابنعوف

الليلة انت زاتك اتقبضت سبحان الله
ضوق البضوقه للناس
اها الننعدل للفنجان

بداية
عهدي بك طيب خلوق بشوش وصاحب شعبية غير عادية في المنتدي (خصوصا الجنس اللطيف)
سؤالي هل هو
هذا الألق الجميل هل هو مكتسب ام هو شي أصيل كأصالتك وهل تتعامل مع الأخرين بسجيتك ام احيانا تحتاج لاختلاق المعاني لاكمال الجوهر.
تاني حاجة
للوطن دائما مساحة في اسئلتي لكل ضيف
حال الوطن يغني عن السؤال غلاء في المعايش فساد مالي لا يخفي على احد فيكفي ان موظف صغير يمكن ان يصبح بين ليلة وضحاها مليونيرا في بلدي اضافة للتفكك الاجتماعي وغيره
هل تعتقد ان هناك مخرج وعودة للسودان المعافي.
ثالثا .
بالطبع ليس هناك شاغل هذه الأيام اكثر من ربيع الثورات العربية
هل تعتقد هناك بارق أمل لعودة العرب لماضيهم التليد عبر المعطيات الحالية ام ان الذي يحدث سيعيدنا لما قبل نقطة البداية.
رابعا
يا الله لمتين للبلد نرجع نكوس نور الأمل
متى عودتك للسودان واقصد نهائي ولا اقصد اجازات

كفاك وبجيك راجع

[امال الناس]

[grade="800080 FF1493 0000FF"]
صباحات الاشراق والنبض الشجى ..

صباح القهوة من اغلى الناس ..وومض اشواقى ..

صباح الريد يعم دارنا ..وصباحك لكل الحى ..

حباب ضيفنا ..وحباب زوارنا ...وحباب الضئ..[/grade]

يا بيت ما قلنا الدنيا برد
وممنوع كثير التلج
بس الظاهر قهوة البلح حلوة
في ازمة سكر ولا شنو؟

[ابن عوف]

...اولا ودابنعوف والله نورت قهوتك...
النور نورك يا ملكـ

...من مصادر موثوقة قالوا لي انك متزوج ومدير (خليها بالنية)...

من الاستخبارات المنتدية مصادرك واب لبنتين ..... النية زاملة صاحبها
...قول بسم الله وجاوب...
بسم الله وحاضر

1- كم حصان تبلغ قوة مايباخ الفئة الكبيرة وقوة بي ام دبليو الفئة الكبيرة اللي هية 730 ال اي ؟

مايباخ 612 وبى ام دبليو 258
2- مين وكيل بنتلي ومايباخ ورولز رويز في السعودية ؟
الوكيل الحصري فى المنطقة الشرقية والوسطى الغسان

3- ما هي حقوق الزوجة الشرعية؟
أوجب الإسلام على الزوج حقوقاً تجاه زوجته ، وكذا العكس ، ومن الحقوق الواجبة ما هو مشترك بين الزوجين
للزوجة على زوجها حقوق مالية وهي : المهر ، والنفقة ، والسكنى
حسن العشرة : ويجب على الزوج تحسين خلقه مع زوجته والرفق بها ، وتقديم ما يمكن تقديمه إليها مما يؤلف قلبها ، لقوله تعالى : ( وعاشروهن بالمعروف ) النساء/19 ، وقوله : ( ولهن مثل الذي عليهن بالمعروف ) البقرة/228.


4- متى ما جيت تجاوب ماذا فعلت قبل ساعة من الان؟
خلص بعد المهام العملية الخاصة بالعمل وشربت كباية شاى
5- عيب شخصي تعترف به؟
مرات سريع الغضب وخاصة فى العمل

6- لحظة ابكتك؟
عند فراق الوطن وكان سفر المجهول ووفاة صديقي ورفيقي فى السكن بحادث مرورى مروع

7- من هو الشخص الذى ترتاح له عندما تراه ؟؟؟ ليس بشرط ان يكون بداخل المنتدى؟؟؟

صديقي وولد خالي
8- فارقت الحياة ام الحياة هى التى فارقتك ؟ اى التعبير الذى يناسبك ولماذا؟
الفراق دايما مولم ولما اختار من سؤالك هذا معناها هذا هو الموت وفى الحالة دى الاتنين لم يصبح لهم وجود بكون انتقلت للحياة اخرى ولماذا دى علمها عند الغيب ولا اقدر اعبرها لك هنا الا من خلال وسيط اى بمعنى انى اجيه فى المنام
ودا الشى الفهمته من سؤالك

9- شخصية تتاابع مواضيعها باستمرار ومواضيعها هادفة دايما ..... من هو او من هى؟؟؟
كثر من الاعضاء وخاصة فى الحوار العام بس دايما ودالزوحى

10- هل ترى نفسك زوج مناسب ولماذا؟؟؟
الحمدلله لاننا فى تبادل حب بيناتنا وبناخد براى بعض وعايشين كاننا فى فترة الخطوبة ومتفقين من قبل الزواج ولما اكون مع زوجتى فبكون الوقت خاص بها هى


...ودابعوف بجيك تاني استعد...

حبابك تانى

وفنجانك روعة

[ابن عوف]

والله يا كيب غايتو البي ام دبليو دي
في معرضهم مافي
ديل ناس تايوتا ونيسان
وجموس
ودابنعوف امانه ما وقعت وقعت الله يلاقينا
مخير الله عليك يابو الفرد المامتلك ولد
غاااااااغ

وقعة ساى دى وقعة عدوكـ

بل راسك للحلاقة

[الفرح المهاجر]

اجمل سوال هل فارقت الحياة؟
يا يسرى ردك غير مطمن حاول جاوب علينا تانى

[ابن عوف]

والله يا يسرى مريت بى هنا وقلت اسال عده اسئلة
لاكن لقيت ود كبوشية ما مقصر على الحرام ردمك
ردم لمن انا اتكيفت وحنيت عليك وكمان ماتقول العولمة بتاعت كيبو
ناس بنتلى وروز رايس وقرب يدخل كندليز رايس وناس جاكوار
كدا بعد ماتحل نسالك

منور بطلتك وكل مره طول علينا

ودكبوشية سمع انى ناوى اجلس للشهادة السودانية فقال انه يساعدنى علشان نتذكر شوية

[الفرح المهاجر]

ماعايز اكتر عليك الانشاء باختصار وحفظ اسرار
فى ملخص صغير تحدث عن عام 2011
الظروف الاقتصادية فى السودان + الربيع العربى
وماذا تتوقع فى عام 2012 من نهضة وعمران فى السودان
والعالم العربى والاسلامى من ظلم وجور

مطب صغنونى
1 - صدام حسين شنق
2- بنى على هرب
3- مبارك سجن
4- القذافى قتل بايدى الثوار
ماذا تتوقع لى سوريا واليمن

[الفرح المهاجر]

منور بطلتك وكل مره طول علينا

ودكبوشية سمع انى ناوى اجلس للشهادة السودانية فقال انه يساعدنى علشان نتذكر شوية

ماتخاف ح اسجلك فى الجالية
امتحانات الشهاده فى المدرسة السودانية بالرياض

[ابن عوف]

ناس القهوة ســـلام
اسبوع العطاء والتقدير والحب والشكــر لمجـهوداتــ اعضــاء المنتدى
The Sniper
الضيف لهذا الاسبوع

وعليكم السلام

منور القهوة بطلتك يا حبيب الكل

The Sniper عضو فعال ورزين ومشهود له بحبه للمنتدى وربنا يمتعه بالصحة والعافية

[ابن عوف]

سجمى سجمى دة شنو ؟؟؟؟

الحالة كنت عايز استعين بيك

ود ابنعوف ولله الاسئلة الكتيييرة دى


قصد الصعبة دى تطير ترمس قهوة مش فتجان قهوة



الناس ديل مالن معاك شكلن كدة دايرنك فى تااااار

دى طيرة القهوة ذاتها
شكلهم كدا خاصة ودكبوشية
عقبالك يا رب وتشرفينا هنا