فنجان قهوه مع ...............

[بعد الزمن]

انا دايرة اعرف عشان اورى احاسيس

[ابن عوف]

انا دايرة اعرف عشان اورى احاسيس

[بت السرف]

[ابن عوف]

[بعد الزمن]

[نهر المحبه]

أحاسيس العسل...

مساء الخير...
شايفاك مزنوقه حبتين عشان كده حاكون عليك حنينه واديك فقط سؤالين...
وبصراحه انا ماراجعت كل اسئلتك فاعذرني لو سئلتك سؤال مكرر...
1- من اول شخص اتعرفتي عليه في المنتدى...؟؟؟؟
2- ماهو اكتر مكان تحبي زيارته وتستمعي بالاقامه فيه..؟؟؟
3- ده سؤال اختياري..
لو قالو ليك ادينا مقترحات عشان دايرين نغير البلد
حتقترحي شنو؟؟؟




وبجيك راجعه لو كان في العمر بقية

[مسلمة وافتخر]

/align]

:

:

[احاسيس]

أهلنا في الراكوبة ، سلام ،، جيت عابر بالصدفة و عجبتني قعدتكم وحبيت أكون جزء من هذا الجمال ،، شايل معاي قهوة بكريه ،،، وللمبدعة الجميلة أحاسيس كل التحايا والحب ،، أتابع بشغف مايدور في أروقة الحوار الممتلئ حباً وجمالاً ،، إتفضلوا [align=center]


ياهلا ومرحبا بيك اخوى ناجى القهوة نورت بتواجدك معانا
هذه الرسالة من رجل أمي لا يعرف الكتــآبة.. الى زوجته ؟!
مارأي ضيفتنا المبدعة في هذا الكاريكاتور وإلي ماذا تعزي هذا التوتر في العلاقات بين الرجل والزوجة والحماة ؟؟؟

[/align]

صراحة الصورة ماواضحة معاى يا ناجى بس الفكرة الوصلتنى عن الكاركتير انو بنكلم عن مشاكل الزوجة مع حماتها
انا غايتو بشوف انو حل المشكلة دى فى الاول والاخير فى يد الزوجة يعنى الحماة بتكون حاسة انها فقدت ولدها التعبت فيه وربتو وكبرتو وكانت هى الوحيدة فى قلبو فجاءة تجى واحدة تاخد كل دا منها وتشاركها فى حب ولدها عشان كدا بتحسب اى شى بتعملو الزوجة من مبدا الغيرة وبتكون قاعدة ليها على الهبشة
بس الزوجة الشاطرة البتفهم كيف تحب عيوب حماتها قبل حسناتها وتحاول بشتى الطرق تكسبها حتى لو غلطت عليها هى فى النهاية مفروض انها فى مقام والدتها ...اما اذا اتبعت الزوجة معاها اسلوب العند والمكاواة ونظام انا حاخلى ولدك ينساك هنا بجد بتبدا المشاكل لانو الحماة بتبدا تضغط على ولدها والزوج المسكين ماحبعرف يلقاها من مرتو ولا امو وفى الاخير حيخت كرامة امو ورضاها فوق كل اعتبار مهما كان بحب زوجتو ,,عشان كدا لازم تكون الزوجة هى العاقلة عاشن تكسب حماتها وتكسب زوجها وتكسب حياة هادئة وسعيدة

صراحة سؤالك مغرى جدا للحديث وفي مضمونه الكثيييير لنتحدث عنه
جزاك الله الف خير انك اتحت لى الفرصة ابدى راى واتمنى اكون فهمت السوال صح لانو زى ماقلت الكاركتير ماواضح عندى

منووور القهوة عزيزى ناجى

[الأميرالحب]

غايتو جنس حالات

[احاسيس]

.


هي يااا بت امي ونورة القهوة والقهاوي المجاورة
النور نووورك يا ابو ايمن حياك الله اتفضل فى المجلس وتقهوى وايانا وشووووق خلانا واقفين عبوووووووووب
ههههههههههه شوقنا بحر زى ماسورة مكسورة فى بيت عزابة مافيشين
اها ياااا بت امي دحين اشرح لينا كلمة

عبوووووووب دي غااااااااغ
باااقي معانا ناس حناكيش غاااااااغ

عبووووووب دى معناها خيال المأتة لود البقرة بغشوها بيه فى شان تدر اللبن
شرح مختصر ومفيد وخير الكلام ماقل ودل
غااااااااااااااااااااغ لقيتنى كيف يا الشمالى خطيييييرة صح

[احاسيس]

غايتو جنس حالات

يازول مالك

[احاسيس]

أحاسيس العسل...

مساء الخير...
يسعد مساك ياغالية نورتى
شايفاك مزنوقه حبتين عشان كده حاكون عليك حنينه واديك فقط سؤالين..

اى عليك الله خليك حنينة على دا انا صحبتك برضو شايفة الناس دى شغالة فينى زنقة زنقة دا ردار .
وبصراحه انا ماراجعت كل اسئلتك فاعذرني لو سئلتك سؤال مكرر.
ولا يهمك حبيبة كل شى منك حلوو..1-
من اول شخص اتعرفتي عليه في المنتدى...؟؟؟؟
محمد نعيم وشلة الراكوبة بس اول شخص اتعرف عليه فى الواقع هو انت ياعسل
2- ماهو اكتر مكان تحبي زيارته وتستمعي بالاقامه فيه..؟؟؟
اماكن كتيرة صراحة اى مكان هادى وفيه مناظر خلابة بستمتع جدا بالاقمة فيه وصراحة نفسى ازور ماليزيا من كترة ماسمعت انو مناخها عجيييب وفيه طبيعة خلابة (رومانسية وكدا )3-
ده سؤال اختياري..
لو قالو ليك ادينا مقترحات عشان دايرين نغير البلد
حتقترحي شنو؟؟؟
اول شى حاقترح انو الدراسة تكون باللغة الانجليزية لانها اصبحت مهمة شديد فى اى مجال
وتانيا حاقترح اليه وسياسة جديدة فى استيعاب الخريجين وتحفيزهم على الابداع والانتاج لانو هم الدعامة البتتقدم بيهم بلدنا
تالتا حاقترح زيادة الاجور فى الدولة عشان نحد من مشكلة الاغتراب والهجرة وبلدنا اولى بالخبرات والمهارات العند الناس دى
وووصراحة نفسى اقترح حاجات كتيييرة لكن مانيل المطالب بالتمنى وماعايزة اسرح عشان ما اصدق السرحة بعدين تبقى مشكلة كمان ههههههههhappy0005.gif




وبجيك راجعه لو كان في العمر بقية

قهوتك ظريفة وراقية زيك يانهرنا واتمنيت اشرب معاك فنجان تانى
يسلمووووو

[الأميرالحب]

يازول مالك

مالي كيف يا اهاسيسو
جيتي عابره فوقنا ساي
مالك ضهبانه

والله اللمه كان فيها شربوت ومريسه من فارماس
الجنا ابو رويس دا
بكون غشاكم
وقال ليكم دا عصير اناناس
وانتي ما صدقتي
شربتي كلو
بقيتي تشوفي الحروف مافيشه
كككككككككااااااااااااااااااااااك

[ابن عوف]

الغالية احاسيس

كل سنة وانتى طيبة
ع الفناجين الاخيرة والقهوة فى حضرتك ممتعة
انطوى عام واتى عام جديد امنى تحققت فى العام الفات وكموحات تسعى لها وباقى احلام لم تتحقق
اى حلم تريدى ان تحقيقه ؟
لمة الزوادة الانطباع والفايدة منها ؟
اللمة الحريمية الاخيرة انتى كنتى جناح المسة الايمن فمن هو الجناح الايسر ؟
ادينا مقتططفات من اللمة ؟
ذكرياتك مع الماضى وبالاخص الطفولة ؟

فنجان عليك بالهناء

[الأميرالحب]

كاااااااااااك يا ود ابنعوف
لمة الزواده شكلك جيعان ساي
كان تجي مع المريسيل والشمّالي
غاغ

[ابن عوف]

الغالية احاسيس

عساك طيبة

وينك مسجلة غياب ان شاء الله المانع خير

اليوم الاخير لك فى الفنجان

ـــــــــــــــــــــــــــــــــــــــــــــــ

يا بعد الزمن اجهز انت مطلب راكوبي

[Hoomy]

السلام عليكم احاسيس

النديك كم جدعة كدا

ببدأبي مضمون الاسم هل هو مجموعة من الاحاسيس المتانقضة مابين الفرح والألم ام هي احاسيس تجري في صوب الفرح وهل تقصدين المعني البحت للاسم بمعني انه يعبر عنك. (زولة حساسة وكدا)


سعال تاني

بلدا هيلي انا
دموعها دموعي انا
اساها اساي انا

صراحة الحال بطال في البلد من غلاء وغيره
وحتى الشيء الجميل الذي كان ديدن السودانييين وهو الطيبة بدأت تتلاشى وأضحت تاريخ
ماهي في رأيك دورنا في ارجاع التوازن للبلد
هل هو نجلس في مقاعد المتفرجين
والبلد ينحدر للاسفل

ثالثا
منتدانا العامر بكم ولكم ومنكم

أرائك حول التطوير

[امال الناس]

صراحة الصورة ماواضحة معاى يا ناجى بس الفكرة الوصلتنى عن الكاركتير انو بنكلم عن مشاكل الزوجة مع حماتها
انا غايتو بشوف انو حل المشكلة دى فى الاول والاخير فى يد الزوجة يعنى الحماة بتكون حاسة انها فقدت ولدها التعبت فيه وربتو وكبرتو وكانت هى الوحيدة فى قلبو فجاءة تجى واحدة تاخد كل دا منها وتشاركها فى حب ولدها عشان كدا بتحسب اى شى بتعملو الزوجة من مبدا الغيرة وبتكون قاعدة ليها على الهبشة
بس الزوجة الشاطرة البتفهم كيف تحب عيوب حماتها قبل حسناتها وتحاول بشتى الطرق تكسبها حتى لو غلطت عليها هى فى النهاية مفروض انها فى مقام والدتها ...اما اذا اتبعت الزوجة معاها اسلوب العند والمكاواة ونظام انا حاخلى ولدك ينساك هنا بجد بتبدا المشاكل لانو الحماة بتبدا تضغط على ولدها والزوج المسكين ماحبعرف يلقاها من مرتو ولا امو وفى الاخير حيخت كرامة امو ورضاها فوق كل اعتبار مهما كان بحب زوجتو ,,عشان كدا لازم تكون الزوجة هى العاقلة عاشن تكسب حماتها وتكسب زوجها وتكسب حياة هادئة وسعيدة

صراحة سؤالك مغرى جدا للحديث وفي مضمونه الكثيييير لنتحدث عنه
جزاك الله الف خير انك اتحت لى الفرصة ابدى راى واتمنى اكون فهمت السوال صح لانو زى ماقلت الكاركتير ماواضح عندى

منووور القهوة عزيزى ناجى

اعملي حسابك
بقوا يكبوا
الصبغة في القهوة
عليك بفحصها اولاً
وشفتها ثانياً
والكيف ثالثاً
والاحساس بالراحة اخيراً
يا احاسيس
قلوبنا معاك

[هجره]

اعملي حسابك
بقوا يكبوا
الصبغة في القهوة
عليك بفحصها اولاً
وشفتها ثانياً
والكيف ثالثاً
والاحساس بالراحة اخيراً
يا احاسيس
قلوبنا معاك

مااااااالا حسوسة دايرة تسكن مع نسااااابتا ولا سنو

[الأميرالحب]

ود ابنعوف قدم لينا بعد الزمن دا سريع
عندي كم سعال للجنا دا محيراتني
وعاوزين اجابت تكون واضحه يا بعدو
ويا ويلك