كترى من السكر يا جاسميناjasmina كتب:دعوتك لفنجان قهوه لا يمكن رفضها بتاتاً ..بس انا بحب القهوه خفيفه
و كويس عرفنا الضيف الجاي عشان نحضر ليه قهوه سكر ثقيل
امااااااااااااااااااانة ماوقع زول
كع
المشرف: بانه
كترى من السكر يا جاسميناjasmina كتب:دعوتك لفنجان قهوه لا يمكن رفضها بتاتاً ..بس انا بحب القهوه خفيفه
و كويس عرفنا الضيف الجاي عشان نحضر ليه قهوه سكر ثقيل
النور نورك يانهرنا ,,,,نهر المحبه كتب:في البدايه الف مبروك عليك الوسام اخ يسري....
وبالجد الموضوع يستحق الكثير الكثير من الاوسمه...
نتمنى ليك التقدم والتميز الدائم في فضاء المنتدى
وتحية للاخت الضيفه العسل
ام الأحاسيس...منوره القهوه اديني شويه كده وبجي بشرب معاك فنجان
مشكوووور ود الزوحى على الجبنة الزاااابطة دىود الزوحي كتب:
يسري يا صديق .. ماشا الله مازلت مبحر عبر رونق وجمال هؤلاء الرائعين .. وفي حضرة البن يحلو الحديث !!
أحاسيس .. منورة المركب وقعدة القهوة والفنجان زاتو
الله يخليك ياراقى والنور نورك
ماعارف لكن جابتني ريحة البن .. ع العموم .. من خلال مواضيعك حسيت إنك ممكن تكوني ملمة ببعض الأمور فقلنا نستفيد منك !!
ان شالله اقدر افيدك واكون عند حسن ظنك
في حديث لبعض الأخوات في قناة أم درمان .. قالو إنهم ممرضات ليهم أكتر من سنتين متخرجات ومالاقين وظايف تسد بدل الارهاق المادي والفكري والجسماني بعد ما يسمى بالمرحلة الجامعية .. هل تفتكري إنو طالما إنو مافي إمكانية استيعاب لبعض المهن في السودان فمن الأفضل إغلاق او إيقاف استيعاب طلاب جدد في نفس المجال أو التخصص .. وخاصة البنات .. ؟
اكيد غلاق اتسيعاب الطلاب والطالبات ماهو الحل عشان تتوفر فرص عمل لانو المشكلة الاساسية بقت مافى نوع الشهادة او انوع الباحث عن الوظيفة زكر او انثى انما المطلوب هو نوع الواسطة البتقدمها عشان تحصل على وظيفة توفر لك عيشة كريمة مستورة الحال فقط لا اكثر ,,,,وانا بشوف انو لو حصل وعى فى المجتمع السودان بشكل عام عدم استخدام هذه الاداه المقرضة لتحسنت اوضاع الكثيرييين وبالتالى ستتحن اوضاع البلد بشكل اكبر لانو دا بعكس انك بتدى العيش لخبازه فاكيد الناتج حيكون مرضى جدا
اما فيما يتعلق باستيعاب فئة البنات لبعض المجالات التى يكون الزكر فيها فعالا ومفيدا اكثر من الانثى فنعم من الاصلح للبت نفسها عدم استيعابها فى تخصص ماحتستفيد منو وحتكون شغلت خانة ممكن غيرها ينجز فيها بشكل افضل
الشي التاني ..
السودان ماض على مرحلة خطرة وهي انزلاق سعر الجنيه وإرتفاع سعر المعيشة .. تفتكري السودان بلد بيملك بنية مستقبلية حتى تكون بمثابة إقامة كريمة للاسر السودانية .. والا نحن شعب عرف عننا الرضا والقناعة عشان كدا بنكون ساكتين ..
القناعة كنز لايفنى..لكن كمان فى وضع زى دا مابنقدر نطلق عليها قناعة اكثر ماانها قلة حيلة
والاوضاع المنزلقة دى بيعرض السودان لخطر حقيقى فمعظم الشباب والاسر هاجرت واتغربت عشان لقمة العيش تفتكر لو حد لقى وظيفة محترمة وحالو مستور وهو وسط اهلو كان حيفكر يطلع تانى ؟؟ما اظن
وبالنسبة للسكوت دا احب اقول ليك انو الضغط يولد الانفجار ,,,ودا الهدوء الذى يسبق العاصفة
ربنا يحفظنا ويحمى بلدنا
تكاليف الزواج السوداني هو ما جعل مني مستنبطا للسؤال السابق .. هل الكلام الانت ذكرتيهو عن تكاليف الزواج ممكن تكون مقاييس لأوضاع الزواج في السودان وألا حالات خاصة .. ناهيك عن إنو كان في الاسبوع القبل الماضي .. عرض تقرير في برنامج mbc في إسبوع عن قبول رجل سوداني مهر جنيه لابنته .. أها رايك شنو ! !
حاليا تكاليف الزواج السودانى المزكورة فى البوست هى ممكن تكون مقياس لشريحة كبيرة من المجتمع السودانى وابالتالى اتفرض على الشريحة المتبقية لانو بقا مافى زول برضى يعرس اقل من التانى
مع انو لو حسبوها صح دى كلها حاجات زايلة وتكاليف وهمية وتاريخ الصلاحية قصير الامد يعنى بعد يومين بس الناس حتنسى دا كلو وحيتلهو بعرس افخم وارقى وفيه بذخ اكبر وحيكون العريس الغلبان الفى الاول تعبو راح هدر
انا شخصيا ضد التكاليف العالية والصرف البدون داعى طالما لقيت الانسان المناسب اكيد قروش الدنيا كلها مابتعوضنى عنو فالوسطية فكل شى حلو يعنى الناس ترجع للتقاليد العرس القديمة لانها بسيطة وجميلة فى نفس الوقت والقروش البنصرفها فى يوم واااحد ممكن تبنى لينا بيت للمستقبل اعيش فيه العمر كلو
والراجل دا اجدع زول والله ودا بيشترى راجل بالجد ومتاكدة حيعيشو حياتهم ان شالله بكل سعادة وهدوء لانو ماكان زواج مادى (اقلهن مهرا اكثرهن بركة )الله يكثر من امثالو والله وبتمنى انو احنا كلنا فى المنتدى نبدا الحاجة دى من نفسنا وحبة حبة كل التكاليف دى حتختفى
دي حاليا الفي راسي ولي جية تاني ..
حياك اللهبت السرف كتب:[align=center]اوووووه ...
احاسيسو ..يا الكلك منى وفينى ..
اهلييييييييييييييييييييييين سروفة يانصى التانى منوورة
وانا اقول القهوة دى طاعمة ونائرة كدة مالها ...
هههههههه قهوة مهندسين وانتى ست العارفين
اسئلتى فى مجالك (بما انو مجالى ومجالك اولاد عم )
مية مية على الاقل نتخارج من زنقة زنقة دى
التصميم الانشائى مجال صعب بالنسبة للبنات ياترى دراستك له عن رغبة وللا اهو دراسة والسلام ؟
والله فى البداية اصلا كنت دايرة معمار ولمن شالونى مدينة قلت ما مشكلة اولاد عم وكلو زى بعضو بس بعد كدا لقيت انها دراسة جميلة وحتى فيها اربع تخصصات:انشاءات وتشييد وطرق ورى وانا اخترت مجال التصميم الانشائى لانى لقيت نفسى فيه اكتر وهو بجد صعب على البنات لكن لمن يكون عن رغبة بتقدرى تبدعى فيه وربنا يقدرنى واقدر اواصل فيه واطور امكانياتى وبقى desiner كبيييييرة يارب
انهيار مبانى فى جامعة الرباط قبل فترة تفتكرى السبب من المهندس المشرف وللا دة طمع من المقاولين ؟
صراحة الموضوع دا عندو ابعاد كتيرة اهمها استهتار المهندسين المشرفين فى الاساس يعنى كان فى اخطاء فادحة اكتشفت فى اثناء التنفيذ بس هم قللو من اهميتها ودا السبب الخلا المبنى عمرو الافتراضى ييكون قصير وماصمد مع مرور الوقت واكيد طبعا طمع المقاولين كان ليه دور لانو حسب علمى انو نوع الاسمنت الاستخدم ماكان جيد
حاليا فى اشاعة عن انهيار فى الجامعة نفسها ...هل السبب قرب المبانى من النيل ؟
حقيقة ماسمعت عن كلام زى دا بس وارد جدا ان يكون تغيير منسوب النيل ليه اثر فى المشكلة دى وغالبا مايكون مشروع تغير مسار النيل ادى الى وصول المياه الجوفيه الى الاساسات خصوصا اذا ماكانت مصصمة بنظام الpiles حيكون فى خطر حقيقى على المبانى
يوجد توسعة فى شارع النيل ..على حساب النيل ..تفتكرى مع نيلنا الهائج دة وذمة المقاولين الماسكين الشغل دة والمهندسين ...ممكن تحصل انهيارات فى هذة التوسعات ؟
التوسعة دى حاتسبب اضرار كبيرة جدا وانا ماعارفة هم ماجايبن خبر ولا عاملين رايحين اصلا يعنى لما اتغير ولو جزء بسيط من مسار النيل وينحرف ممكن جدا تتكر نفس ماساة سد مروى فى مدينة المناصير بالنسبة لجزيرة توتى ,,,وزى ناقلتى زمة المقاوليين والمهندسيين البختو طن فى الشغل وطن فى بيوتهم غايتو ربك يستر اشربى فنجانك
عاد يايما هو فنجان الهنا لمن عملتى لى ******* تسلمى سرووووفة وماعدمنا قهوتك يارب
جاياك تانى ...[/align][/size]
صراحة اسئلة ظريفة ودمها خفيف زيك ياعسل واتمنى اكون وفقت فى اجابات مرضية بالنسبة ليكshosho wbs كتب:بسم الله نبدا
اكتر شى عجبنى انك بديت باسم الله
1-ماسبب مضايقة الشاب للبنات في الاسواق ؟
انا شخصيا بعتبرو نقص فى شخصية الشاب او امكن عواطفو ماعارفة بس يعنى شنو اشاغل لى واحدة مابعرفها اصلا ويادوب شفتها وحاستفيد شنو ؟او ممكن تكون دى تركيبها فيهم كدا الله اعلم !!!!
بس كمان احيانا مابلومهم خصوصا اذا كانت البت هى طالعة بمنظر يجبر انو الوااحد يتكلم معاها كلام فارغ فممكن جدا البت هى البتقود الشاب انو يشاغلها (نسال الله السلامة ) 2-
هل تعقديين ان الشباب هو من يبدا في معاكسة البنت ؟؟
فى الغالب ايوا ودا المعروف اصلا بس للاسف الزمن دا بقت البت هى كمان عندها الجراة انها تبدا المعاكسة حتى لو بمجرد بسمة منها معناها هى ادتو ضو اخضر للمعاكسة 3-
ماسبب عدم احتشام البنات اثناء خروجهم
قلة ثقة فى نفسهم نظام هى كان اتجدعت فى اللبس بتجزب الانظار خخخخخ العقل نعمة غايتو4-
هل تعقدين ان التفتح هو سبب ظهور هذه الفتن مثل الكليبات والفضائيات الهابطة
اكيييييييييييييد دا السبب الاول والرئيسي كمان لانو احنا شفنا ناس زمان كانو كيف وهسى بقينا كيف ولسة الله يستر من الجاااى 5-
هل تتدخل اسرتك في انتقاء ملابسك يضايقك ويحسسك بعدم الرضاء عن نفسك
لا هو مش بيضايقنى بس ممكن يشعرنى بالاحباط نوعا ما او قلة الثقة فى زوقى واختياري مع انو دائما النقد بكون بناء يعنى فى المرة الجاية بستفيد وبعرف تختار شى يناسبنى
وانا الحمدلله اسرتى مامن النوع البتدخل فى ااختيار ملابسى يعنى مدينى كافة الحرية بل بالعكس انا احيانا بستعين برايهم فى بعض الاختيار والشى البختاروه لى بكون راضية بيه تماااااما6-تعتقدين ان ملابس البنت تفرط احترمها عند الخروج من بيتك
انا هنا عندى راى حقيقة يعنى مابحب داايما اقيم الشخص من خلال طريقة لبسو يعنى مثلا اذا دى لابسة بنطلون معناها ما محترمة واذا دى لابسة عباية معناها دى ام الاسلام لا لانو احيانا بل غالبا بيكون العكس هو الصحيح فانا لازم اعرف سلوكيات الشخص واعايشو فى الاول بعدها اقرر انو محترم او لا لانو الاحترام مابس لبس لا هو برضو اخلاق وتعامل وسلوك حسن وادب ,, بس داما معناها انو اللبش الشاذ بيتضمن القاعدة دى ولكل قاعدة شواذ7-
مامدى تاثير اصدقائك على طباعك وشخصيتك
صراحة دائما باخد منهم الطباع البتناسبنى وبحاول اتعامل واتفادى الطباع المابقتنع بيها لانو اختلاف الراى لايفسد للود قضية يعنى عادى جدا تكون اعز صديقاتى انا وهى عندنا اتجاهين متعاكسين فى طريقة التفكير والاختيارات بس بالرغم من كدا متفاهمين وكل واحدة بتحترم طبع التانية وتتفهمو
اما بالنسبة لشخصيتى فدى حاجة خاصة بى انا وعمرى ماحاولت اغيرها عشان خاطر زول مهما كان
يعنى انا كدا بعيوبى ومحاسنى ياتصاحبنى كلى يا تخلينى كلى
قلنا نبدا بي خفيف عشان ما نتعبك
بسسسسس ياها دى انا زااااتا صفا الكنت بتشمها ديك يلا عليك الله اقطعو معاى تانى وماتسعلنى اى اسعلةبعد الزمن كتب:يا صفاء (الاستمارة ناقصة) كملها (مربع ورقم البيت) ضروري عشان يسري يمرق ليك شهادة سكن
من اللجنة الشعبية)
برمه :بالمناسبة كانت عندي زميلة اسمها صفاء كنت بشمها وقاطعا معها
في الله ولي الله
الشمّالي كتب:.
هي يااا بت امي ونورة القهوة والقهاوي المجاورة
وشووووق خلانا واقفين عبوووووووووب
اها ياااا بت امي دحين اشرح لينا كلمة
عبوووووووب دي غااااااااغ
باااقي معانا ناس حناكيش غاااااااغ
ناجي عثمان عبد الرازق كتب:أهلنا في الراكوبة ، سلام ،، جيت عابر بالصدفة و عجبتني قعدتكم وحبيت أكون جزء من هذا الجمال ،، شايل معاي قهوة بكريه ،،، وللمبدعة الجميلة أحاسيس كل التحايا والحب ،، ]/center][/size][/align]
الشمّالي كتب:.
هي يااا بت امي ونورة القهوة والقهاوي المجاورة
وشووووق خلانا واقفين عبوووووووووب
اها ياااا بت امي دحين اشرح لينا كلمة
عبوووووووب دي غااااااااغ
باااقي معانا ناس حناكيش غاااااااغ
بت السرف كتب:[align=center]انسعل ودابنعوف واجى اوريك ..... [/align][/size]
احاسيس كتب:ود ابنعوف حبابك الف اخوى كنت وين انت خليت قهوتك دى فااااااااتحة كدا
لمن ريحة البن جابت الماشى والغاشى خلاص النبابر كلها اتلمت سد الباب دا خلينا نقدر نقهوى الضيوف ديلthumbup.gif
ود ابنعوف كتب:السعال موجه لـ احاسيس
احاسيس كتب:بسسسسس ياها دى انا زااااتا صفا الكنت بتشمها ديك يلا عليك الله اقطعو معاى تانى وماتسعلنى اى اسعلة
برمة : (كر عليها بت الناس )هههههههههه
هندسسسسسه كتب:جااااااااااااااااييك اصبرى لى كان ما طلعت المستخبى