برش الفطور ..

[ابن عوف]

يا سللللللام ..

تاني رجعنا للبرش .. ورمضان جانا منبرش .. والجراس من سيرتو بيتهرش

يلا يا شباب .. نفضو البرش ده .. النجهز مكان فطورنا ..

وأبقو جالسين ..

وكل سنة وأنتو طيبين

وكل سنة وانت طيب

انا حاجز من هسي

[waya]

الفطوووور وووووصل



اممممم
لو عرفتو لي الشئ المغطية بي الصينية الصغيرة ديك !!؟
بديكم منها .....




تخريمة :
السنة دي حلومر مااافي

[dream-lady]

يمممممممممممممممممممممم

صفرة دايمة يارب....ورمضان كريم

يظهر لي -والله اعلم-المغطي عصيدة....صح؟

تخريمة: ليه ماقلتا ماعندكم حلو مر كنتا رسلت ليك بالخاص

[waya]

وكل سنة وانت طيب

انا حاجز من هسي

حاجز شنو يا زول ..

قوم جيب العيش








زمان في برش الفطور في الحلة .. كان معروف اي زول قعدتو وين " محل يقعد ويخت صينيتو "
وطبعا في ناس مقتدرين , صينيتهم تجي محملة بما لذّ وطاب
وفي أخوانا طيبين كده الله يذكرهم بالخير يجو من بدري يحجزو قريب منهم
هههه لدرجة تلقى الفرد ديل مكتلين في جنبة كده من البرش .. يعني لو البرش ده مركب كان غرقنا

هسي شكلك منهم يا ودابنعوف

[waya]

يمممممممممممممممممممممم

صفرة دايمة يارب....ورمضان كريم

يظهر لي -والله اعلم-المغطي عصيدة....صح؟

تخريمة: ليه ماقلتا ماعندكم حلو مر كنتا رسلت ليك بالخاص

عصيدة في أحلامك ..
ده الحلو يا حلو .. أوووبس " اللهم إني صايم "
كدي أفتونا .. كسير التلج في رمضان بعد الفطور يجوز ولا لااااع !!؟



تخريمة : في الخاص دي بتجي , ولا تبقي زي القالو بيدونا طرقة ونص " أنا لي هسي ما عارف سر النص ده شنو "

[dream-lady]

هههههههههه

قلتا لي لو كان مركب كان غرق؟

حاسة بيك كنتا القبطان

[waya]

قبطان شنو ..

وحياتك أنا كانو بيقطعو قلبي بالمراسيل
لمن خلاس أجي , ألقى الصحانه دي قربت تتنفض
والأطايب الكانت فيها بقت زي آثار الخرائط القديمة

وكمان في غياظين كده بعدها ,, يقعدو يحكو و يتذكرو الأكلات المنجروها " زي أخوانا الشماسه لمن يكونو طالعين من السينما بعد مشاهدة فيلم هندي "

[dream-lady]

عصيدة في أحلامك ..
ده الحلو يا حلو .. أوووبس " اللهم إني صايم "
كدي أفتونا .. كسير التلج في رمضان بعد الفطور يجوز ولا لااااع !!؟



تخريمة : في الخاص دي بتجي , ولا تبقي زي القالو بيدونا طرقة ونص " أنا لي هسي ما عارف سر النص ده شنو "

انتا صايم لحدت بعد المغرب؟؟
طرقة ليك والنص للكناترة.....ضريبة

[dream-lady]

قبطان شنو ..

وحياتك أنا كانو بيقطعو قلبي بالمراسيل
لمن خلاس أجي , ألقى الصحانه دي قربت تتنفض
والأطايب الكانت فيها بقت زي آثار الخرائط القديمة

وكمان في غياظين كده بعدها ,, يقعدو يحكو و يتذكرو الأكلات المنجروها " زي أخوانا الشماسه لمن يكونو طالعين من السينما بعد مشاهدة فيلم هندي "

تراكا عندك ذكريات اليمة
انتازاتك مفروض كنتا تسوي اضانك تقيلة ,,,,وماتترسل

[ود النصر]

هوووووووووووووي يا رواكيب ,,

ناس زمن جدي حي ,, عارفكم قوووودام ,, ( ناس برش الفطور )

اسبوع بس ,,

والفطور بي جاي ..

عايزين زول يرش الشارع ده كل يوم ,,

والتاني يفرش البروش ..

والتالت .. يملئ الأباريق ,,

والرابع ده بس ,, اي زول يجي ماري ,, يقعدو للفطور

الباقين جيبو صوانيكم وتعالو ..

وما تنسوا القهوة والشاي وال .....

أها ..

الشورة شنو ؟

[align=center]يا سلاااااااااااام
رجعتنا لي ايام جمييييييلة والله

ليك علي من الركن اكفي ليك الناس جت
من حقة السعوط الاصلي[/align][/size]

[ابن عوف]

حاجز شنو يا زول ..

قوم جيب العيش








زمان في برش الفطور في الحلة .. كان معروف اي زول قعدتو وين " محل يقعد ويخت صينيتو "
وطبعا في ناس مقتدرين , صينيتهم تجي محملة بما لذّ وطاب
وفي أخوانا طيبين كده الله يذكرهم بالخير يجو من بدري يحجزو قريب منهم
هههه لدرجة تلقى الفرد ديل مكتلين في جنبة كده من البرش .. يعني لو البرش ده مركب كان غرقنا

هسي شكلك منهم يا ودابنعوف

لالا ما منهم
اها جبت العيش
شئ مؤسف وفيها كسر خواطر للفقراء ورمضان شهر تسامح

يديك الف عافية

[ابن عوف]

عصيدة في أحلامك ..
ده الحلو يا حلو .. أوووبس " اللهم إني صايم "
كدي أفتونا .. كسير التلج في رمضان بعد الفطور يجوز ولا لااااع !!؟

لالا الا لينا نحن للمويات بس تخريمة : في الخاص دي بتجي , ولا تبقي زي القالو بيدونا طرقة ونص " أنا لي هسي ما عارف سر النص ده شنو "

خليك ما فاهم كدا احسن

[waya]

انتا صايم لحدت بعد المغرب؟؟
طرقة ليك والنص للكناترة.....ضريبة

أنا ,, قبل المغرب عندي رأي بالذات في اليوم المسخن


الكناترة ديل مقاسمننا في أي شئ مالم ,, الناس دي ما عندها شغلة غيرنا ولا شنو !!؟

[waya]

تراكا عندك ذكريات اليمة
انتازاتك مفروض كنتا تسوي اضانك تقيلة ,,,,وماتترسل

اليمه شديد ,,
لي هسي متحسر على طعم الصحانه الماضقتها ديك


وبعدين تقلة الأضان ديل كانو بيحلوها بي كورية فاضية , جردل حلومر قرب يخلص ,, صحن طلس كبير أي شئ يلفت إنتباهك يعني .. يفنوك بيهو كده لمن تقل أضانك يودر

[waya]

[align=center]يا سلاااااااااااام
رجعتنا لي ايام جمييييييلة والله

ليك علي من الركن اكفي ليك الناس جت
من حقة السعوط الاصلي[/align][/size]

ههههه ,,

تصدق يا ود النصر ..

زمان كنا بندردم السفة " الدقار " ديك ونجهزها كده ونختها في طرف الشبشب " الله يخذي شيطانا "
يضربها الهمبريب " تبقى بااااارده " وبس الأذان يأذن , وبلحة وشوية مويه .. وتتكلها كده بمزاج وتتكي في البرش , تاخد دروختك بمزاج .. بعد داك تقوم تصلي , وتجي تلخ ليك لقمة تسندك .. وتاني ترجع تديها سفة ,,,




محلات السعوط زمان تلقاهم كاتبين كلام عجيب في " الحقة "
زي " نوري " مثلا : لو ما فاطر .. ما تخاطر
والبان جديد : سف .. ورأسك يلف

أها أنت شعارك شنو يا ود النصر !؟

[waya]

لالا ما منهم
اها جبت العيش
شئ مؤسف وفيها كسر خواطر للفقراء ورمضان شهر تسامح

يديك الف عافية

يا تسامح أنتا ..

أمس فاطر لي مع أسرة سودانية هنا .. عاملين حركة عجيبة في الحلومر
كاسرنه بي كركدي وبيبسي " الشئ طعمه " ثلاثي الابعاد

[dream-lady]

وايا المشاكس

قرب برشك جايبة فطوري .....تقلية بقراصة.....بليلة .....سلطة روب ....فول وطعمية وسمبوسة

ومكرونة باللحمة المفرومة .....ودجاج محمر بالسميد

الحلو......دريم ويب بالبسكويت وكريم كراميل .....بطيخ

العصاير....حلو مر ....عرديب .....كركدي ....لموس خلطت لينا منقة

بالعطش روحي مرقت ....مطبخي سااااوناا

[waya]

كان تصوري لينا الصينية دي .. تاخدي فينا ثواب !!

يلا بالهنا والشفا






قالو عبق .. مرسلة ليكم كناافه

[dream-lady]

كان تصوري لينا الصينية دي .. تاخدي فينا ثواب !!

يلا بالهنا والشفا






قالو عبق .. مرسلة ليكم كناافه

خلاص المرة الجاية ؟؟؟صوت وصورة

كنافة عينة

[waya]

كنا صغار ,,

أنا وود جيرانا .. متقاسمين الايام .. كل واحد فينا يوم ,, يقش الشارع ويرشو ,, ويفرش البروش

يوم اتلخبطنا في الايام واتاكلنا على بعض , لمن اتشاكلنا , واتعاندنا .. ولغاية قريب الفطور ,, الشارع ما اتقشا ولا اترشا , ولا فرشنا البروش ,,

وجانا استاذ ادريس الله يذكره بالخير ,, أدانا علقة كااااربة

بالله دقيقتين قشينا ورشينا وفرشنا البروش ..

صحي الضرب ينفعهم , أهو لي هسي " سيرة البروش دي عاملة لي هضربة "