قصيدة احبك موت

[عراقيه عسل]

احبك مووووت
*************

عشت سنين احبك وانت ماموجود
غفى حبك بكلبي وفاض حبك

تعال وشوف كلبي البيك مجنون
ساعة يكول احبك ساعة اكرهك

تعال وشوفني اشلون ارجف عليك
عشكك صيف متنه نريد حرك

يفر بينه هواك اندوخ كل يوم
وعفيه انت الهوى مايوم فرك

ماعرفك جنت واتمنى احاجيك
هويتك هسة انه وماريد اعرفك

طعم حبك عجيب منين مصنوع
حلو كلش والاحلى النوب مر

اشتريك انه اليّ وابد مابيع
بيك انه ربحت ماريد اخسرك

ياريل ومحطة ودرب ليل الشوك
ما كمل بعد ماريد اعبرك

تزاعلني وتروح وانه اراضيك
واعرف بيك تدلل واعذرك

اريد وماتريد اشلون تالي وياك
مااكدر اردك ماشي امرك

يا اطيب جرح بالكلب خليك
ويااحلى صبر مجبور اصبرك

موتني على كلبك قابل الموت
شحلات الموت وانه بين كلبك

ماعوفك بعد والكالك وهمان
لوسم تنكلب همين اشربك

اذا حبك بحر اقبل اجازف بي
صرت سفان انه بهذا بحرك

وافرض لو خسرت لحبك بيوم
مااجوز انه ابد يوميه اجربك