كــــــلام نســــوان

[الدهمشي]

ما اظن

لا اظن

[mis.silent]

ههههههههههههه واهون عليك برضوووو يعنى ماحتقسمى لى معاك فى الواحد دا؟

لا ده زي تويكس لي واحدة مش لاتنين
لا يقبل القسمة على اتنين

[الدهمشي]

لا ده زي تويكس لي واحدة مش لاتنين
لا يقبل القسمة على اتنين

حظى ياربى ياتا

[احاسيس]

حمدالله ع السلامه شوق بى الشوالات والجرادل والجركانات

الله يسلمك من كل شر وحمد الله على سلامة عودتك انت كمان

[Control 9]

العضوة احاسيس حمد لله على السلامه نورتي الاسريه

وانا حبيت اشارك معاكم ( ماعارف حتحسبوها مشاركة بت ولا ولد ) بس حشارك

يا بني : إياك والدين ، فإنه ذل النهار ، وهم الليل .
يا بني : كان الناس قديما يراؤون بما يفعلون ، فصاروا اليوم يراؤون بما لايفعلون .
يا بني : إياك والسؤال فإنه يذهب ماء الحياء من الوجه .
يا بني : كذب من قال : إن الشر يطفئ الشر ، فإن كان صادقا فليوقد نارا إلى جنب نار فلينظر هل تطفئ
إحداهما الأخرى ؟ وإلا فإن الخير يطفئ الشر كما يطفئ الماء النار .
يا بني : لا تؤخر التوبة فإن الموت يأتي بغتة ..
يا بني : إذا كنت في الصلاة فاحفظ قلبك ، وإن كنت على الطعام فاحفظ حلقك ، وإن كنت في بيت الغير
فاحفظ بصرك ، وإن كنت بين الناس فاحفظ لسانك ..

[احاسيس]

العضوة احاسيس حمد لله على السلامه نورتي الاسريه

وانا حبيت اشارك معاكم ( ماعارف حتحسبوها مشاركة بت ولا ولد ) بس حشارك

يا بني : إياك والدين ، فإنه ذل النهار ، وهم الليل .
يا بني : كان الناس قديما يراؤون بما يفعلون ، فصاروا اليوم يراؤون بما لايفعلون .
يا بني : إياك والسؤال فإنه يذهب ماء الحياء من الوجه .
يا بني : كذب من قال : إن الشر يطفئ الشر ، فإن كان صادقا فليوقد نارا إلى جنب نار فلينظر هل تطفئ
إحداهما الأخرى ؟ وإلا فإن الخير يطفئ الشر كما يطفئ الماء النار .
يا بني : لا تؤخر التوبة فإن الموت يأتي بغتة ..
يا بني : إذا كنت في الصلاة فاحفظ قلبك ، وإن كنت على الطعام فاحفظ حلقك ، وإن كنت في بيت الغير
فاحفظ بصرك ، وإن كنت بين الناس فاحفظ لسانك ..

اهلييييييييييييين والله منور كنترول 9 سواء ولد او بت
تسلم/ ي كتييييييير على المشاركة الحلوة دى وماتحرمنا من طلتك

[اشرف الجعلي]

احاسيس هنا بتبيعي شنو عشان اكون عارف باقي انا سمعي تقيل

[احاسيس]

احاسيس هنا بتبيعي شنو عشان اكون عارف باقي انا سمعي تقيل

ببيع الحنااااااااااااااااااااااااااااااااااااااااااااااااااان للعندو جزلان مليااااااااااااااااااااااااااان

اها انت جزلانك كيف؟

[ريانه إمام]

ونسوني
ونسه دقااااااااااق

[احاسيس]

حاااااااااضر يا ريانة انت الليلة منورة البوست ومن عيونى نونسك ونسة الليل واخرو دقاقا لمن مابتتشاف بالنظارة زاتوو مازات الشجون هههههه

[ود الخير]

انا زى اشرف الجعلى
وداير زى ريانه امام

[احاسيس]

كيف امسيتو ..انشاءالله تكونو مبسوطين فى بيتكم دا وبالرغم أنني من المتفائلين فى حياتي الا إنني اعشق السودا فاليكم بعض السوداويات الحسسية :):) ..يوم سعيد

o عجبتو صورة البروفايل حفتا فى الفيس بوك (أصلها كانت خاتا صورة مره سمحة شديد) قال فى نفسو أكيد بتكون سمحة بما انها خاتا صورة جميلة ..المهم!! اتعرفو ..فشاتنج ..فرسائل...فموبايل خصوصا صوتا عجيب ورهيب كلو أنوثة ..اتعلق ذيادة شهر تمام مسجات وخلط بالتلفون الليل كلو ولسة ما شافا ..المهم !! خلاص اتفقو انهم حيكونو لبعض ربط أبدي بأسم الحب لنو شاف منها كل طيب ..حب تلفوني بحت !!! حددت الموعد فى كافتريا الحبوكانات وهو أنتظر فى طربيزة منتظرا وجات من بعيد بنفس اللبسة القالتا ليهو وقف على طولو باعجوبة جسمو كلو برجف وهو بقول فى سرو (اوعا بس تكون هي!!) ..البت الصراحة شينة شديد ومجلبطة بالروج وحق العيون والوش لون والايدين لون ..طبعا هي اتكسرت فيهو طوالي موش لأنو سمح لأنها حبتو بجد وسلم عليها عادي وقعدو ..اتونس معاها على مضض وكل مرة بعاين فى الساعة (يابت الناس موش نمشى بعد دا الزمن اتاخر وانا امي بتقلق علي) أمك يا كبير!!! حسة اليقلق منو انتا ولا هي؟؟؟ . ماعلينا المهم جرت بيهو زمن على قولتو ودفع الحساب وسلمو على بعض على أن يتقابلو يوم تاني لتجديد عهد الحب الفيس بوكي ..رجعت البيت تضرب تلفونو (هذا المشترك لا يمكن الوصول اليه حالياً !!) خافت عليهو ..دخلت الفيس بوك لقت اسمو ماموجود من ضمن قائمة الأصدقاء عملت سيرش عن الأسم لقتو سلقط ملقط ... وسألت نفسها ياربي (هكرو جهازو وسرقو موبايلو !!) .
(خيرا تعمل شرا تلقى صدقونى الاولاد ديل ما بستاااهلو تعملى عشانهم اى شى)
(( في النت معظمهم في البدايات أخوة لم تلدهم أمك.. و في النهايات ذئاب طريق جائعة(( !.
"إذا أردت أن تحكم على جمال المرأة لا تنظر إليها بعينك وانما انظر اليها بعقلك ؟"

لا تنخدع بالكلام الحلو !! ولا تكن طيب القلب أكثر من اللزوم!!

oب المناسبة هناك قلوب زي الركشه بتشيل (3) وفى قلوب زي الأمجاد بتشيل (7) ..وفى نوع زي الهايس بشيل (14) !! وأخشى أن تكون هناك قلوب زي الروزا أو زي باصات الوالي !!. ((الغريبة بعد الزحمه دي كلها تلقى القليب لسه فى محلو وبدق ..قلب زي علبة الهندسة!!)).
" اذا خـدعـك مرة فهو مجرم ، واذا خـدعـك مرتين فأنت مغفل "

o قرر فجأة بما إنو عاوز يعرس وماعندو حق العرس والقصة امكن تطول عشان يلم قروش البيت والفرش وحق الفنان وغيروو ..قال يعرس مرة كبيرة أو عانس على أواخر ال30 اهو منها يفك بورتا وفى نفس الوقت تصرف عليهو خصوصا انو عندها بيت وعربية ووظيفة !! وعرس وقعد فى البيت المكدنش واستلم عربيه المرة وادتو نسخة من مفتاح الشقة وفى أول شكله شالت ليهو شباشبو ومشطو وبشكيرو وفرشة اسنانو ورسلتا ليهو فى جراب لبيت أمو .!!
(كل ما بني على مصلحة ينتهي بانتهاء المصلحة!).

o قعد فى كرسي فى الحديقة العامه ..شويه زهج من قعدتو دي قام شاف من بعيد مره ..ذات قوام جميل ومشية كالطاووس لم يتمكن من رؤية ملامح وجهها ولكنه تحسر على جمالها وقارنها بمرتو المملة التي تشبه العساكر راقب مشيتها وهي تمشي باتجاهه عندما لاحظ طفلا بجانبها تحسر وقال "بختو راجلا والله"على المرة السمحة دي .. وكم خجل من نفسه عندما اقتربت المره منو واكتشف انها مرتو وبجانبها طفله!!! .

((كل إنسان يفكر في تغيير العالم من حوله .. ولا أحد يفكر في تغيير ما بنفسه)).

o لفت نظري محل مكتوب عليهو محلات حلاتو: للبشرة كريمات الجسم عطور وصفات مغربية.. دلكة البرتقال..حبوب النجمه الشهيرة..قشر الصدف البحري للتسمين ..خلطات العروس .. كريم للتنحيف..اتصالات ..اسكراتشات..تركيب عطور ..تصليح موبيلات..(المفاجأة الكبري يوجد بالمحل الصعوط الكردفاني الأصلي!!!).
"ياخ بالغتا عدييييييييييييييييييييل قربتا تقول لدينا حلو مر!"


راكوبه:-

1/ لم تمت سنو وايت مسمومة بالتفاحة ماتت مسمومة بووعد كاذب من رجل كاذب !

2/ إننا لا نصنع المعاناه .. ولكن المعاناه تصنعنا

3/ الحياة أخذ و عطاء ... و لكن البعض يكتفي بالأخذ ففي هذة الحالة توقف عن العطاء!

حق الله بق الله :):)

الى اللقاء فى الحلقة القاااادمة
والقادم احلى واحلى

[احاسيس]

انا زى اشرف الجعلى
وداير زى ريانه امام

نووووو نوووو نوووو دى اسرار دولة عظمى
دولة البنوتات الجميلات
لكن كان رشيتنى بوريك الونسة دى فيها شنووووو

[احاسيس]

يعنى مافى زول عجبتو الحلقة الفاتت ولا شنوووو؟

[احاسيس]

طيب هاكم النكتة دى لحدى ما نكتب ليكم حلقة الليلة

مسطول صدم ليهو بوليس حركة :..إتصل على الرقم 911 وقال ليهم بقيتو 910

[احاسيس]

رفعت الفتاه يدها للسماء قائله ياربي اني لااطلب شيئا لنفسي كل ما ارجوه ان تسعد امي وتبعت لابنتها عريسا

[nooon]

رفعت الفتاه يدها للسماء قائله ياربي اني لااطلب شيئا لنفسي كل ما ارجوه ان تسعد امي وتبعت لابنتها عريسا

خلي كل البنات تتعلم بر الوالدين

[احاسيس]

خلي كل البنات تتعلم بر الوالدين

شفتى البنات حنينات كيف بدعو لامهاتهم اول شى هههههههههههه

[nooon]

شفتى البنات حنينات كيف بدعو لامهاتهم اول شى هههههههههههه

حنية شديدة

[ريانه إمام]

انتو ما زعلانين ولا مالكُم صانين كده ..؟