شنو اكتر عباره كانت بتزعجك ايام المدرسه وانت صغير؟؟

[ahmedBolbol]

[align=center]شنو اكتر عباره كانت بتزعجك ايام المدرسه وانت صغير
.
.
1 نظفوا الفصل
2 قص اضافريك
3 شيل اللبانه من خشمك
4 نحن متأخرين بالماده وبنعوضها بحصص اضافيه
5 ماف حصص رياضه
6 الفصل التاني افضل منكم
7 ضحكنا معاك
8 ليش نسيت تحل التمرين عمرك نسيت تاكل وتاخد جلدتين
9 طلع ورقه امتحان مفاجي
10 عاين في ورقتك


[/align][/size]

[Batta]

صباحوووووووووو بلبل

اها غسلت العدة؟

وماعندك خيارات اخرى؟

طيب الخيار رقم 9_طلعي ورقة ,امتحان مفاجئ

[ahmedBolbol]

[align=center]صباحكـ فل يابطة
هههههههههههههه مابتحبى الامتحاناتـ ولا شنو؟؟
وتانى بتتزكرى شنو من الحاجات الكانت بتزعجكـ فى المدرسة[/align][/size]

[Batta]

يا بت انتي اصلا ما بتخافي ؟

في كل ورقة (بتاعة الالفة)اسمك مكتوووب وكمان تحتو خطين؟

[السنبلاية]

اكثر عبارة كنت بكرهه خارج النص المذكور يا بلبل

وهى : امشى جيبى المساحه من الفصل التانى .!!

[ahmedBolbol]

[align=center]انا اكتر شى بزعجنى كان لمن الاستاذ يقول اي زول يطلع كراسو قدامو والماحالي التمرين يطلع برا
ويقول للزول القدام امشي جيب السوط من المكتب ح تلقو تحت تربيزا الوكيل
يحليل ايام زمان[/align][/size]

[dream-lady]

بلبل ياخوي كر عليك ناس بطوطة وبعدو قالو روحك مرقت بغسيل العدة -ايه رأيك تستعين بصديق؟

اكتر عبارة كنتا بكرهها..ولا واحدة تتحرك ولا تطلع من مكانا

[ahmedBolbol]

اكثر عبارة كنت بكرهه خارج النص المذكور يا بلبل

وهى : امشى جيبى المساحه من الفصل التانى .!!

[align=center]هههههههههههه مساحة السبورة اخخخخخ
اى والله المسح ده كمان غياظ غياظ لدره مبالغ فيها[/align][/size]

[dream-lady]

انتو ناس بيئة ولا شنو مساحة شنو التتسلفوها ....وسبورة؟ ماكان عندكم عروض بور بوينت؟

المساحة كنتوا بتمشوا تتسلفوها؟؟؟

ماكنتو تمسحو بورقة مبلولة ؟

[Batta]

اكثر عبارة كنت بكرهه خارج النص المذكور يا بلبل

وهى : امشى جيبى المساحه من الفصل التانى .!!

هاي سنبلاية مشتاقييييييييين

انا ما كانوا بغلطوا معاي الغلطة دي!!!!!!!!!!!!

مرة واحدة عملوها ولقوني في الكفتيريا بحنس بتاعت البوفيه تديني الفطور بدري


وأبت الغتيتة,قالت لي الفسحة لسه

[السنبلاية]

هاي سنبلاية مشتاقييييييييين

انا ما كانوا بغلطوا معاي الغلطة دي!!!!!!!!!!!!

مرة واحدة عملوها ولقوني في الكفتيريا بحنس بتاعت البوفيه تديني الفطور بدري


وأبت الغتيتة,قالت لي الفسحة لسه

بطوطة .. واحشــــــــــــــنى جداً والله ...

انتى عارفة يا بطوطة . مرة كانت معانا المشرفة

فى الفصل . وفجأة المرأية وقعت من زميلتنا فى البلاط

وعملت ( كش ) . وما كان من المشرفة لاأن توقفنا

الثلاثة حصص الاوائل . !!

انا لمان جانى هبوط من الوقفة وحسيت بركبى ثابن ..!!

[ahmedBolbol]

بلبل ياخوي كر عليك ناس بطوطة وبعدو قالو روحك مرقت بغسيل العدة -ايه رأيك تستعين بصديق؟

اكتر عبارة كنتا بكرهها..ولا واحدة تتحرك ولا تطلع من مكانا

الحياه مشاركـة يابتى ولا شنو؟
انتى راجلك مابغسل ليك العده ولا شنو؟ مسكينة هارشكـ
قولى ليهو الحياة شراكة شراكة

[ahmedBolbol]

[align=center]كمان فى حاجة بتغيظ شديد
لمن تركب راس فى البت وماتزاكر يجي ولي امركـ يقول للاستاذ ليك اللحم ولينا العضم
تقول بندرس فى سلخانة والله دي بتذعجني وبتجيب كثافتي
هههههههههههه اخخخخخخخخ
ايام والله لكن المدرسة دى
عملت فيها عمايل[/align][/size]

[Batta]

بعدين كلامك دا اتذكروا

وما تمش للاستاذ وتقولي حتى العضم ما دايرنو

[Batta]

كان عندنا استاذ متفلهم كل يوم ببنطلون غير

والبنات يحسبوا في البناطلين,كنبة ورا وما ادراك ما كنبة ورا,في بت عندها منكير كل ما يجي جمبها

تعلم بنطلونو,بس مرة طلعت المنكير ودايرة تعملو قبض يدها وقاليها والله ما حقي!!!!!!!

[dream-lady]

الحياه مشاركـة يابتى ولا شنو؟
انتى راجلك مابغسل ليك العده ولا شنو؟ مسكينة هارشكـ
قولى ليهو الحياة شراكة شراكة

انا اخلي راجلي يغسل العدة

بغسل الهدوم بس

[السنبلاية]

انا اخلي راجلي يغسل العدة

بغسل الهدوم بس

غسيل العدة ولا غسيل الهدوم ,,

كلو مفعول به منصوب .. والفاعل ضمير مستتر تقديرهـ هو ..!!

يعنى الفاعل ..

سنة يا العربى ..

[dream-lady]

كان عندنا مدرس شيك ملقبنو استاذ شياكة-يوم بت غلطت في مكتب المعلمين قالت : استاذ شياكة

[dream-lady]

غسيل العدة ولا غسيل الهدوم ,,

كلو مفعول به منصوب .. والفاعل ضمير مستتر تقديرهـ هو ..!!

يعنى الفاعل ..

سنة يا العربى ..

شكلك كنتي بتحبي العربي شديد

[المتميز]

حفظت جدول الضرب ؟؟؟

دي كانت أكتر حاجة بتضايقني في سنين الدراسة الأولى ...
والحمد لله أن من كان يضايقني بتلك العبارة قد أسهم في حفظي لجداول الضرب والتفوق بمادة الرياضيات حتى المرحلة الجامعية..