عليك الله سافرعليك الله شيل الأمانى معاك
وشوف البيبكى عليك أو حتى يترجاك
أنا تعبتا خلاص من جورك انت على
تزعل بدون اسباب ومن تانى ترجع لى
خليك معاى واضح لا يبقى قولك نى
يا انت ابقى معاى يا انت مالك بى
رغم الحصل والكان ياما صبرتا عليك
كان العشم جواى تصدق معاى عينيك
لكن غرورك فاض كتل البراءة الفيك
خلاك تظن مجبور أنا بكره برجع ليك
أوعك تظن فى يوم أنا قلبى يرضي الذل
او يستكين هيمان ويرجاك عند الضل
انت الفتحت الباب وقت للخصام ادخل
وانت الزرعت الشوك وقلعت شجر الفل
وأنا فى النهاية إنسان مرهف رقيق حساس
وداير اعيش فى امان واصافى كل الناس
لكن إذا جاء الريد فوق الكرامه وداس
مجبور اقول القول القالوا (ابوفراس)
فى شعروا قالوا كلام مدهش جميل يسبى
لا تملك الحسناء مهما تكون قلبى
أنا برضى زيو كمان أعلنت لى حربى
وعارف قليبى بقول يا اخوانا آيه ذنبى
والله يا المريود خليتنى فيك محتار
مرات بشوفك نور مرات بحسك نار
مرسالى وكتين جاك قابلتو باستهتار
وما تنسي أى حريق دائماً بدايتو شرار
يا قلبى اصبر اصلو الظروف قاصداك
معليش إذا جاء الليل وخيم على دنياك
عذراً إذا الأحلام اكبر من الإدراك
وعفواً اذا حبيت زول ماعرف معناك
جيت اقول لي كلام ..........لقيتو كلو اتقال
جيت اوصف مشاعري معاك..........لقيتو خيال في خيال
لقيت المشاعر غير.....وبتختلف الاقوال
متين كان الحب ذلة؟...متين كان الزعل اذلال؟؟
كيف أبكي وقد جف بحر الدموع ... كيف أشكى والكلام أصبح ممنوع ... كيف أعشق و الحب في قاموسى أصبح غير مشروع ... وذاك قلبى انطفأ كتلك الشموع ... وتلك روحى رحلت وتأبى الرجوع . . . ؟ ! !
وآحسرتي وحسرت عيون ذرفت دموعا علي أمس
علي صفاكي وروعتك وحديثك العذب السلس
من بعدك الايام خلن والعيشة فيها بلا نفس
كيفن يضوق طعما ويروق زول فصل الاحزان لبس ؟
يجب أن أنسى أنك كنت يوما في حياتى
أنك وهم أسميته سعادتى
أنك ستبقى ذكرى في مخيلتى فترة
ظننت أنها سبب إبتسامتى
سأدخل دوامة النسيان
......ربما لأجد فرحتى
التى إعتدتها منذ طفولتى
والتى فقدتها لحظة غلطتى
من المؤسف ان نخدع الاخرين بالاقنعة المزيفة
فنرتدي اسوء الاقنعة ..............
رجل بقناع امرأة؟ وإمرأة بقناع رجل ؟
وكلنا شخص واحد في تمثيليلة ...؟
بطلها الخداع؟؟
