اجمل لقاء

[حرم الباشمهندس]

[mark=ffff99][foq1]أجمل لقاء[/foq1][/mark]




بغنى ..ليك وأكتب.... فيكْ ..
واسافر فوق بساط أشواقى . أنزل فوق رمال واديكْ
أنم وأنشد أغانى الريدة ..طربان يا حبيبى أجيــــــكْ
أشيل خطـــواتى ليك فسراع.. قليبى يدق يشابى ليكْ
افرد ايدىّ بالأحضان .. تعال يا حِبِّى فارد إيديـــــكْ
تروى أشــواقى بى حنَّك .. وبى كل الحنان أرويــكْ
وكلى اتلاشـــى فى جواك .. واغرق فى بحور عينيكْْ
وأشوف الدنيا كلها بسمة .. لمان تبتسم شفتيـــــــكْ
وانسى الدنيا والأحــزان .. وأبقى أنا زاتى منَّك وفيك
وحلاة الدنيا فى اليوم داك .. كـل أفراحا من حوليـــكْ
وعيـــد مزدانة بى أزهار.. ماخدى نضارا من خديــكْ
تفوح أرياحا تنعشنى .. وأصدح زى كنار أشجيـــــكْ
سعادتى فـــريدة يوم لقياك .. ومسك إيديــــــــــــــــكْ
أسوقك أمشى اشق الواح اعيــد للذكرى وارجع بيكْ
لــى أيام لقـــانا الحلوة .. وأول كلمة قلتها ليــــــــــكْ
وكيف ساهرت سايق الليل .. سهاد ودموع أفكر فيكْ
لأنك شلـــت قلبى معاك .. وكلو رهنتو ملكاً ليـــــــــكْ
خلاص قررت بكرة أقول .. أصارحك بالعلى والبيـــكْ
وأردد بى علو صوتى .. أمل عمـــرى القليب حابيــكْ
وكان إنّك قبلت هواى .. وعبـــّر بى دموع عينيــــــكْ
واتعاهدنا بالإخلاص .. لا تسلينى لا أسليــــــــــــــــكْ
واتحقـــق منايا واملـى .. بقيت يا عمـــرى لىَّ شريك
وعشنا ايامنا ريد وأمـان .. وحلمى بنيتو كلو عليـــكْ
منقووووووووووووووووووووووووووووووووووول

[ابن عوف]

ويبقى المنتدى سعادة لما تخطى كلمات
حلاة المنتدى بوجودكم وننهل من مداد كلمات


مرحب وحبابك بيناتنا

وان شاء الله دايما ايامك سعيدة

نحنا طماعين منتظرين المزيد

تحياتى

[لبيب]

وكان إنّك قبلت هواى .. وعبـــّر بى دموع عينيــــــكْ



ياسلاااااااااااااااااااااام
كلمات ولا أروع
شكرا على الإبداع

[حرم الباشمهندس]

سلمت يداكم ويديكم العافية يارب ,, ودوام الاقاكم معاي وحداي

(امي)
وأشوف الدنيا كلها بسمة .. لمان تبتسم شفتيـــــــكْ
وانسى الدنيا والأحــزان .. وأبقى أنا زاتى منَّك وفيك
وحلاة الدنيا فى اليوم داك .. كـل أفراحا من حوليـــكْ

(ابوي)
سعادتى فـــريدة يوم لقياك .. ومسك إيديــــــــــــــــكْ
أسوقك أمشى اشق الواح اعيــد للذكرى وارجع بيكْ (وياحليل الطفولة)
لــى أيام لقـــانا الحلوة .. وأول كلمة قلتها ليــــــــــكْ(بابا)
وكيف ساهرت سايق الليل .. سهاد ودموع أفكر فيكْ(والله مشتاقة لي ابوي ياناس)
لأنك شلـــت قلبى معاك .. وكلو رهنتو ملكاً ليـــــــــكْ

[الدغري]

لك التحية على روعة النقل

[حرم الباشمهندس]

العزيز الدغري

شكرا لوضع بصمتك