[frame="4 80"]كنت قاعد وحدي
شان
أقدر
أشوفك
وما تجوط
لحظة إشراقك هموم
..
..
تفتكري ممكن هم صغير
يعكر الشوفة القمر
ما أظن ...
قلت كدا ...
وما فكَّرتَ تاني أشوف عيوناتك بياتو طريقة
بس ...
كان هناك في نواصي القلب
بعض من جمال (الشوفة) الأولى
فاستعنت به
كي لا يعتريني الإنشداه
وتتسمر شفتاي قبالة نقائك
وتصوم عن نظم القوافي ...
حشرج الصوت يوم مناداتك آذان
سِمْعَتْ (القِبْلَة) العشق
إستعدت للفرض
وأنا لسة واقف بستعينك للقلب
أن قرِّبي ..
خليني أبداك بي حرف أشواقي
وأتهلل شهر
بتصومك جموع العاشقين
وبتفطرك
حنية الوتر المسا
(وما بنتهي الشوق بانتهاء الفرض)
وكنتا فاكر..
إني ذيّك..
براي وقاعد وحَدي
إتغابيت وجودك..في حِداي...
وإحتلالك..مساحاتي البراي
بتطلع إنتا من جوّاي
من شهقة مراسي الغيم
ومن زفرة الإسمو الرذاذ.
بريــــدك إنتا ياملمح الناس العزاز
بشتهيــــــك ..وكتين تطِل عينيك لذاااذ
إنتا ياموسم حراز
ترميني بي النظرات حنين
وأجدع ليكا من خَدري الشهيد
وإتسرّب فيني ياشلال ضنين
بالريدة..أسرح في الوريد
أدفق الشوق ..ياخي جيد
خلِّي التوجُّس..ياحبيب
عارفني برضك مشتهيك..
وداير أجيك.
أبداني من أي كلمة بتعجبك
من أي إحساس..
تلقاهو مكتوووووب ( حتتك)
أبداني من عندك
تلقاني فيكا...ومسكنك
أبداني ..من حيث إنتهيت..
والله بعشق معبرك
أبداني من أي شئ
يخطر ببالك..
أو يصادف فكرتك
أبداني من وكت إنتويت
وإتوضّى من عينيَّ ديل
وأفرش علي روحي ..مصلاية العشق القبيل
وأكتب عليّ...فروضك..ومعبدك[/frame]
[frame="7 80"]اتخيلى ...
لمن تفوتى وترحلى
اتخيلى كل الناس وراك
بشوقها تحرق وتصتلى
اتخيلى...
اتخيلى الارض من غير خريف
صوت الشجر من غير حفيف
والدينا صيف ..
وأنتى الغمامة الفى السماء
مابتهطلى
اتخيلى انسان بحبك بالسنين
اهداك مشاعرو وفرحتو
ماحس يوم ضاع العمر
اهداك عيونو ودمعتو
ماحرام تتجاهلى
اتخيلى ..
انسان بشيل الليل سهاد
شارد بسأل فى النجوم
عن نجموتو لمن الاقيهو الصباح
وأنتى الصباح المنى فات
خلانى لليلا طويل مابنجلى
اتخيلى ..
قلب بموت من فرقتك
عايش وحيد فى ليل هواك
مستنى قبط لو يحن
بحلم تمنى بعودتك
بتخيلك لو مرة يوم تتخيلى[/frame]
عتاب العاص كتب:[frame="8 80"]ليه يا كروان خليت عشك
باريت الغربة البتغشك
فارقت البلد البتريدك
بالصندل كانت بترشك
ليه يا كروان سبت ديارك
ومشيت خليتهم سمارك
دي الغربة الحتت نوارك
ما تسيبها تقلل مقدارك
دا البعد الحاصل كان منك
ليه نرمي اللوم على اقدارك
ليه يا كروان خليت ناسك
ومشيت للناس الماناسك
انت المعروف بين جلاسك
معروف بي رقة احساسك
ليه تنسى عيون النيل والليل
والريد الحابس انفاسك
ليه يا كروان بعدك طول
وما عاد تغريدك زي أول
انا عارفو حنينك ما تحول
عشق الأوطان ما بتاول
اصلو الانسان ما بكون انسان
لو بنسى قديم زمنو الاول [/frame][/size]
عتاب العاص كتب:[frame="7 80"]اتخيلى ...
لمن تفوتى وترحلى
اتخيلى كل الناس وراك
بشوقها تحرق وتصتلى
اتخيلى...
اتخيلى الارض من غير خريف
صوت الشجر من غير حفيف
والدينا صيف ..
وأنتى الغمامة الفى السماء
مابتهطلى
اتخيلى انسان بحبك بالسنين
اهداك مشاعرو وفرحتو
ماحس يوم ضاع العمر
اهداك عيونو ودمعتو
ماحرام تتجاهلى
اتخيلى ..
انسان بشيل الليل سهاد
شارد بسأل فى النجوم
عن نجموتو لمن الاقيهو الصباح
وأنتى الصباح المنى فات
خلانى لليلا طويل مابنجلى
اتخيلى ..
قلب بموت من فرقتك
عايش وحيد فى ليل هواك
مستنى قبط لو يحن
بحلم تمنى بعودتك
بتخيلك لو مرة يوم تتخيلى[/frame]
بالجد القصيدتين ديل مبالغة .. إحساس جميل جد بغمرن
تحياتي ليك يا كروان العاص .. وأهلا بيك بين رحاب منتدى الشعر ..
[frame="1 80"][bor=ccff00]قصيدة شعرية عجيبة ، نظمها إسماعيل بن أبي بكر المقري ـ رحمه الله ـ
والعجيب فيها أنك عندما تقرأها من اليمين إلى اليسار تكون مدحا
وعندما تقرأها من اليسار إلى اليمين تكون ذماً .
من اليمين إلى اليسار ... (في المدح) :
طلبوا الذي نالوا فما حُرمــــوا **** رُفعتْ فما حُطتْ لهـــم رُتبُ
ورينى شن طعم الدروس مادام بكانا مشى قطر وكيف ذاتا ترتاح النفوس تقبل قرايتاً فى سفر
يايمه حان الإمتحان من وقتو بس فاضل شهر
ما اظنى من جور الزمان انجح واجيب ليكم نمر
كيف ذاتى يا نبع الحنان انجح من آلام السهر
عمرك سمعتيلك جبان خاض المعارك وانتصر
زينوبة كل ما افتح كتاب القاك فى أول سطر662.0040::
القى الجداول والصحاب القى الجناين والتمر
فى الحصة عقلى أنا قام سدر يمه المدرس لو فكر gif:
كان بلقى قاعد فوق ككر فى الدونكي لسع ما فطر
يسمع كليمة يا عشاي وأغلى الحكم عند الضجر :
أنا قلبى كلو عليك جناى وقلب جناى على حجر
والله موش لو كان نهر لو كالنى بسيطان بقر
مادام عقيل الجن سدر ما اظنو من عندك حضر
بذاتو ابوى تلقاهو قام فاتح كتابو مع الفجر
يقرأ ويرتل فى كلام ما بفهمو الناس الكفر
زينوبة كر من حالى كر قاعد لى فوق نيران جمر
غربة وكمان حالاً فقر عذبنى قبل أصل القبر
الشوق متل شوك الكتر طعن الجسم لمن خدر :019
والله لو ما بنقبل ما كان بفارقك بى شبر
زينوبة دنيا الإغتراب خلتنى زي ورق الشدر
اتحت من عدم الشراب عم الأراضى وانتشر
الغربة اصلو طعيمها مر لكنى بقعد بالجبر
لمن سنين الهم تمر يا ربى الهمنى الصبر
يا خالة :
ما تقولى لى دخل البطون
والفى البطون ما بتمرق
يا خالة شيليها الظنون
والله مابينكن فرق
ما زى بعض لوبي الجروف
قوليها لو كان تنطق
خالتى المجنح ما بيطير
واللاحقه ايدك بتلحق
وين انتى شفتيلك بعير
معقول محكم وينطلق
يا خالة كيف اصبح غريب
وأنا روحى من روحك خلق
والله أقرب من قريب
والغنوة معوان للخلق
ما شفتى ناسا حالها كيف
قلب الجبل ليهن برق
كم ليلة ما غمدو الطريف
سدت دموعن فى الحلق
يتباكو ما شفتى النحيب
ساعتو البيبدا من القلب
آه وآشريري على الغريب
اليومى دمعو بينسكب تلقيهو يرفع الليدين
لافوق يلاهى وينضرب
يا الله يرجع لا متين قلباً معذب ومغترب
طعم الدروس يا يمه ليك
لى كل مهاجر ومغترب
ضاق الكؤوس المرة ديك
وآه من حناضلاً تنشرب
مش كل ما لاح صباح
يتماروا ناسك فى الدرب
الجاي وارد واب ملاح
يا بت ترب زولاً تلب
يبقى الغنا السلوى الملاذ
للقلبو فى الساساق غلب
لو صدق المطر الحراز
ما كان من الأشواق تعب
انتى اللسان الماب يقع
فى زلة لا يوم ينزلق
فيض الحنان المن نبع
لا قل لا يوم نتمحق
جاهو الجنوب سابق الشمال
جاهو المشحتف فى الشرق
جاهوالغرب شادى الرحال
شيل يا غمام منو وأسق
يا الله شدة ماك رحيم
أديتنى أُمين تنسبق
لى ضمى بالحضن القديم
الدافى شوق وعشق وعشق
