موضوع مهم: كيف تتسوق بدون خسائر او ندم

[مصممة ازياء]

كل عام وانتو بألف خير اليوم عندي موضوع مهم جدا كان مفروض أنزله مخصوص قبل العيد بس الظروف ما سمحت .

المهم ومن غير اطاله حبيت أنقل لكم خبرتي في عالم التسوق بكل حلوها ومرها.
اكيد كلنا اتعرضنا لتجارب تسوق ناجحه وتجارب وفاشله, يعني مرات كثيره بنطلع من السوق مرهقين نفسيا وماديا بسبب انه ما اتوفقنا في عملية التسوق وقد يكون واحد من العقبات المبالغه في عرض المنتج والوقوع في فخ (العروض والتنزيلات) وهنا المستهلك بيفقد السيطره بين الانقياد للعروض التسويقيه وبين أولوياته واحتياجاته ياللي ذهب للسوق علشانها.

عشان كده كل عملية التسوق بتحتاج الي تنظيم أجنده دقيق وأنا حاوريكم كيف ؟

* لازم نحدد ميزانيه منفصله لعملية التسوق يعني ما في داعي ناخد معانا محفظه يكون فيها كل الفلوس من مصروف أو مرتب أو ميزانية البيت أوغيره عشان كده لازم ناخد معانا مبلغ التسوق فقط لاغير. وأنا شخصيا بفصل فلوس التسوق في محفظه منفصله تماما.

* لازم نلقي نظره أخيره علي الملابس في الدولاب عشان نتذكر ايه الموجود عندنا من ألوان وموديلات وأحذيه علشان ما نكررها ونتأكد من الشي ياللي ناقصنا في الدولاب, واذا كنا من الناس ياللي عندهم ستايل محدد لازم نغير فيه شويه والا حانكون أضفنا للدولاب قطع مكرره.

* وبعد ما ألقينا نظره علي الدولاب بالمره نقوم نتخلص من الهدوم ياللي مكدسه وما محتاجينها أو الألوان المكرره أو القطع ياللي ممكن نستغني عنها ونغلفها في أكياس ونتبرع بيها.

* لازم نجيب ورقه وقلم ونسجل أولوياتنا الضروريه أولا ثم الكماليات عشان ما نخلص الميزانيه ونكون ما جبنا الحاجات ياللي مشينا السوق عشانها.

وبعد ما خلصنا من تنظيم الاجنده اليك بعض النصائح لكي ولك انت ايضا ايها الرجل لأنكم مرات بتتمقلبو أكثر مننا

1- أوعي تمشي السوق وانتي زعلانه او متضايقه لانه ده حايأثر في قرارك في الشراء لأنه غالبا ما تشتري حاجه ولما ترجعي البيت وتهدئي ويتغير مزاجك حاتلاقي انه رأيك فيها اتغير لأنه التسوق هتا حايكون فشة غل (مجربه)


2- ونفس الشي ما تتسوقي وانتي مبسوطه خالص أو جاك خبر حلو وطايره من الفرحه والدنيا ورديه لأنه التفكير المنطقي بيضعف في حالة الفرح الشديد أو الحزن الشديد ولما ترجعي البيت وتشوفي الفواتير ومحفظتك نظيفه حاتكتشفي انه الدنيا مش ورديه لونها اتغير بقت كحليه (تجربه مؤلمه)


3- ثلاث أنواع من البشر حذااااااري تاخديهم معاك السوق مثلا أوعي تتسوقي مع واحده ما عندها ذوق بالمره لأنها حاتأثر علي رأيك وخصوصا اذا كانت من النوع اللي بيتدخل, ولا واحده رغايه وتتكلم كثير وتحكي قصص النوع ده بيعمل تشويش حتي علي وكالة ناسا الفضائيه أما النوع الثالث ده أسوأ نوع بالنسبه لي لما تكون معاك واحده كل ما تختاري قطعه تاخد زيها واذا رجعتيها تعمل زيك و تقعد تلهيك عن الشي اللي انتي جايه عشانه وتقول ليك تعالي اختاري لي واحده زي دي أقفلي عليها في غرفة تغيير الملابس وامشي سيبيها وواصلي شوبينج ولا كأنه في شي حصل (الله لا يبليكم)


4- بالنسبه للمقاس ما تتسوقي في الفتره اللي عاوزه تنزلي فيها وزنك أو تزيدي فيها لغاية ما تثبتي وزنك واذا انتي من النوع اللي يوم يزيد 4 كيلو وبكره يخس 3 كيلو ما تشتري حاجه مقاسك بالظبط خدي مقاس أكبر بدرجه يعني لو نحفتي ممكن يتضيق لكن لو هو اصلا ضيق وسمنتي راحت عليك ياما ناس راحت عليهم ملابس لسه جديده بورقتها بس (القانون لا يحمي المغفلين)


5- لما تشتري صندل او شوز اياكي تكتفي بالموديل أو انك تقيسي وتشري وتمشي ده أكبر غلط لازم تجربيها في المحل تلبسي الفردتين وتتمشي وتتمشي وتمشي في المحل لغاية ما يزهجو منك وحاولي ركزي في مشيتك اذا كانت متزنه ومريحه وفي اصابعك مضغوطه ولا مرتاحه ركزي في كل جزء في قدمك ياما لبست حاجات شكلها حلو واستايل وطول ما أنا لابساها وبكامل اناقتي بكون بتقطع من الألم ( من بره هالله هالله ومن جوه .....)

6- ممنوع منعا باتا اصطحاب الأطفال لأنه وجودهم أثناء عملية التسوق كارثه ماديه ونفسيه الا اذا كانو مشمولين في عملية التسوق ولازم يكونو موجودين عشان المقاسات , أو اذا كان في مكان مخصص للعب الأطفال , غير كده (جنة الاطفال منازلهم)

7- واهم نصيحه ما تنسوا دعاء السوق الدعاء عند دخول السوق وعند الخروج منه: " لاإله إلا الله وحده لاشريك له ، له الملك وله الحمد ،يُحيي ويُميت ، وهو حي لايموت ، بيده الخير وهو على كل شئ قدير " فله كثير من الفضائل . وما ننسي أوقات الصلاة لوكنا حنتأخر في السوق.

8- بالنسبه للزوج ما تنسي تاخد رأي زوجتك في اختياراتك لانه بعض الأزواج بيقعوا في فخ التكرار والنمطيه في مظهرهم وهنا زوجتك ممكن تساعدك وفي التغيير و في اختيار ما يلاءمك نظرا لمعرفتها الكامله بك, اما بالنسبه للزوجه حاولي قدر الامكان اشراك زوجك في عملية التسوق وأخدي رأيه في مشترواتك من وقت للثاني عشان ويحس بأهمية رأيه أو اذا اضطريتي ومشيتي من غيره ما تنسيه علي الأقل اخدي ليه هديه بسيطه (وكده حيدفع وهوه مبسوط)

9- لما تمشي السوق حاولي ما تتأنقي زياده عن اللزوم وتجنبي لبس الذهب والمجوهرات , يعني البسي لبس بسيط ومريح لسببين الاول: لأن بعض الاسواق وخصوصا الشعبيه منها تعتبر مرتع للمعاكسات واللهو والسبب الثاني هو انه بعض اصحاب المحلات بيحدد السعر علي حسب هيئة الزبون بمعني انه لوكان مظهر الزبون بيدل علي انه انسان بسيط حايديه سعر معقول وممكن كمان ينزل ليه السعرلادني حد ,بس لوكان مظهر الزبون بيدل علي انه مرتاح وحتي لو ما كان كده حايقوم البائع برفع قيمة البضاعه بأعلي من سعرها الحقيقي والمعلومه دي اخدتها من صاحبتي ابوها من مليونيرية دبي لكن هي لما تمشي السوق بتلبس لبس واحده وضعها مادون العادي وبتقنع البائع انها ما بتقدر تدفع اكثر من نص السعر لانه وضعها عادي وما بتقدر تدفع ومحفظتها بتكون عباره عن بنك متحرك تخيلو .... ( ابن الوز عوام)

10- وعلشان تقدرو توفرو وما تصرفو كثير ما تشتروا في المواسم العاديه انتظروا مواسم التنزيلات خصوصا لو كانت الاسره كبيره واحتياجاتهم كثيره .

11- بالنسبه للعطور كثير من الناس بيفتكروا انه اختيار العطر المناسب شيء سهل ولا يحتاج الي وقت أو نصائح ولكن أنا بشوف انه اختياره صحيح سهل ولكنه قد يحتاج بعض النصائح لأنه في أخطاء شائعه بيقع فيها كثيرين مننا مثال انه في ناس بيشترو العطر لمجرد انه شمو ريحته علي شخص أخر ودي اكبر غلطه لأنه رائحة وتفاعل العطرعلي الجلد قد تختلف من شخص لأخر فهناك بعض العطور قد تتناسب مع البعض وقد لا تتناسب مع البعض الاخرفتعطي رائحه غريبه وذلك بسبب اختلاف طبيعة البشره وما تفرزه نظرا لتأثرها بما نأكله ونشربه وصدوقوني دي حقيقه علميه علشان كده مش لازم نجرب العطر علي منطقة الرسغ او المناطق ياللي فيه نبض ونستني 10 دقائق لغاية ما ينشف ويتفاعل مع جلدنا وكده حنقدر نتعرف علي ريحته الحقيقيه وما نكتفي بشم ريحته من الزجاجه او من المنديل. وماننسي برضه انه لكل عطر وقته يعني للصباح لازم نستعمل عطور خفيفه وهادئه مثلا زي ريحة الازهار أو زهر الليمون و البرتقال وبتنفع كعطور اساسيه في فصل الصيف بتدي انتعاش, وفي المساء نقدر نستخدم عطو اقوي زي ريحة الأخشاب العطريه مع الفانيلا اوالعنبر ايضا تصلح افصل الشتاء بتدي احساس بالدفء (لكل وقت اذان)

12- المكياج وما أدراك ما المكياج وهوايله وبسبب انه من الحاجات اللي بنشتريها وما بتتبدل اذا فتحت ولأنه من أكثر الأمور ياللي بتحتاج دقه في الاختيار حاشرح عن كيفية اختياره والنتايج المترتبه عن سوء الاختياربصوره مفصله شويه , ياما بنشوف بنات مكياجهم مبهدل يعني الواحده تكون عامله بودره أو فاونديشن ما بيتناسب مع لون بشرتها ولونها طالع رمادي أو واحده عامله كريم أساس وسايح كأنها متمسحه بزيت ودا بسبب انهم ما أخدو وقتهم في الاختيار أو انهم اختاروا نوعيه رديئه ودي بعض النصائح: *اولا: لابد أ ن يكون المكياج من ماركه كويسه وسمعتها حلوه وياريت لو تكون تكون مكوناتها تكون بتحتوي علي مواد لا تسبب حساسيه للبشره وانا هنا بتكلم تحديدا عن البودره والفاونديشن من أهم الأسباب ياللي بتخلي المكياج جميل أو قبيح. * ثانيا:لابد من التأكد من صلاحية عبوة المكياج وأن العبوه لم تفتح أو تخزن لوقت طويل أ معروضه في مكان درجة حرارته مرتفعه. *ثالثا:لما تمشي تشتري مكياج لازم تكوني عارفه طبيعة بشرتك (دهنيه-عاديه-جافه-حساسه) عشان ما تغلطي وتستخدمي فاونديشن يحتوي علي زيوت وانتي بشرتك دهنيه ده حايزيد من مشكلة الدهون ويديها مظهر لامع ويخرب المكياج والنوع ده مخصوص للبشره الجافه عشان كده لازم ننتبه لنوع بشرتنا ونوع الفاونديشن وكذلك البودره. * رابعا:ما لازم تكتفي برأي خبيرة التجميل في اختيار لون الفاونديشن أو البودره المناسب للون بشرتك لازم تجربيه علي وجهك عشان تقدري تحكمي بنفسك وما تجربيه أبدا علي ايدك لأنه طبيعة جلد اليد ولونها بيختلف عن الوجه, ولو كنتي أساسا عامله مكياج من البيت ما تترددي أبدا انك تطلبي مزيل مكياج وقطن وتنظفي جهه واحده من الخد وتجربي عليها لون الفاونديشن أو البودره وما في داعي تتسرعي في الشراء لمجرد انه اللون عجبك لأنه بعد فتره ممكن يتغير لونه أو يبهت عشان كده امش كملي شوبينج واذا لقيتي انه اللون زي ما هوه وثابت ارجعي واشتريه. *خامسا: بالنسبه لأقلام الكحل ما تشتري الأنواع الرخيصه اشتري الماركات الكويسه لأ نه معظم مشاكل العيون عند البنات من الحاجات دي واذا حبيتي تجربيه في المحل اطلبي ابريه كويس لأنه ما بتعرفي اللي جربته قبلك ممكن يكون عندها حساسيه أو مشكله في عيونها وكذلك بالنسبه للشادو والبودره ما تجربيهم بااسفنجه مستعمله اطلبي واحده جديده واذا ماعندهم جربيهم بمنديل ونفس الشي بالنسبه للارواج ممكن تمسحي رأس الروج بالمنديل كذا مره حتي تجربيه.


اتمني ان تعم الفائده وياريت لو كل حد يدينا راي او نصيحه
والنائح دي بتنطبق علي النساء والرجال.

[king cairo]

ههههههه لا الكلام كله تمااااااااااام
تسلمى على البوست العسل دا

[shosho wbs]

تسلمي على النصائح الرائعة
وتقبلي مروري

[مصممة ازياء]

والله ياكنج ده غيض من فيض وشكرا ليك

[بعد الزمن]

[align=center]نصائح جميلة
بس الشفع كيف يكونوا ضمن ميزانية التسوق والا يقعدوفى البيت
بااااااااااااااااااااي[/align][/size]

[محسية]

[هوبة]

نصائح ولا ااروع ,,,

يسلموا يا عسل

[مصممة ازياء]

بعد الزمن محسيه king cairo shosho w bas وهويه شكرا علي مروركم وياريت لو تورونا تجاربكم مع التسوق

[مصممة ازياء]

ياريت لو كل حد يدخل يفيدنا بنصيحه أو معلومه ممكن نستفيد منها في التسوق