مســـــــــــــــــــدار + مســــــــــــــدار

[مهند عبد الرحمن]

ده المسويها فينا ما بتنفع معاها عروق
كمل علينا الفهم لامخا يفيد ولا طايوق
مابيلنا النزول من علاه الفوق
ما بنقدر نجادعو سليم الفهم والذوق

[mohamed merghanh]

مشتول القرير الما طرحو بالواســـــوق

خاتي العيب ما في شبيهو تب في السـوق

قل وجودو في الطالبين جميـع ما بحـــوق

اقسمـو لي يا مــولاي هوايــا صــــدوق

مشتول القرير كاتلنا لهفة وشوق
ما برحم زول صبابة ما برتى لى معشوق
وأنا البالى سلبة زولآ صبور لايوق
ما بقطع عشم وين عقلى والطايوق ؟

[mohamed merghanh]

خفس مايرنــو شــايف زولي صـــار مضيـوق

حكيمن قــال ده مرضــا ما بتمرقـــو عــــروق

ولا بتفيــدو شـــربه لا لبخــه لا مسحــــــوق

علاجو الفي الكجر بي ريحة الدلال معبـوق

علاجى من الهيام لو جانى مرة وزار
قمر السبعتين اللافح قلوبنا إزار
الحاسب غرامي شيتآ كأنو هزار
ما فاضل لى إلا يا أخوي أدق الزار

[mohamed merghanh]

يا مهند ارح قــــوم لي ديـــارو نســـوق

نشوف قايد الغواني الشوفتن بتشـــــوق

الخلاني دون الناس مسهي طـــــــروق

مقتول آذيني ريــدو بس قالو لي محدوق

مجنون الغرام مصيبتو دون إنذار
ما بسمع كلام زولآ بقولو حذار
الخلانى دايح دون قصي ونذار
فعل الجدي التغيان الما بقبل الأعذار

[mohamed merghanh]

أركز ياولـد مادام بقيت محـلــوق
ود الصيد بغالب دمعتـو ومخنوق
السبب الطبقبو الكية يـامـخــلوق
فارساً قفل أبوابو وحماهو مروق

الباب القفل عارف براك مفتاحو
المال الكتير الربي ليكا أتاحو
لو كان إنبسط ما بشكى الجرح نتاحو
وكان كل العاشقين فى الدنيا يوت إرتاحو

[مهند عبد الرحمن]

مابنفع عذر مهما كترت الاعذار
ده المن زمن مدي قلوبنا انذار
الخلى عقولنا شاردة وما في ليها حذار
جدي الريل المسوي عمايلو هذار

[mohamed merghanh]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الساق المتبر والقوام ممشوق=
والديس المكنتل فى تلاته يحوق=
الخصر المزرر من ولد محزوق=
سألنا عليهو قالوا لينا ماللسوق=[/poem]

الدر النفيس محجوز دوام لى قدحو
ما بهتم بي شاعر متيم مدحو
فى جمالو وحسنو كم عاشقين قد ردحو
كم بلابل غيرو بغناهو غنوا وصدحو

[mohamed merghanh]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نفسى على مريبيع القوام مضايقه=
كتار قاصين دريبه فى الشباب مى حايقه=
طباعا فيها يامهند بقت لى عايقه=
تطاعن فينا بالنظرات وتقدل فايقه!=[/poem]

ياهو حال الحور الليهو تب ما بغبي
تتمنع فى دلال وكاتلاها رغبة ورغبة
لو مر القطر وطوت زمانها الحقبة
بتكوسها أم قروض والتبقى ياخى التبقي

[mohamed merghanh]

مابنفع عذر مهما كترت الاعذار
ده المن زمن مدي قلوبنا انذار
الخلى عقولنا شاردة وما في ليها حذار
جدي الريل المسوي عمايلو هذار

لو الأمل إنقطع سوي ليك تذكار
وسيب غرامأ ضايع بشتن الأفكار
عندك كم بديل لو كنت زول مكار
والما بلقى بريلكريم بستعمل الكركار

[أمين السنجك]

غبت أسبوعين المرض اللعين أعياني
هـده حيلـي هـد سكن في عضامي
قايلكم بتسألوا عني خبارو السنجكاوي
إلا خاب ظني فيكم ومـا بلوكم تانـي

[مهند عبد الرحمن]

ياود ميرغني اخوي مابينفع التذكار
نحن الريد كمل لي فهمنا وكمل الافكار
ما بتقدر تقاوم وما اظن يفيدك انكار
الا تكون حريص وكمان تكون مكار

[مهند عبد الرحمن]

يا السنجكاوي سلامتك وانشاء الله بلغت العافية
يمين بالحيل فاقدنك بنسأل عليك القافية
كل ما نقول فيك كلمتن ما اظن تكون كافية
عاوزينك تجينا وتكتب لينا قصيدتن وافية

[mohamed merghanh]

غبت أسبوعين المرض اللعين أعياني
هـده حيلـي هـد سكن في عضامي
قايلكم بتسألوا عني خبارو السنجكاوي
إلا خاب ظني فيكم ومـا بلوكم تانـي

كفارة ألف سلامة إن شاء الله أجرك واصل
والله تب ما سمعنا بالمرض العليك الحاصل
طبعآ مشاغل الدنيا طوالى سيل متواصل
كم مرة غاب لى رفيق وبرجع يجينا يواصل

مرات بكون الراس دايرلو حبة فاصل
لو سلك الفيوز فجأة طرشق فاصل
الزول بينسي إسمو لو جكس أصبح فاصل
وجوة حنان قليبو وجع عضام ومفاصل

يا السنجك صحابك مقصرين بالحيل
كوس ليهم عذر إن شاء الله لو تضليل
حمدلله على السلامة يا الراسي جمل الشيل
يللا غنى غناك ونحن بوراك بنشيل

[mohamed merghanh]

ياود ميرغني اخوي مابينفع التذكار
نحن الريد كمل لي فهمنا وكمل الافكار
ما بتقدر تقاوم وما اظن يفيدك انكار
الا تكون حريص وكمان تكون مكار

جرب نصيحة الأصمعى للبالغرام ممكون
المن بعد الوصال ضايق عليهو الكون
قال ليهو لو لقاكم أصلو ما حيكون
أخيرلك تموت .. وفى جنازتو شافلو سكون

[ود أونسه]

غبت أسبوعين المرض اللعين أعياني
هـده حيلـي هـد سكن في عضامي
قايلكم بتسألوا عني خبارو السنجكاوي
إلا خاب ظني فيكم ومـا بلوكم تانـي

السنجك سلامتك ده لومنا بمــلا زكايب

طامعين في سماحك فعلنا ناقص وعايب

مهما يكــون حصـل دوام بنبقى حـبايب

اقبل اعتذارنا قول لينا خاطـرك طايب

[أيمن]

جرب نصيحة الأصمعى للبالغرام ممكون
المن بعد الوصال ضايق عليهو الكون
قال ليهو لو لقاكم أصلو ما حيكون
أخيرلك تموت .. وفى جنازتو شافلو سكون

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قوم عالج غرامك والقديم خليهو=
واوعه الأصمعى ياميرغنى تباريهو=
يختك فى دريبا أصلو ماك حاريهو=
لاتقدر تواصل ولا تجى تخليهو=[/poem]

[أيمن]

غبت أسبوعين المرض اللعين أعياني
هـده حيلـي هـد سكن في عضامي
قايلكم بتسألوا عني خبارو السنجكاوي
إلا خاب ظني فيكم ومـا بلوكم تانـي

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
السنجك سلامتك دابو خبرك جانى=
وماتشوف شر نكفر ليك ياخ من تانى=
علاج الريد مابتلقاهو فى دكانى=
شوف وداونسه يلقالك طبيب روحانى=[/poem]

[ود أونسه]

[poem=font="Simplified Arabic,6,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
السنجك سلامتك دابو خبرك جانى=
وماتشوف شر نكفر ليك ياخ من تانى=
علاج الريد مابتلقاهو فى دكانى=
شوف وداونسه يلقالك طبيب روحانى=[/poem]

الروحاني محنتو اتخـارج مرق خلاني

تاتيت للبصير ولـع لهيبــــو كــــواني

درب الجــــاهله يا ايمن نحتنـي براني

جنى السنجك بعيد بعدين تقول عاداني

[mohamed merghanh]

يا رب العباد أدعوك يا فالق النوي
بالحج بيتك والعمر والدابو شمر أو نوي
مع كل حبايبى والصحاب وصلنا أعلى المستوي
من كل خير والأمل قدامنا ناضر واستوي

[أيمن]

[poem= font="Simplified Arabic,7,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياوداونسه مسدارك خبارو مضلم=
وين السجنك والدرديرى لازولا يرد لايسلم؟=
كل الزارو فى دا اليوم فات ياميرغنى متألم=
خته الخمسه فى الأتنين وعاد متبلم=[/poem]