أنا خطيبة نعيم خطبني وباقي للعرس كم يوم وهرب وانا ابيت الرجال كلهم عشانو بسنا خلاص عايزاهو يرجع انا خلاص راسي بقى إنقاية قطن وسنوني يدخلن السوسيو وبرضو بنتظرو والبعرفو يا ناس يورينا خبرو كان حي ولا ميت
ملخص حلقة اليوم من برنامج ألو مرحبا حلقة خاصة عن المفقود ود نعيم
محمد نعيم كتب:
معانا اول اتصال من حاج نعيم
ألو مرحبا اتفضل
حاج نعيم يا بتي إزيك دا البرنامج البرجع الوليدات لي اهلن؟
المذيعه:- ياهو زاتو يا حاج عندك منو غائب؟
حاج نعيم:- عندي ولدي المطرطش دا مرق ليهو 20 سنه ما لقينا خبرو
المذيعة: مرق في اي دوله؟
حاج نعيم :- والله يا بتي ما عارفو
المذيعة : ما بتصل عليكم؟
حاج نعيم : نهائي
المذيعه:- متزوج؟
حاج نعيم :- المشكلة زاتا في زواجو
المذيعه :- الحصل شنو؟
حاج نعيم :- جبرناهو على بت عمو قال ما سمحة خلاها تجهز للعرس وطفش
نواصل
محمد نعيم كتب:
ألو مرحبا المذيعة :- معانا منو؟
ام نعيم :- انا ام الولد الكلموكم بيهو اسا دي الولد يا كافي البلا ما زي الجنيات الفرحو امهاتم خليني اجهز للعرس واعزم في الناس كنت دايرة ليهو الحريرة والضريرة اسا شرد خلاني بقيت ضريرة من شرد يا بتي انا نظري شرد بقيت ما بشوف بس عايزة يجيني او اسمع منو خبر وانا بقول ليك يا وليدي تعال شوف ابوك كبر خلاص وسنيناتو وقعن وبقى يشوف طشاش طشاش وانا عميت واخواتك الخايف ليهن من البورة عرسن وبناتن عرسن وبت عمك دي خلاص حجارة وطن وراسها قطن تعال ليها أبت الرجال كلهم عشانك........ بس يا بتي اي زول بعرفو يتصل علينا
محمد نعيم كتب:
ألو مرحبا
معانا منو
أنا خطيبة نعيم خطبني وباقي للعرس كم يوم وهرب وانا ابيت الرجال كلهم عشانو بسنا خلاص عايزاهو يرجع انا خلاص راسي بقى إنقاية قطن وسنوني يدخلن السوسيو وبرضو بنتظرو والبعرفو يا ناس يورينا خبرو كان حي ولا ميت
عطر الورد كتب:متصله
الو الو ياجماعه قطعتو قلبنا عليك الله ارجع يا نعيم شوف امك المسكينه دى خلاص
اخت النعيم : يا بت قنبي ساي ,,, سليتي روحي الله يسل روحك , ما انضم ما اسأل من خالك الطفش ده
المذيعه عامله كده " : يا اخت انتي معانا على الهواء مباشرة
اخت النعيم: الو السلام عليكم , حبابك اختي كيف حالك المذيعه : ايوه اهلا منو معانا اخت النعيم: معاك اخت النعيم هسع دي يابا و يما ضربوا ليكم ندور نسأل من ود امي رايح كم سنه حجروا غتس وين ما لامين فيه ولا لاقين منه خبر , قال ما بدور يعرس بتَّ عمنا هي زاته طارت و عرست , الله حلاه منها , بتي البتيلي قالت دايري تسعل من خالها الا حميتها المذيعه : ياي دا شنو شجرة العائلة كلها حتجي تسأل من الولد الاسمه نعيم ده .. الحكايه شنو بالظبط
و المذيعه هاجت شديد المخرج : خليهم قلبهم انقطع حاموا الخرطوم زقاق زقاق و ست شاي ست شاي ما لامين في ولدن
المذيعه : و انت كيف تخلي فرصة الاتصال حصري عليهم المخرج : ود النعيم طالبه دين 20 سنة وقت الله جاب اهله يسألوا منه شان يرجع تقولي لي ما تساعد اهله