يا دنيا

[اركمانيه]

اتوسد هجير الواقع المحموم
وأقول يا دنيا شوفيني.....
ممرمر حنضل الايام
وكاسي الديمه غاشيني....
أشيل أشرب من الدمعات
الاقي مر مقابلني.....
أنا الضايع بين اوهام
وأيام ديمه ترميني.....
كم بتمر سحابة صيف
اجدها اقامة بالجبري.....
مودر في دروب الريد
وحظي الديمه ظالمني.....
رفعت يا كريم حلمك
تشيل نحسي وتحل قيدي....

[مها]

ورينى كيف انا بس اكون
علمنى كيف اشكى واقول
لما الزمان يقسى ويخون
لمتين يكون حالنا العزوف
كلماتك جميله اختى
لك الود

[اركمانيه]

ورينى كيف انا بس اكون
علمنى كيف اشكى واقول
لما الزمان يقسى ويخون
لمتين يكون حالنا العزوف
كلماتك جميله اختى
لك الود

اوريك كيف تبني الثقه
أوريك كيف تنسي العنى
يا انت يا نوارة الحروف
يا انت يا عيون المها.

أنه جمال دواخلك
هو الذى جمل حروفي
عطرتي المكان
الغاليه مها.
كوني قريبة.

[عزالدين محمد]

ليش يادنيا ماساتي تبدأ معاي من صغري
تنسج لي خيوط الهم وهم لابسني عراقي
..................................
اركمانية مررت بهذا المتصفح الذي استصرخ كل القلوب ولا اريد ان اضع عبارات تفيد غير ذلك فلم اجد الا هذين الشطرتين اللتين وردن في احدي قصائدي
موفقة

[ام صبا]

ما بقدر اجيك وانا زادى كان منك الم
شلت حبك في الضلوع وما جنيت غير الندم
اهديتك اخلاصى وفاي وقلبى لاخان ولا ظلم
وخليت بلاك الليل حزين والله ما كان ده العشم

اركمانيه تسلمى ياراقيه
كلماتك معبره بالاحساس المرهف

[ود الزوحي]

أريت الحزن يفارق دربك الخلاك ..
تجودي الحرقة عشان نفرح ..
وحرفك أنت يتبدل ..
بدل هجرة وهجير يصبح ..
مكان للروضة ما ينفات ..

تقبلي مروري وربنا يبعد عنك الدمعات ..

[حبيب الناس]

ليه بنظلم في دنياانا ونحنا للظلم ديمه صانعين
ليه نبدل افراحنا احزان وليها نحنا محبوسين
ليه نقول ظلم الحبيب قاسي واهو نحنا ليهو ظالمين
نقول بنشرب من دميعاتنا مُر ودميعاتنا للحزن مابين
الدنيا حلوة وبزيد حلاها لما يزيد جوانا الشوق والحنين

تقبلي مروري على كلماتك الرائعه

[الضراع]

اه ياقدري كـــون في همي راجيك من قبل ترجـاني
هـــــــم واحـد بودر سيدو متلمــات علـــي تمــانــي
في ها الدنيا شــن ســويتا متعـــــــذب كانـي الجاني
شان لاتبــتا لااستغفرتا من حب زول مـلك وجـداني

اركمانيه
لكــــــــــــــــــن........
الدنيا تحلي صعابها سهلا بس روق واحلي
ابداع في ابداع ابقي واصـــــــــلة
تحياتي

[اركمانيه]

ليش يادنيا ماساتي تبدأ معاي من صغري
تنسج لي خيوط الهم وهم لابسني عراقي
..................................
اركمانية مررت بهذا المتصفح الذي استصرخ كل القلوب ولا اريد ان اضع عبارات تفيد غير ذلك فلم اجد الا هذين الشطرتين اللتين وردن في احدي قصائدي
موفقة

ليه يا دنيا ما عندك غير
همومك دوام تعش فيني
فارده جناحك للأوجاع
دوام ساكنه ومالكاني.


أخي عزالدين
أحرفك تنير أسطري المتواضعه
وتجعلها ذات شأن
تسلم كتير
وكون قريب

[اركمانيه]

ما بقدر اجيك وانا زادى كان منك الم
شلت حبك في الضلوع وما جنيت غير الندم
اهديتك اخلاصى وفاي وقلبى لاخان ولا ظلم
وخليت بلاك الليل حزين والله ما كان ده العشم

اركمانيه تسلمى ياراقيه
كلماتك معبره بالاحساس المرهف

أجيك أنا على بساط الارتحال
وافرش ليك عيوني رحال
عشان ارسم وهج الكلام
واشيل منك كل غمام.


زميلة صوتي
ام صبا
كوني دوام عشقي.

[اركمانيه]

أريت الحزن يفارق دربك الخلاك ..
تجودي الحرقة عشان نفرح ..
وحرفك أنت يتبدل ..
بدل هجرة وهجير يصبح ..
مكان للروضة ما ينفات ..

تقبلي مروري وربنا يبعد عنك الدمعات ..

اريت الفرح يقشاك
ويشيل كل الحزن منك
دوام الفرحه في عينيك
مرسومه محنه في جنبك.

كون قريب
ودالزوحي
تسلم.

[اركمانيه]

ليه بنظلم في دنياانا ونحنا للظلم ديمه صانعين
ليه نبدل افراحنا احزان وليها نحنا محبوسين
ليه نقول ظلم الحبيب قاسي واهو نحنا ليهو ظالمين
نقول بنشرب من دميعاتنا مُر ودميعاتنا للحزن مابين
الدنيا حلوة وبزيد حلاها لما يزيد جوانا الشوق والحنين

تقبلي مروري على كلماتك الرائعه

ليه نكتب في البعيد ده غمام
ونصبح في الصباح أوهام
نقاتل في الهموم أعوام
برضو بنبني جسور امال.


حبيب الناس
نثرت شذى بعثرني.
تسلم
وكون قريب.*

[اركمانيه]

اه ياقدري كـــون في همي راجيك من قبل ترجـاني
هـــــــم واحـد بودر سيدو متلمــات علـــي تمــانــي
في ها الدنيا شــن ســويتا متعـــــــذب كانـي الجاني
شان لاتبــتا لااستغفرتا من حب زول مـلك وجـداني

اركمانيه
لكــــــــــــــــــن........
الدنيا تحلي صعابها سهلا بس روق واحلي
ابداع في ابداع ابقي واصـــــــــلة
تحياتي

عرفت الدنيا من قمته
مدردر كتير أزمان
مشرور في دروب الريده
من زولاُ عنيداُ كان
الا بعيش كل لحظاتي بترجى
لو مره يجيني يحن....

ضراع الكلمه
الابداع حضورك
تسلم
كون قريب.

[ود الهادى]

كيف أقيس بين
رؤيااااك وحاال
البااااالْ ..
وكيف تموت فى
المدى أصوات
الصباح الخاااالْ ..
وبرضو كيف
نشوفك دهشة
وسماحة حاااالْ
وإنت يا ..
بهجة حرف
ونداوة فااااالْ ..

أركمانيه كـفـيتى ووفيتى
حاااااشاك الدمع ......

[اركمانيه]

كيف اوصف ليك جمال حرفك
وسط ظلام وتلال
وكيف اهمس ليك نشيج الفرحه
وسط الحزن الحال
لكن بيك بنسرق بسمه
من وجه الزمن المال.


تسلم ود الهادى
لنثرك العبير الفواح
كون قريب.

[مرسال الشوق]

امهلني كي التقط الانفاس كي اشعل الفوانيس في سراديب حضورك الجميل الالق واقف عاجزا عن البوح بما اشعر به الان فقد تبلدت كل المشاعر لدي وماوجدت شيئ والصمت في حضرة شخصكم عبادة يسكن القلب اليها ...فهل لي من محبتكم نصيب ....

[اركمانيه]

إليك براحات القلوب
وعطرات الانفس
مساحات لجياد الاحرف
تعربد كما تشاء.
مراحب بيك.

[ود الاقرع]

مودر في دروب الريد
وحظي الديمه ظالمني.....
رفعت يا كريم حلمك
تشيل نحسي وتحل قيدي
تأملت فى هذه الابيات من القصيدة وهى دائما النهائيات المحزنه فير ان الانسان يلجأ الى الكريم وربنا يحل القيد ويشبل النحس احزنتنى بهذه القصيده يا اركمانيه

[اركمانيه]

امهلني كي التقط الانفاس كي اشعل الفوانيس في سراديب حضورك الجميل الالق واقف عاجزا عن البوح بما اشعر به الان فقد تبلدت كل المشاعر لدي وماوجدت شيئ والصمت في حضرة شخصكم عبادة يسكن القلب اليها ...فهل لي من محبتكم نصيب ....

إليك براحات القلوب
وعاطرات الانفس
مساحات لجياد الحرف
تعربد كما تشاء
مرحب بيك
مرسال الشوق
تسلم
كون قريب.

[اركمانيه]

مودر في دروب الريد
وحظي الديمه ظالمني.....
رفعت يا كريم حلمك
تشيل نحسي وتحل قيدي
تأملت فى هذه الابيات من القصيدة وهى دائما النهائيات المحزنه فير ان الانسان يلجأ الى الكريم وربنا يحل القيد ويشبل النحس احزنتنى بهذه القصيده يا اركمانيه

برسل ليك طيور الفرحه
يغشنك من خربشات سطري
تجيك الفرحه تسكن ليك
وتمسح كل كلام حرفي.

تسلم ود الاقرع
كن قريب.