مجادعات شعبيه

[الياسمينة]

الشم خوخت وبردن ليالي الحرا
والبراق برق من قومتو كفت الفرا
شوف عيني ام خدود الليلة مرقت برا

[الضراع]

الشم خوخت وبردن ليالي الحرا
والبراق برق من قومتو كفت الفرا
شوف عيني ام خدود الليلة مرقت برا

الشم صفرت وبردن ليالي البرد
والصقيع نزل ماخلا ليهو حــــــد
شوفي عيني ام قرين ترجف رجف بالجد
واشوقي ليهو الخريف البفرح ظريفة الخد


الياسمينه سعيد جدا بمرورك هنا
واملي ان تواصلي
تحياتي

[لبيب]

[align=center]البراق برق والليل سكن في الدارة
طراني السمح في صورتو فرقتو حااااااااارة
يارب العباد بديارنا تصبح مارة
دارا يكون سكوني وبيتي يصبح دارا[/align][/size]

[الضراع]

مادام الالم ظهرت خلاص خافيتــــــــــــــــو
من وين تاني ترجع للجســـــد عافيتو
المن شبت ماعرفو الدنات صافيـــــــــــــتو
شاغل فكري بي وصفو ونظم غــــــــافيتو

[لبيب]

مادام الالم ظهرت خلاص خافيتــــــــــــــــو
من وين تاني ترجع للجســـــد عافيتو
المن شبت ماعرفو الدنات صافيـــــــــــــتو
شاغل فكري بي وصفو ونظم غــــــــافيتو

[align=center]والله العظيم آسرني بى كلماتو
النافر جدي الريل عزيز اماتو
كيف اقدر اوصف صورتو حتى سماتو
بس بى نظرة بس خلا الخلايق ماتوا[/align][/size]

[عصام قلقالة]

مشكوررررررررررررررررررررررررررررررررررررر

[الضراع]

كبس الهم علي ليلي ونهاري مســـــــــــــــرح
بطني إتشيمتت قلبي البفر متجـــــــــــــــــرح
الصايبني كان صاب الجبال بتمــــــــــــــــرح
لكن رحمة المولي العزيزأتفـــــــــــــــــــــرح

[لبيب]

كبس الهم علي ليلي ونهاري مســـــــــــــــرح
بطني إتشيمتت قلبي البفر متجـــــــــــــــــرح
الصايبني كان صاب الجبال بتمــــــــــــــــرح
لكن رحمة المولي العزيزأتفـــــــــــــــــــــرح

[align=center]القول السمح من فاها لي يفرح
وظرات الجدية انا لى قليبي تجرح
السبب البخلي عشوقا ساهي مسرح
حبها في الضمير الجوا يجمع يطرح[/align][/size]

[الضراع]

[align=center]القول السمح من فاها لي يفرح
وظرات الجدية انا لى قليبي تجرح
السبب البخلي عشوقا ساهي مسرح
حبها في الضمير الجوا يجمع يطرح[/align][/size]

القول الجميل الدايما لي قليبي يفرح
من ظبية الريل الفي خلاها تمرح
السبب الخلا قلبي ينزف نزيف متجرح
من خصلات شعرها البي النسيم بتسرح

[لبيب]

[align=center]جاتني اخبارا قالوا جديتي قايمة مسافرة
شايلة الروح معاها ولى فؤادي هي آسرة
السبب البخلي دموعي كابة وكاسرة
دايما في طباعا خجولة صادة ونافرة[/align][/size]

[لبيب]

[align=center]الليل طال وناس الحلة غطوا وناموا
وانا سهران عشان الطيف عزيز في مقامو
شوقا حرقني تب واعضاي كلها قاموا
يارب العباد لمتين اكون قدامو [/align][/size]

[saare]

[align=center]وحشة سدت درب بين الحبيب ودنيته
دارت فى الهوى زي شذى فواح وبسمته
ودرت قلبي الحزين مابين مراسى ومواني
وضيعت فرحته فى المطارات البعيدة[/align][/size]

[لبيب]

[align=center]البراق برق زود همومي البي
الليل مابنوموا وطال سهادي علي
السبب البخلي النوم هو زاتو شوي
فوق الوادي داك آسرني فيهو ظبي[/align][/size]

[لبيب]

[align=center]والله العظيم يا اخوانا مشتاق ليكم
لي كم يوم عديل انا ما دخلت عليكم
لو بمرادي كل زماني اطلو عليكم
لكن بس ظروف ياربي ماتكون ليكم[/align][/size]

[لبيب]

[align=center][move=right]وينكم ياجماعة تعالوا جاي بحدانا
وين النم و وين حالي الكلام في لسانا
ليه سبتوا المسادير تنتحب حزنانة
قبلوا جاي وخليكم تملي معانا[/move]

[/align]

[الضراع]

[align=center]والله العظيم يا اخوانا مشتاق ليكم
لي كم يوم عديل انا ما دخلت عليكم
لو بمرادي كل زماني اطلو عليكم
لكن بس ظروف ياربي ماتكون ليكم[/align][/size]

بدون ماتحلف والله انحنا مشتاقيـــــــن
وحاسين بغيابك ياالاديب وفهـــــــيم
مااطول غيابك خليك علينا حنــــــين
مشتاقين نشوفك رغم الظروف الطين

[بت كردفان]

[align=center]هـــــــــــــلا باللبيب الكلامــــــــــو دوم هنانا
وفاقدين معاه كل الغالين والضراع الما لفانا
يارب يصلح من احوالكم وتكونو ديمه معانا
نفرح بى طيب قدومكم الدوام ســــــــــــــرانا[/align][/size]

[الضراع]

[align=center][move=right]وينكم ياجماعة تعالوا جاي بحدانا
وين النم و وين حالي الكلام في لسانا
ليه سبتوا المسادير تنتحب حزنانة
قبلوا جاي وخليكم تملي معانا[/move]

[/align]

يافازع الملهوف ومنقذ الدركــــــــــــان
فاقداك المساداير الخليتها ليك زماااااااان
يااسد الخلا يامكـــــرم الضـــــــــيفان
بوجودك وجودنا وبغيابك الجميع ضيعاااااان

[لبيب]

[align=center]فرع التقنت القام بى مهل واتنى
همنا وراهو بالشوق والعشق بشتنا
الخلانا قاعدين فوق لهيب نستنا
راجين نظرة من شبه الحسان في الجنة[/align][/size]

[الضراع]

[align=center]فرع التقنت القام بى مهل واتنى
همنا وراهو بالشوق والعشق بشتنا
الخلانا قاعدين فوق لهيب نستنا
راجين نظرة من شبه الحسان في الجنة[/align][/size]

فرع المحلب الفي الخلا متني
شاغل فكري هو بالنعيم متهني
الخلاني سارح وديمه زايد حني
حورية الدنيا السكونها الجني