مجادعات شعبيه

[بت كردفان]

[align=center]ماشاء الله عليكم بالجد بوست جميل
واصلو واحنا متابعين وربى يوفقكم
كل التقدير
ودمتم[/align][/size]

[حبوبة]

اوعاكم تبعدو ترا فراقكم شين

نبعد نمش لا وين؟
ده كلامك يا الزوين
محلاها الدنيا برفقتكم يا حلوين
بس لا تقولو لي ما بندور عوين :d

[الضراع]

[align=center]ماشاء الله عليكم بالجد بوست جميل
واصلو واحنا متابعين وربى يوفقكم
كل التقدير
ودمتم[/align][/size]

عروس كردفان زيارتك تمام سرتنا
ابهجت الصدور معني الاصول ورتنا
صابحينا كل يوم اوعاكي من قطعتنا
ماانتو الكرااااااام والولـف بركتنا

[حبوبة]

[align=center]يا احبابي الحنان الليلة وين القاكم
هامس والضراع مع لبيب الجاكم
السبب القبيل خلاني احكي غناكم
قول حبوبة لي ... ويا الزوحي ما بنساكم[/align][/size]

وينو الليلة قول حبوبة يا مهاجر
ليك زمن لا بتجادع لا بالسلام بتباشر
لا في المسادير ولا في دار الضراع ماك ظاهر
طلنا مرة مرة لا تهجرنا وضُمة لينا تكاشر :d


جمعتكم مباركة يا شبيبة .. وعسى نحشر مع الحبيب الطاهر ...

[الضراع]

كل شمسي غابت وليلي عم ســـــــــوادو
هف القلب والدمع نزل عــــــــــــــدادو
القناصو بخفي حنين عـــــــــــــــــادو
جمال الكون وقف يوم إكتمل مـــــــــيلادو

[بت كردفان]

عروس كردفان زيارتك تمام سرتنا
ابهجت الصدور معني الاصول ورتنا
صابحينا كل يوم اوعاكي من قطعتنا
ماانتو الكرااااااام والولـف بركتنا

[align=center]اخوى الكريم الضراع
نفسى كان اقدر اجارى كلماتك
فيها كل اصالة وحنية اهلنا الكبار جدودنا وحبوباتنا بكل أصالتهم وتعاملهم الطيب
بارك الله فيك .. وشكرا كتير ليك
مودتى واحترامى
اختك[/align][/size]

[هامس]

جميلاَ نفسه من سمح القيم زينها
أعين كل طامع بالقماح هينها
وحات من صبه قامتك والجسوم لينها
حالتاَ فوقي غيرك مافي من بينها

جميلا نفـسو ال بى سمح القـيمـ ... بانيها
روََض روضتو . بى شائك العفاف حاميها
وحات من حبََ الإله فى سمح خلقو ليها
مصدومـ حِِداها يقـيف من الجمال الفيها

[هامس]

نبعد نمش لا وين؟
ده كلامك يا الزوين
محلاها الدنيا برفقتكم يا حلوين
بس لا تقولو لي ما بندور عوين :d

بندورن الحروم عله بِِفرق بين عوين وعوين
فيهن سمحات خِِلقه عله الخُلُق... بين بين
وفيهن مكملات الخُلُق والخِِلقه عديل سمحين
طبع وطبيعه للدرب القويمـ هن عارفــين
بنوتنا الحمُد لله كُتُر فيهن الخصال الزين

[لبيب]

كل شمسي غابت وليلي عم ســـــــــوادو
هف القلب والدمع نزل عــــــــــــــدادو
القناصو بخفي حنين عـــــــــــــــــادو
جمال الكون وقف يوم إكتمل مـــــــــيلادو

[align=center]محبوبي الجميل الليلة زاد في عنادو
بعد الهجعة حتى الطيف حماني قلادو
يارب العباد انا قلبي يلقى مرادو
حب جدي الغزال يصبح تملي بلادو [/align][/size]

[ود الزوحي]

تحناني ليك تاني الكريم ما جابو
لا الهجع الطويل قلبي بيك رادو
أنا مالي بي سيد الخـــداع دارو
ياالوجع المقلقل قلبي يــوم شافو

[امال الناس]

شئل الحلة وختي الحلة فوق الحلة
وشوف الحلة كان براها تبقي حلة
هههههههههههها انتو براكم البتعرفوا

[لبيب]

شئل الحلة وختي الحلة فوق الحلة
وشوف الحلة كان براها تبقي حلة
هههههههههههها انتو براكم البتعرفوا

[align=center]ناير الوجنتين لمتين لقاهو يا الله
فات ساب الديار مسخ علينا الحلة
حالي لهيجو طاعم زاهي باهي الحلة
لمتين ياكريم نلقاها منو الطلة[/align][/b][/size]

[align=center]كدا كيف يا استاذة امال [/align][/size]

[امال الناس]

[align=center]ناير الوجنتين لمتين لقاهو يا الله
فات ساب الديار مسخ علينا الحلة
حالي لهيجو طاعم زاهي باهي الحلة
لمتين ياكريم نلقاها منو الطلة[/align][/b][/size]

[align=center]كدا كيف يا استاذة امال [/align][/size]

كده تمام وكلام حلو ذي العسل
بس من اين لنا هذا نحنا يا لبيب
يا اريت اعرف اقول عشان اقول فيك الكلام الما انكتب

[لبيب]

كده تمام وكلام حلو ذي العسل
بس من اين لنا هذا نحنا يا لبيب
يا اريت اعرف اقول عشان اقول فيك الكلام الما انكتب

الدهب الاصيل قولك دا يا استاذة
بت عز الرجال اصل القبيلة ملاذا
شكرا ليك تب قولك وصلني زيادة
ربن يحفظك ويديك اعلى شهادة

[الضراع]

الدهب الاصيل قولك دا يا استاذة
بت عز الرجال اصل القبيلة ملاذا
شكرا ليك تب قولك وصلني زيادة
ربن يحفظك ويديك اعلى شهادة

قولك ذي الدهب ياالعزيزه علينا
بت الاصول الشايله الحمل في ادينا
انتي فريده في تعاملك زينا
ربي يسعدك دنيا ودينا

[لبيب]

[align=center]الليلة النسيم جاب لي هبوبا باااااااااااردة
ذكرني الجدية الديمة نافرة وشاردة
يارب القبل الفي الدروب متباعدة
منها بس خيال في الماسيات الواردة[/align][/size]

[خالد يوسف عبد الله]

كم شديت علي التلب الكزازي أبدوما
وكم قطعتهن من سنجة قاصدات روما
الروح ما بتفارقة الجتة قبال يوما
ويا ريت كلوا نسلم من فلانه ولوما

[خالد يوسف عبد الله]

يلا يا الضراع يا أصيل نحن معاك ما تتردد وما تخاف!!!!

أخطى الرملة ما تقع المكان الهش
وإنبلينا والممطورة ما بتبالي من الرش!!!

[لبيب]

[align=center]كم سافرت في البلد الغويسة دروبا
صارعت الهواويل في الشروق وغروبا
عملتي ديمة سارية ورابحة ماضروبة
كلمتي في المجالس الناس جميع يدروبا[/align][/size]

[الضراع]

[align=center]الليلة النسيم جاب لي هبوبا باااااااااااردة
ذكرني الجدية الديمة نافرة وشاردة
يارب القبل الفي الدروب متباعدة
منها بس خيال في الماسيات الواردة[/align][/size]

الليله الصعيد جاب لي نسيما بارد
ذكرني الجدي الفي العتاميرشارد
يارب ياكريم سهلي من الــــوارد
لحظة تهاني ورجعلي فكري الشارد
......