مجادعات شعبيه

[هامس]

يا الضراع ترانى فوق بابك واقـف ما هجمـ
سايقنى حنين لى حالى النضمـ المو عجمـ
فرسانا كتااار فى ناظرى شاحذين للهمـمـ
بدور معاهمـ أسنن لى سيفى الصابو صمـ

[الضراع]

هامس الف الف مرحب بيك قــــــــــــسم
نورت دارنا والبوست بيك اصبح هرم
ياود العزاز ياحالي النـــــــــــــــــــغم
حقك علـــــــــــينا تكـــــــرم غاية الكرم

[هامس]

هامس الف الف مرحب بيك قــــــــــــسم
نورت دارنا والبوست بيك اصبح هرم
ياود العزاز ياحالي النـــــــــــــــــــغم
حقك علـــــــــــينا تكـــــــرم غاية الكرم

ماهو جديد عليك الجود يازول يا أشمـ
منوره بيك دارك فيها أكرمت حتى الكرمـ
صبحت مناره أبوابا مشرعه للبدور العلمـ
تسلم يا ود العزاز يا الزول الأصمـ

[الضراع]

اها ادخل بعد كدا قول لينا الكلام الزين
ابحر في الشعر واكتب بدل السطر سطرين
هامس اعزف لينا درر وسنها السكين
رجرج للحروف طلع دهنها الياسمين

[لبيب]

[align=center]هامس والضراع فراس عموم الكلمة
عاليين في مقامكم فوق ثرية النجمة
جودوا للمعاني وقولوا أجمل كلمة
كلنا في رجاكم شان تزيدوا الهمة[/align][/b][/size]

[الضراع]

[align=center]هامس والضراع فراس عموم الكلمة
عاليين في مقامكم فوق ثرية النجمة
جودوا للمعاني وقولوا أجمل كلمة
كلنا في رجاكم شان تزيدوا الهمة[/align][/b][/size]

اخوي يالبيب انا والله ماني شاعر
لكن الشعر بحسو حس ومشاعر
قلت اباريكم ممكن اكون نص شاعر
وبعد كم سنة يقولو الضراع الشاعر

تحياتي لبيب وهامس
والتحيه موصولة للغائبه الحاضره
اختنا حبوبه

[هامس]

[align=center]برقا شال قليبي وقلبي زااااااتو رهيف
ذكرني الأسيل خدو الامير وعفيف
السبب البخلي دموعي جارية نزيف
بارق نور بسيمو ونسمو هافي هفيف[/align][/b][/size]

قـدلت بان ضمر الأسك بى جمالو نحيف
فوق سوق مزاده كل الحسان صبحن زيف
فوق سماها القمره خجلا رجعت وصيف
والطالب الوصال محسور دمعو نزف نزيف

[الضراع]

اهنيك بشعرك الاسكيلو عالي شديد
في حق لبيب قول في كلامك زيد
ماتنسي حبوبه اللي الشعر بتجيد
اوعاك تنقطع تمشي مني بعيد

[هامس]

اهنيك بشعرك الاسكيلو عالي شديد
في حق لبيب قول في كلامك زيد
ماتنسي حبوبه اللي الشعر بتجيد
اوعاك تنقطع تمشي مني بعيد

أخوى لبيب فارسا فى الشعر صنديد
فى نظمـ الدرر وحدو عقدو لونو فريد
كان لى حبوبه ديك ال للشعر بتجيد
أحسبو روعه نضمها لوعه... ليهو بريد

[هامس]

اهنيك بشعرك الاسكيلو عالي شديد
في حق لبيب قول في كلامك زيد
ماتنسي حبوبه اللي الشعر بتجيد
اوعاك تنقطع تمشي مني بعيد

تسلمـ يا غالى سلام ليك بالأيد
حرفك ندى و قولك ديمه سديد
من فيض نعم الكريم يجزل يزيد
يجمع بين القلوب يقرب كل بعيد

[لبيب]

[align=center]ليكم مني كل الريد وتاني مزيد
في درب المسادير والله زاتي جديد
هامس والضراع اخواني انتوا شديد
وين حبوبة شان العقد يبقى فريد[/align][/b][/color]

[الضراع]

الليله القليب جايبلو كلاما تاني
عايز الرجوع مو قادر علي القعود وحداني
تومتي البريدها العايشه في وجداني
متين اشوفك واتركن احزاني

[هامس]

[align=center]ليكم مني كل الريد وتاني مزيد
في درب المسادير والله زاتي جديد
هامس والضراع اخواني انتوا شديد
وين حبوبة شان العقد يبقى فريد[/align][/b][/color]

ما متاقـله حبوبه بس بتاوق من... بعيد
عارفه الريده شديده وحبنا ليها... تليد
لما تغيب يردد شوقنا حبوبه حبوبه نشيد
حباك الله ورسولو وغطوك بحباب الريد

لبيب يا غريد

[امال الناس]

فرع المحلب الزارعنه فوق القيف
نداهو إقطر إيبرد حرور الصيف
اللابس كعيب عــــــالي وجليدو نضيف
أسألك الله ياالدكتور بتطعنو كــــــــيف

ههههههههههههههههههههههههههههههههههههههههههههها
اناما بعرف طبعاً اقول شعر لكن عجبتني عليك الله يا الدكتور بطعنو كيف انت يالضراع جبتها كيف
البوست حلو شديد منه نتعلم ونستفيد

[هامس]

الليله القليب جايبلو كلاما تاني
عايز الرجوع مو قادر علي القعود وحداني
تومتي البريدها العايشه في وجداني
متين اشوفك واتركن احزاني

الضراع أخوى نضم الريد كلاما تانى
عشقا لا بفارقنا لا بنحمل بُعدو ثوانى
بين الحبان يتلم شملك أفراح وتهانى
وفى الدارين سعاده..فتح وكرم ربانى

[ود الزوحي]

تراني بعيد وماني عديد
وشايف الحلة فيها جديد
غشاني خبر بشابه العيد
أبشرو الزوحي ماهو بعيد

[الضراع]

الزوحي اخوي والله مرحب واليوم السعيد الجابك
عارفنك قريب لكن قاطع علينا اخبــــــــــارك
واصل ياعزيز واكرمنا بيها اشعارك
بدرر الحروف البتحترم لجنابك

[لبيب]

[align=center]ودالزوحي والله العظيم شرفت
مشتاقين شديد مما بعدت وغبت
ابيض يوم علينا ولينا انت حضرت
سمح القول كلامك والحروف القلتا[/align][/b][/color]

[نهـاد]

مشاء الله يا أخوانا كلكم مبدعين
وانا ما بعرف أجدع زيكم
لكن جيت أسلم عليكم وأقول ليكم خليكم مواصلين



تحــــــــــــــــياتي

[لبيب]

مشاء الله يا أخوانا كلكم مبدعين
وانا ما بعرف أجدع زيكم
لكن جيت أسلم عليكم وأقول ليكم خليكم مواصلين



تحــــــــــــــــياتي

[align=center]
اختنا نهاد سلامات مني ليك تحية
كلنا في المسادير اسرة ديمة هنية
الجود والكرم تلقيهو فينا سجية
شكرا ليك تحياتك هي تب ماشوية[/align][/size]