هل حياة الغربـة والمهجر سبب للعنوسة ؟؟

[سلمي200005]

حياة الاغتراب مليئة بالسلبيات والايجابيات سواء اكانت فكرية ام اجتماعية نتطرق اليوم لأحدى تلك المشكلات وهى ماهو مصير من اكملت دراستها وتعيش بين جدران الحوائط لاحول لها الا السهر والنوم والأكل وعدم الموضوع ,, لماذا رتبت حياتها على هذا النهج ,,, ان انغلاقية فتياتنا بأراضي المهجر تقود للعنوسة المبكرة ولا اقصد بانغلاقية عدم الخروج والانفتاحية ,,, ولكن طبيعة حياة الغربة عبارة اسمها القفلة ((مقفولين)) ,, ونعم ان كل شئ قسمة ونصيب وكل شئ مسطر ومكتوب ولكن لابد من دراسة وضعهن الاجتماعي بحيث لايسلمن انفسهن لهذا المصير ,,, لماذا لاتتم العودة للوطن ومحاولة العمل هناك او انشاء مشاريع صغيرة بتمويل اسري ,,,
أعجبني واحببت مشاركتكم

[عاشقة النيل]

الغربة عبارة اسمها القفلة ((مقفولين)) ,,

منو القال انو المغتربات مقفولات الافي بعض الدول افضل بدون ذكر اسماء .اما هنا في دولة قطر الحبيبة مافي حاجة اسمها مقفولة الا اذا كانت الاسرة نفسها بتحبس البنات في بيوتهم ..
انا شايفة كدا احسن من انو البت تكون حايمة من بيت لي بيت
شكرااا على الموضوع

[سلمي200005]

الغربة عبارة اسمها القفلة ((مقفولين)) ,,

منو القال انو المغتربات مقفولات الافي بعض الدول افضل بدون ذكر اسماء .اما هنا في دولة قطر الحبيبة مافي حاجة اسمها مقفولة الا اذا كانت الاسرة نفسها بتحبس البنات في بيوتهم ..
انا شايفة كدا احسن من انو البت تكون حايمة من بيت لي بيت
شكرااا على الموضوع

القصد مش الحوامة من بيت لبيت

[مهاجر في البلد]

فهلا في كثير من الاحيان يكون للغربة دور في تاخير الزواج ولذلك الرجول للبلد في اجازات سنوية خاصة مواسم الاعراس والاعياد يقوي من فرص الزواج لان المغتربات بجن مرطبات وما دايرات حبسة طويلة

[سلمي200005]

فهلا في كثير من الاحيان يكون للغربة دور في تاخير الزواج ولذلك الرجول للبلد في اجازات سنوية خاصة مواسم الاعراس والاعياد يقوي من فرص الزواج لان المغتربات بجن مرطبات وما دايرات حبسة طويلة

حلوة مرطبات دي

[مهاجر في البلد]

حلوة مرطبات دي

ما قاصد بي مرطبات معنى من ناحية مادية لا
قاصد مرطبات يعني ما دايرات شغل كثير ممكن يوفرن ليك بعض المصاريف بتاعت النظافة حقت العروس ...

[عاشقة النيل]

ما قاصد بي مرطبات معنى من ناحية مادية لا
قاصد مرطبات يعني ما دايرات شغل كثير ممكن يوفرن ليك بعض المصاريف بتاعت النظافة حقت العروس ...

هههههههههههه قصدو نضاف مابنحتاج

[خريف الرتوع]

هههههههههههه قصدو نضاف مابنحتاج

النضافة بره السودان ما ليها طعم ...

[وليد دفي]

اولا السلام عليك وشكرا لتطرقك لهذا الموضوع ,,,,
الغربه مش قفله وبس دي القفله ذاتها قالت انا مقفوله
حقيقه عندنا هنا في ليبيا الحياة عباره عن حيا رجوليه خالصه
البنت عباره عن اله خدمه في المنزل مع انو دا في حد زاتو ملي فراغ
الا انو للبنت حياه خاصه لابد ان تعيشها وترفه عن نفسها بطريقه حره دون قيود
اي كانت من الاهل او علي مستوي البلد الذي تعيش فيه
لهذا فرصة زواجه تقل بنسبه 80%الا تكون محظوظه واحد من اصحاب ابوها يشوفه
تعجبو يتقدم ليها وتكون نفدت بجلدها من العنوسه وضل راجل ولا ضل حيطه
ولا ابوها يكون مفتح ويرجعهم للسودان حيث تكون هذه الاخيره فرصه العنوسه عندها قلت بدرجة 80%
المشكله تكمن هي كيف يقتنع الابا بفكره العوده الي الوطن ,,,,

[اريج الياسمين]

انا اختلف معاك يا اخ وليد في النقطة دي قصة انو البت تكون مقفوله في ليبي لانها دا بتعتمد على عقليه الاهل و كيف تفكيرهم في التربية و ماليها علاقة بالبلد الهي عايشة فيه
اما قصه الغربه بتزيد العنوسه ده بتوقف على البت نفسها و كونها تردخ لحياه عدم الموضوع بس اذا ثابرت واجتهدت على نفسها اكيد حتحقق جاجات كتيره حتى لو كانت في الغربه
اما قصه انها ترجع للوطن و تشتغل فيه سواء في القطاع العام او الخاص او حتى مشرع من تومويلها هي فلازم تطلع عينها في الاول حتى ناس الوطن الحبيب يحسو انو في انسان داير يبدا حياته ويدوه فرصه الحياه بين اهله
وشكرا على الموضوع الجميل تقبلي تحياتي

[eladndane]

بسم الله الرحمن الرحيم
تعتبر هذه اول مشاركة لي بالموقع
واسحمو لي ان ابدي برأئي في هذا الموضوع
اولا يجب ان نتفق ان كل شئ قسمة ونصيب
ثانيا للاسف الشديد معظم المغتربيين ينسي ان الهدف الاساسي للغربة هو جمع المال
السوداني يغترب من اجل راتب افضل وكذلك الامريكي او الاوربي يغترب في دول اخري من اجل المال
ولكن الاوربي اوالامريكي بمجرد ان يحقق الهدف المنشود يعود الي وطنه ويبدء بتأسيس حياته الجديدة وهو في سن مناسب وبالتالي اولاده يكونو في عمر مناسب ايضا
لكن ناسنا واهالينا ما بيوضعوا حد او حد للاكتفاء المالي
ويترتب عليه انه يدخل ابنائه معه في دائرة الاغتراب بعدة حجج منها بلدي ما فيها فرصة او ان مستوي المعيشة في البلد العايش فيها افضل او يخشي ان تضيع تحويشة العمر في مشروع قد يفشل
او يتحجج بان الناس ما هتتركه في حاله من الحسد وكلها حجج واهية
اعتذر علي هذه المقدمة لخروجها عن سياق الموضوع
لكن طالما اختارت الاسرة الاغتراب يجب ان تأقلم حياتها طبقا لعادتها وتقاليدها
بدي ليكم مثال يجب علي الاسر السودانية المقيمة في مجتمعات مغلقة تبادل الزيارات وكذالك عمل يوم ثقافي واجتماعي في الدول المقيمين بها لان ذلك سوف يتيح لعمل تعارف بين الاسر مما يسهل من عملية الزواج بين ابنائهم في المستقبل والتخلي عن عادات وقيود البلد المقيمين بها
ملحوظة يخشي ابناء الوطن في كثير من الاحيان من الارتباط بمغتربة خوفا من عدم معرفته بشخصيتها او ينظر للموضوع من ناحية مادية او السبب الاخير الادعاء بئان المغتربات حناكيش او دلوعات لذلك يجب ارسال الابناء بصفة دورية للوطن لان ذلك سيسمح لهم بتكوين صداقات مع ابناء حلتهم
اعتذر مرة اخري علي الاطالة

[وليد دفي]

انا اختلف معاك يا اخ وليد في النقطة دي قصة انو البت تكون مقفوله في ليبي لانها دا بتعتمد على عقليه الاهل و كيف تفكيرهم في التربية و ماليها علاقة بالبلد الهي عايشة فيه
اما قصه الغربه بتزيد العنوسه ده بتوقف على البت نفسها و كونها تردخ لحياه عدم الموضوع بس اذا ثابرت واجتهدت على نفسها اكيد حتحقق جاجات كتيره حتى لو كانت في الغربه
اما قصه انها ترجع للوطن و تشتغل فيه سواء في القطاع العام او الخاص او حتى مشرع من تومويلها هي فلازم تطلع عينها في الاول حتى ناس الوطن الحبيب يحسو انو في انسان داير يبدا حياته ويدوه فرصه الحياه بين اهله
وشكرا على الموضوع الجميل تقبلي تحياتي

اولا شكرا علي المرور
وعايز اسالك سوال انتي نفسك الوضع العايشه في البلد دي عاجبك
اذا كان عاجبك معناها
انتي محل ساكنه في سوادين هلبه عشان كده ما حاسه بالغربه
ملحوظه
لو امورك انتي واضحه مالوا لو وضحتي لينا امورنا معاك

[جراح]

والله ياسلمى كلامك منطقى جدا وبحييك على هذا البوست الرائع

دى الحقيقه اكثر العنوسه حسب راى الشخصى فى السعوديه قفله وبوره

يعنى الواحده تحلم انها تتطلع بس بويين مافى طريقه ولو طلعت محجبه مافى احد يشوفه حلوه ولا شينه

واضف لذالك تلاقيهم متفلهمات ما ختاتنها فى الواطه


عشان كدى اكثر البوره على راى فى السعوديه

بااى ساعود مره اخرى على الموضوع الحلو دى