ليه ما بتمسك يدي

[moonlight]

مجكسين

'أنت ليه ما بتمسك ايدي وإحنا طالعين سوا؟'


'لا طبعاً يا روحي... أفرضي زول من اهلك شافنا؟ ولا واحد من أهلي؟ على الأقل كِده بنقدر نزوغ من الزرزره, لكن إن شاء الله يا حبيبتي باكر أخدك وامسك أيدك قدام الدنيا كلها '.
..................................


مخطوبين





'أنت ليه ما بتمسك ايدي وإحنا طالعين سوا؟'


'علشان ما داير زول يعلّق علينا ويقول الجماعة ما مصدقين انهم مخطوبين...


وبعدين
بصراحة كده أنا ما برضى أي زول يتكلم على حبيبتي...
..................................


متزوجين


'أنت ليه ما بتمسك ايدي وإحنا طالعين سوا؟'


'يا حبيبتي إحنا ما مراهقين عشان نقعد نمسك إيدين بعض في الشارع وكده!!....


إحنا اتنين
متزوجين ومحترمين وعندنا بيتنا نسوّي فيهو اللي عاوزينه'..
..................................


متزوجين وعندهم عيال


'أنت ليه ما بتمسك ايدي وإحنا طالعين سوا؟'


'يعني امسك إيدك انتي ولا امسك إيد الشافع ولا اشيل الأكياس دي كلها، ولاّ شنو يعني؟!'


مُصيبة شنو الوقعنا فيها دي يا ربي؟؟؟
..................................


بعد 25 سنه من الكفاح المُسلـّح


'أنت ليه ما بتمسك ايدي وإحنا طالعين سوا؟'


'إيد شنو دي اللي بمسكها هسه بعد العُمُر ده! إنتي دايره راجل بـِتـّك يقول علينا كبرنا وخرّفنا؟!


يا وليّه أكبَري عليك الله