ليه ماسألتو عني

[ميمي السودانية]

سلام
انا بسال عن...
مهاجر في البلد ...وينك والله واحشانا طللتك في المنتدى
بكووووور...وينك يااخوي ماظاهر ومشتاقين
محمد نعيم...مختفي وين ان شاء الله تكون بصحة وعافيه

[دعد]

ياشباب ياشباب
(دعد دعد )عندها اكثر من 15يوم ماموجوده في المنتدي
العندو منها خبر يدينا ليهو ماتكون عيانه
ولاحاصل ليها شي

شكرا اخي الضراع على سؤالك

الحمدلله انا بخير بس مزحومه شويه

ان شاء الله ما تفقد عزيز

البوست صراحه جميل بيحسسنا اننا عيله واحده

مهما فرقت بينا المسافات

تحياتي وما تنسونا من صالح الدعوات

[امال الناس]

كويس انك طعمتها بى امال الناس والسودانى الاصيل
بس الاثنين ديل اصلو ماغابو
غاب زول واحد بس
اسال القلب الملك يقول ليك

[

color=FF1493]يا ود يا تقيل

[/color]

[امال الناس]

يلا انا ببدأ ليكم
السوداني الاصيل ** امال الناس **ميمي السودانيه
ياجماعه وينكم عندكم كم يوم ماشايفنكم
والله اشتقنا ليكم ولي مشاركاتكم
يلا ياجماعه العارف حاجه عن الناس ديل وسبب
غيابهم يطمنا عليهم

يدك العافية يا الضراع بالله لسة في ناس ذي كده والله تاري الدنيا لسة بخيرها وربنا ما يحرمنا من ناس ديل . انا كنت مريضة وطريحة فراش المستشفي كمان وفي ناس عارفين في المنتدي لو جبنها اسمهم الهواء بقسمهم خليهم في سرك والحمد لله انا بلغت الصحة واهو جيتكم

[نهـاد]

يا نــــاس أنا بســـأل من روينة ليها كم يوم ما ظاهرة

انشاء الله غيابها خير

[رءوف]

i come back

طيب كدة كويس
باقى نووووووشا والانتحار مازال قائم

[القلب الملك]

انا بسأل عن حبيبتي ميمي السودانيه....
والله فاقداااااااك شديييييد
هانا مونتانا ياريييييييت ترجعي ...
القلب الملك ويييينك؟؟؟
عاشق الاهوال مشتاقيييييين....

كلك زوق يا عازفة ،،، فقدتي جدو ،،، كانت زنقة وعدت الحمد لله ،، ربنا ما يحرمني منكم ،،

[القلب الملك]

بس انت غيب ليك يومين تلقي المنتدي كلو بسأل عنك
بس بدون الجمعه البتمشي بيها لجده دي مامحسوبه لاننا
كلنا عارفنك مشيت وين
والله لو القلب الملك بجيب لينا اخبار ميمي خليهو اليدخل
يورينا مشت وين ويطمنا عليها
انحنا عموما فقدناهم جميعا

سمو الأميرة مشغولة حبتين ،،، لكني ما مصدر معلومات ،،، زمان رفعو لي القزاز

[القلب الملك]

انت ماشفت حاجه كان جيت القصيم بتكره جده
بحر وكورنيش وووووو حاجات كتيره خلاص
بلد سياحي بشكل رهيب

الضراع ،، القصيم فيها الكرباج

اخير جدة والدمام ،،،

[القلب الملك]

يا نااااس وين خالتو امال الناس وجدو القلب الملك

وميمى حبيبت قلبى


وينكم ومشتاقوووووووون

مشكورة حبيبة جدو علي السؤال ،،، ربنا ما يحرمك من عزيز ،،، ودفيك في الجليد العايشة فيهو دا

[الضراع]

الضراع ،، القصيم فيها الكرباج

اخير جدة والدمام ،،،

دي كلو ترقيب لراؤف عشان كان بقي ماشي الدمام
اجيني في القصيم
بس انت كشفت النومه لراؤف

[ميمي السودانية]

كويس انك طعمتها بى امال الناس والسودانى الاصيل
بس الاثنين ديل اصلو ماغابو
غاب زول واحد بس
اسال القلب الملك يقول ليك

رءوف قصدك شنو؟؟
وكيف ماغابوا امال كانت في المستشفى
والسوداني الاصيل النت بتاعو كان قاطع

[ميمي السودانية]

الحمدلله بسلامتك
ورجعتك لينا بسلامه
المنتدي والله نور بوجودك
بس اوعاكي تكرر الغياب عن حبايبك بدون عذر
لانك مازكرتي لينا سبب غيابك
تحياتي

الله يسلمك يالضراع
والله منور بوجودكم
لاان شاء الله تاني مافي غياب
هههههههه جنس شمار السبب خليني محتفظه بيهو

وشكرا على البوست الجميل

[رءوف]

رءوف ،،، أوفا صاحبي ،،، اللوري لي جدة بي كم ؟

لورى الطوب ولا الفحم

والله جدة جنس لوارى
اسال ودالزوحى

[رءوف]

رءوف قصدك شنو؟؟
وكيف ماغابوا امال كانت في المستشفى
والسوداني الاصيل النت بتاعو كان قاطع

يا محامية اليوم الكتبو فيهو الكلام دة
انا كنت على التلفون مع السودانى الاصيل
وخالتو امال الفترة الصباحية كنت بتكلم معاها
شوفى ليهو سبب تانى

[القلب الملك]

لورى الطوب ولا الفحم

والله جدة جنس لوارى
اسال ودالزوحى

ههههههههههه ،،، بدون تعليق


بجيب اخوي ود ابنعوف ونجيكم ،،، شدو الحلة

[ميمي السودانية]

يا محامية اليوم الكتبو فيهو الكلام دة
انا كنت على التلفون مع السودانى الاصيل
وخالتو امال الفترة الصباحية كنت بتكلم معاها
شوفى ليهو سبب تانى

انا ما عارفة ايوم اللي كتب فيهو البوست
ولمن قريت البوست من البداية لقيت السوداني الاصيل كاتب سبب غيابو شنو؟

ولو انت فاهم انو بيني وبين الضراع حاجة فبقول ليك مافي اي شي بينا اصدقاء لا اكثر

[الضراع]

يا محامية اليوم الكتبو فيهو الكلام دة
انا كنت على التلفون مع السودانى الاصيل
وخالتو امال الفترة الصباحية كنت بتكلم معاها
شوفى ليهو سبب تانى

راؤف ماتغير مجري المواضيع
وماترد بالطريقه الانت بتفهم بيها بس
اذا عندك اي كلام عايز تقولو
ممكن تقولو في الخاص
لانه كلامك الانت بتقول فيهو دا اي انسان ممكن
يفسرو بطريقه مختلفه عن فكرة البوست
تانيا انا لما سألت عن الاشخاص التلاته ديل
لاني بديت بيهم الموضوع
وهم بالفعل كانو غايبين
شوف رد السوداني الاصيل وشوف رد امال الناس
ولما كانو ماغايبين ليهو قالوانحنا كنا غايبين
السوداني الاصيل رد علي في رساله فهمني انه عندو مشكله في النت
امال الناس دخلت بعده بيوم وقالت كانت مريضه
وانا لعلمك مافي اي علاقه بترطني بميمي اكثر من انها صديقه في المنتدي
مثلها مثل باقي الاخوات السألت عنهن بعد كدا
فلماذا انت اخترت ميمي بالذات ؟؟؟؟؟؟؟؟
وليه عايز تغير من فكرة الموضوع
انا كان قصدي كلو انه انحنا نسأل عن بعض
وانا كان في شي بيني وبين ميمي ياشاطر
مابسأل منها في المنتدي
علي الاقل في شي اسمو الايميل والجوال
للحديث بقيه؟؟؟

[دلوعة البلد]

انا بسأل عن الجميع
والله اشتقنا لكم جميعا
انا كنت غائب لمدة 5 ايام نسبة لظروف عمل بعيد عن المكاتب والانترنت
البوست عجبني قت ادخل إمكن حد يسأل عني بس لما ما لقيت حد سأل قلت انا أسأل
والغائبين ربنا يرد غيابهم ونلاقيهم منورين المنتدى كلو

كيفكم يا اخواني و أخواتي الأعزاء

انا برضو مافي زول سأل عني عشان كدا حنسأل عن بعض وبس.ok

[الضراع]

انا برضو مافي زول سأل عني عشان كدا حنسأل عن بعض وبس.ok:smiels1:

اهلين دلوعه
طبعا فكرة البوست انه اي واحد يسأل عن الشخص الفقدو
وبعد فتره وجيزه الناس حاتعرف اخبار كل الناس الكانو غايبين عن المنتدي
لكي تحياتي