جريمة رياضية ووطنية

[مهاجر في البلد]

بصراحة انا هلالابي بس لمن المريخ يلعب مع فريق أجنبي ويكون ممثلنا بكون سوداني وبشجع المريخ داخليا وخارجيا

قرأت في بعض الصحف انو مجموع من السودانيين صنعو اعلاما لمازيمبي وكونو رابطة لتشجيع مازمبي ضد الهلال ----- لو الخبر دا صحيح دي كارثة والببقة في الرياضة بكرة ببقة في حاجات تانية وربنا يستر لان الوطن ياهو الوطن

رايكم شنو

[ودالسكوت]

دى ما غريبة على الجمهور السودانى لانو جمهور الهلال برضو رفعو علم الترجى التونسى

[ملاك الورد]

يا ساتر
غايتو البعمل كده لو هلالابي او مريخابي ما نصيح و عنده مصيبه في المخيخ و العقل الباطن
و كم عقده نفسيه كده
السوداني بسند السوداني
هسي قدر ما فرحت شدييييد بثلاثية الهلال قدر ما زعلت على مستوى المريخ و اسأل ليه و ده شنو البحصل ليه الانهيار الكبير و المامقبول ده في المريخ

[مهاجر في البلد]

الظاهر المنتدى ما فيهو غير ود السكوت وملاك الورد الرياضيين واشكرهم على الاراء

المفروض انا واخويا على ابن عمي وانا وابن عمي على الغريب

[البوشى]

اخىالغالى بعدالتحية ..........
والله بالجد دى كارثة وحال ياسف علية الكل مهما كانت الختلافات برضو نحن فى النهاية سودانين
ومفترض تكون عندنا وطنيا وغيرة على بلدنا مهما كانت الاسباب .
ودى يا اخى الفاضل الوطنية الكنت بتكلم عنها فى عدة منتديات وكنت بسأل ؟؟؟؟؟؟؟؟؟؟
هل نحن وطنيون ؟؟؟؟؟؟؟؟؟
وزا كان ده حصل بالجد فعلى الوطنية السلام ودار السلام

[مهاجر في البلد]

يا ريت يا البوشي مناداتك للوطنية الناس فهمتا صاح
وحقيقة فائدة المنتديات انو القضايا الحقيقية دي الناس اهتمو بيها