من روائع محمد بشير عتيق

[مها]

لغة العيون
خاطبتة بى لغة الهوى فاجابنى بى لغة العيون
فى مرة كنا انا وهو فى روض جميل ثمرة استوى
وهنك مكان طلق الهوى مجلس لكل جميل حوى
وريته مابى من شجون
من عطفه اظهر لى فنون
قال لى كل عزيز يهون
مادمنا نحن على الهوى ياحبيبى متعاهدين سوى
قت ليه قلبى الليك غوى فى حبة ماضل وغوى
وحياة جمالك يامصون

حلى وانقسم
ولى ابتسم
ورانى تحت الغيم سنا وكشف عن العناب جنا
قال لى مامعنى القسم بى جمالى فى شعرك هنا
قتليه ياسمح القسم كيف ما افاخر بيك انا
وانت االلى اوحيت لى غنا
فى قلبى شخصك اترسم
واعلم يغين انا فى غنى عن حب سواك وعلى هواك حتى المنون
قال لى صحيح قلبك جريح وهواك صريح
شعرك رفيع فى المستوى
لحنه البديع يطوى الجوى
كم اطفىء للظمان روى
بل احيا اموات الهوى
قت ليه برضك لى ظلوم كيف غرامى عليك يهون
وانا فكرى عندك كل يوم
بستوحى من حسنك علوم
قال لى خلاص ياخوى نقوم

ودعنى بى لغة العيون
ودعته بى قلبى الحنون

الشاعر محمد بشير عتيق


\
\

[المحقق كونان]

الغالية/ مها

يا ريتني لو اقدر اقول فيك الكلام الما انكتب
واجلي المقاطع بالدهب وافرد صباح حسنك وشاح
يمسح عذاب عمري المسطر باللهب
بريدك كلمة كان رفت يهش ثغر النجوم ويسطع
ولما ينادي همس الشوق يقيف كل الزمن ويسمع
عيونك ديل عيون أهلي حنان زي نغمة في مقطع
وطهرك تاج جواهرو العزة وانتي العزة ليك تركع

(هاشم صديق )


بحق محمد بشير عتيق يمثل ظاهرة فنية لن تتكرر.