مُحكمــــــــــــة..مع الاشيتر

[ود الخير]

اخى معتز سلا م عليك
ما بتستاهل تتحاكم ولاكن الله يعينك
طبعا اخوك لنج وكدا والأسئله العندى ليك خفيفه
بس الرد بدون مطيط وبصراحه كامله
1 الصوره الرمزيه والتوقيع ماذا تعنى
2 معتز يرحب بالأعضاء الجدد كسب مشاركات كثير تلجات عرض وجاهه ام ماذا
3 الحال فى المنتدى هل تعجبك ام لا ولماذا
4اكثر المواضيع سخافه ولمن وتعليقك
5 عضو تحس بأنك بتكره كل حاجه فيهو
6ماهى الأفكار التطوريه لمعتز
7معتز متلحاتى ولى متلحنو وليه وعشان شنو
8 كيف ترى المنتدى فى المستقبل القريب
9 فتيات المنتدى المحببات اليك والأكثر قربا
10 عقده فى الماضى او الحاضر وسببها
ولى عوده معك
كتبت الأسئله وكلى علم ان معتز جدير فى وضع نفسه فى الأجابه الشافيه
ولك الله

[معتز سيد]

ألف مرحب [fot1]Waya[/fot1] كيف تمام؟

رايك شنو في المنتدى ومواضيعه ؟

أكثر ما يعجبني في المنتدى انو مُتَّزن من النواحي التالية:
ناحية الأقسام: يعني ما هو اكثر ميلاً للقضايا السياسية مثلاً عن الاجتماعية أو الرياضية أوالترفيهية أو...الخ.
ناحية الفئات العمرية للأعضاء: يعني تقريباً في أعضاء من 11 سنة وانت ماشي لحدي 60،
ودة الحقيقة شي جميل، هو في حد ذاتو توازن بيساعد على توازن الأقسام والتوازن بشكل عام.

والشي التاني يعجبني في المنتدى الانضباط ودة هو الآخر بيعود للاتزان المذكور أعلاه.

أما المواضيع:

في بعض الأقسام الوضع ممتاز تحديداً المنتدى الأدبي فيهو أقلام كبيرة يحق للمنتدى الافتخار بهم.
وفي أقسام أخرى في مواضيع ممتازة وفي مواضيع هشة شوية كدة:D ،
وطبعاً مشاكل تكرار المواضيع ودي عايزة تعاون من الأعضاء لتبليغ الإدارة
والإدارة دورها في سرعة البت في الأمر وإجراء اللازم.
ودي حقيقة مشكلة ما خاصة بمنتدى أنا سوداني، دي ح تكون موجودة في كل المنتديات
يبقى الفرق في سرعة وكيفية التعامل مع المشكلة

شعورك وماذا اضاف لك " وسام أفضل عضو " ؟

في أي مكان مدرسة أو جامعة أو عمل أو منتدى ، لما الواحد يلقى تكريم من الإدارة
أكيد مدعاة للسعادة والفخر، والإضافة إنو الواحد يقابل التقدير دة بتقدير مثله
عشان يكون عند حسن الظن أو قريب منو شوية

فهمك عن الصداقة والحب من على البعد " انترنت " ؟

الصداقة طبعاً بدون شك شي رائع لو كان عبر النت أو أي طريقة أخرى.
أما الحب دة هو المحتاج وقفة ،
ممكن الحب يبدأ عبر النت ، على أن ينتقل في وقت قريب لمرحلة الـ فيس تو فيس
وإلا ح يكون زي ما بدا في النت بسهولة بينتهي في النت بسهولة برضو

ممكن له النجاح باتباع الآتي:
1- المصداقية الكاملة بين الطرفين (طبعاً لأنو عبر النت يسهل التلاعب بالحقائق)
2- الوعي بعدم اعتباره حب أو ارتباط ، إلا بعد الانتقال لمرحلة الفيس تو فيس
(يعني بمعنى آخر النت بدي الطرفين جزء بسيط جداً من المفروض يُعرف لبعضهما عن بعض.)

شكـراً [fot1]waya[/fot1] تعال تاني أردم أسئلة ساكت

[صوفيا لورين]

معتز ازيك نورت المحكمه والله ومبروك الوسام لقيتني كيف خطيره صاح بسمع اخر زول ف المنتدى ده المهم انا زيارتي خفيفه وسريعه واسئلتي بسيطه اها رايك شنو نبدا ولا ........... خلاص نبدا


اول سؤال رايك شنو في شباب وبنات المنتدى ( ما تجامل)
تاني سؤال انت هلالابي ولا مريخابي
سؤال اخير انت حاسي بان المنتدى ده اضاف ليك شئ واذا اجابتك نعم ورينا اهم اضافه اضافها ليك منتدى انا سوداني
وتاني شئ احلى موضوع قريتو على الاطلاق في المنتدى وليه

طبعا انا لسه م انتهيت
اكتر عضو بتحب تقرا مواضيعو ف المنتدى
احلى موضوع نزلو معتز ف المنتدى
طبعا الاسئله الشخصيه لما ادخل المره الجايه الما معروفه متين
بجيك راجعه بعد اخلص

[معتز سيد]

أهلين [fot1]نااناا[/fot1] ... هاو آر يو
شرفتي ، ودواعي فخرنا نكون أول من تطلي عليهو

1- أهم أحلامك المتعلقة بالمستقبل والنجاح الاجتماعي العملي شنو؟؟

والله الصراحة في عمرنا دة ما بنقول عليها أحلام،
لأنو خلاص الواحد بقى تقريباً عارف مسارو بيخطط لأهداف (ما أحلام)
ويعمل للوصول إليها، ويُوفق بإذن الله في الكثير، لأنو بكون رسمها قدر طاقتو

عموماً حالياً الزواج (دعواتكم) وبعد داك عودة لمواصلة السير في الخط الأكاديمي

2- بتحكم على الناس من حولك على أي أساس هل من خلال مظاهرهم ام من خلال ..؟

أكيد لا ،
بالعكس تماماً بتأنَّى جداً في الحكم على الناس، حتى بالتعامل معاهم من قريب بحاول أفهم أكتر

3-ماذا تمثل الصداقة بالنسبة ليك؟

انتقل للسؤال البعدو لانو تقريباً بيجاوب عليهو

4- و رايك شنو في الصداقة بين الجنسين بنت و ولد؟وهل عندك صداقات مع الجنس الآخر؟

إذا فعلاً العلاقة بمعنى الصداقة (بالتدقيق الشديد في المعنى) شي مهم في المجتمعات المنفتحة
زي عندنا في السودان مثلاً، فطالما هنا في أماكن كتيرة لابد من الاختلاط فيها ،
هنا الصداقة ممكن تكون مهمة خصوصاً للبنت ، عشان حال تواجدها خارج المنزل
يكون الصديق هو بمثابة الأخ حتى تعود لأسرتها.
بس لازم التدقيق الشديد في معنى الصداقة والفهم التام له.
لأنو في حالات بنلقى العلاقات ما صداقة ، لكن بيتم إلباسها ثوب الصداقة إفكاً.

وعن نفسي نعم عندي صداقات من الجنس الآخر

5-ماموقع الأنترنت في حياتك هل هو من الاساسيات ام كماليات؟؟وهل النت لمجرد تسلية؟

الإنترنت بالنسبة لي أساسيات، لأنه أغلب اليوم تواجدي أمام الشاشة،
وكل ما أريد بنجزو من خلال النت،
وأناشد وأطالب الحكومة الموقرة بالسعي والإسراع في تنفيذ الحكومة الإلكترونية

ونهائي ما بعتبرو تسلية، بالعكس، إذا عايز اتسلى ببعد من النت

6- من هو احب عضو لك؟

ما في واحد معين اكتر من الباقين

7- عندي ألقاب و انت توزعا لأعضاء المنتدى
الحساس، الصادق، ، المبدع، روح المنتدى، الجريء، الذكي، صاحب لسان لزع، الظريف، الطيب

الحساس ديل اتنين أستاذ أحمد يس و الأشيتر

الصادق دة الله أعلم، أنا بعتبر الجميع صادق
إلا واحد يثبت عكس ذلك، ولحدي حسة دة ماف

المبدع: الإبداع طوالي انا بمشي بيهو لناس الأدب وناس الفن
ناس الأدب مجدي عكاشة ، عاشقة توتيل، ود الدسوقي
الفن والتصميم ، بصراحة أنا ما بدخل قسم التصاميم كتير

روح المنتدى:
الجرئ: الجرأة في طرح الفكرة والدفاع عن رأيه دي أختنا Zaina
الذكي: اذا كان الذكاء محسوب بلغة الحساب أعتقد انو الباشمهندس السني
صاحب لسان لازع: كان معانا اتنين في منتدى الرياضة واحد هلالابي والتاني مريخابي
أحياناً لسانهم بكون لازع، وهم الاتنين الآن طولوا الغيبة، اشتقنا لي لسانهم اللازع:D

الظريف: اتنين
مجدي عكاشة
أسلوبو في يوميات عاذب في نوع من خلق الابتسامة مع جديتو
في زول بقول على روحو (تباً لي)!!!

وتاني فجر
اسلوبها في عيادة نفسية يمتاز بخفة الظل (بس هي طولت الغيبة)

الطيب:
في ناس من خلال تعاملهم بعتبرهم طيبين، بس الله أعلم وهم
سحر محمد ، وهاميس النوبة، وإحسان، وود الدسوقي

لا كدي أستنى عندي سؤال تاني ماذا تعني هذه الكلمات لمعتز
الاسرة
الأم
الحب
الحرية
منتدى أنا سوداني

الأسرة هي الأسرة
الأم ، برضو هي الأم
الأم حقيقة غير مكانتها الفطرية ومكانتها الوضعا فيهو ربنا سبحانه
وتعالى وأكدو سيدنا محمد صلى الله عليه وسلم. أنا أمي لها وضع خاص
لأنها بعد وفاة الوالد وأنا في سن صغير، هي قامت بدورها ودور الوالد عليه رحمة الله

فأمي صراحة لها أكثر مما أقدر أوصفو بالكلمات أو بالأفعال
(ربنا يحفظها ويحفظ أمهاتنا جميعاً آمين)

الحب، ياخ بتبالغي أكيد هو الحب

منتدى أنا سوداني، المكان البقضي فيهو وقت أكتر من البقضيهو في البيت أو في المكتب
لأنو بكون مرافقني في الاتنين.

[fot1]مشكورة كتير نااناا ، تشرفنا[/fot1]
ومرحب بيك تاني، بس ركزي في الأسئلة ما تخليها عائمة

[معتز سيد]

أردموا ساكت، ما تعاينو لي ،
برد عليها كلها إن شاء الله،


بس رجاءً عدم تكرار الأسئلة

[مجدى عكاشه]

معتذ السيد ...

اممممممممممممممممممممم

حقيقى انا اتمنيتك فى حتة زى دي ..
لكن ماعارف لى الكلام طشا لمن شفتك هنا ..

قد تكون لسعادتى بى التحول الرهيب لمحكمة الاشيتر
وهى استقطاب شخصيات ليها وزن وفعل ...


سين سؤال .. ودة اعتبرو سؤال اكاديمي كدة ...

لي يا معتذ ما فكرت ان تكتب موضوع فكرى .. او سياسى .. او تحليلي ....!!؟
مع العلم ان من خلال مشاركاتك ظهرت ثقافتك العالية واسلوبك النابغ فى الحوار وادارتو ....!!


اتنين ...


هل بتخاف انك تكتب موضوع .. جادى جدا .. وتلقى قبول ضعيف جدا ..
هل بتحب الاضواء .. الشهرة يعنى ...........؟؟

وهل بتخاف قبل ما تقدم على اى حركة ... !!؟
والى ياتو مدى خوفك .. وهل بأستطاعة خوفك ان يمنعك من الخطوة الجاية .......!!؟

[zaina]

وانا اقول شامة لى ريحة حاجة جديدة وانا داخلة الراكوبة اتارى ابو السيد محاكم
معتز من اليوم ده ولحدى ماتنتهى محاكمتك اقراء المعوزتين ويس فى سرك عشان يدك ماتوجعك وكمان ياريت خت جنبك كباية عصير باردة وجاوب لينا بصراحة ودبلوماسية ذى ما بنقراء فى ردودك ومواضيعك بس معليش مجهزة ليك اسئلة كتيرة شوية لمن تقوول الروووب وكمان فى اسئلة ممكن تكون سطحية شوية لكن جاوب عليها ؟ ؟

بسم الله نبداء "احم احم " الدفعة الاولى من الاسئلة::

الوظيفة "ماذكرتها فى بطاقتك الشخصية ده تحقيق ومحاكم يازول لازم البيانات مكتملة"

/المراة فى حياة معتز ماذا تعنى(الام "دى جاوبتا عليها" (الاخت وشريكة الحياة والزميلة )كل واحدة براها ؟

2/هل خفق قلبك يوما ولم تجد تجاوب من الطرف الاخر؟

3/الجكس فى حياتك بصراحة "وانت فى الجامعة هل ارتبطت بعلاقة حب مع زميلة لك ؟

4/الحب هل تراه ضروريا عند الزواج وماهى مواصفات شريكة حياتك فى نقاط ؟

5/وماذا يحب معتز فى المراة وماذا يكره فيها؟

6/هل تابعت مسلسل تركى ورائيك فى رومانسية مهند التى تسببت فى طلاق البعض كما سمعنا وهل ساعدت فى تبريد قلب الرجل السودانى الحار كما يقال؟؟

7/وهل انت رومانسى تعبر عن مشاعرك بسهولة للطرف الاخر وهل فعلا الرومانسية بعد الزواج ليست بذات اهمية كما يراها الكثيرون وخاصة الرجل السودانى؟

8/اذا جاتك زميلتك او حتى قريبتك وقالت لك "احبك" واتمناك زوجا" ماهى ردة فعلك وهل تراها جراءة غير مقبولة ؟
9/ماهو هدفك فى الزواج والاسرة وهل الزواج المثالى اكذوبة ؟

10/هل تؤيد ام انت ضد تحديد النسل وليس التنظيم"؟

11/ بصفة عامة رائيك فى الزوجة السودانية وهل تراها باردة فى التعبير عن مشاعرها لشريكها "يعنى اقصد ان تنادى زوجها مثلاب "حبيبى ..حياتى ...الخ ؟

12/ومقولة "ضل راجل ولاضل حيطة" كيف تراها وهل انت معها "وهل تقبل لانسانة عزيزة عليك "اختك مثلا او قريبتك" ان فاتها قطار الزواج ان تقبل بضل راجل فقط هربا من قسوة العنوسة؟؟؟

13/التعدد وماادراك ماالتعدد "بعيدا عن الرائ الدينى "هل انت مع التعدد "زوجة واحدة لاتكفى " وان خفق قلبك يوما بعد زواجك لفتاة اخرى واغرمت بها هل ترى ان الزواج الثانى هو الحل؟

14/عادات الزواج فى السودان هل تراها مكلفة("حنة عروس وعريس وجرتق وفطور عرس رقيص عروس ...الخ ) وهل انت مع ليلة واحدة تكفى "اعنى الاكتفاء بليلة الزفاف فقط"؟

15/فى اختيارك لشريكة الحياة هل تحب ان تختار لك "الوالدة او الاخت مثلا "ام تفضل الاختيار الشخصى ولماذا

16/طلبات الرجال فى الزواج الان خاصة مع الفضائيات والانترنت"انتشار لغة الجسد" هل تراها سبب فى عنوسة بعض الفتيات "اعنى الجانب الشكلى للفتاة" وماهو الحل حسب ماترى "؟

17/كثرة الطلاق فى المجتمع السودانى عموما ماهى اسبابه من وجهة نظرك ؟

18/الصراحة التامة بين الشريكين بدون حدود كيف تراها انت ؟

19/هل تحس بضربات قلبك عندما ترى فتاة جميلة

20/فى سؤالك السابق لهوبة نفس السؤال
"ان اعترفت لك شريكة حياتك بانها تعرضت للاغتصاب فى طفولتها " ماهو ردة فعلك وهل ستستمر ان كانت صادقة معك وماهى اسباب كثرة جرائم اغتصاب الاطفال فى السودان كما تراها انت ؟

يلا خفف يدك عشان الدفعة الثانية اجهزها ليك":D :D :D :D :D :D "

:

[معتز سيد]

أهلين حبابكم [fot1]ناس كسلا[/fot1] (القاش فاض ولا لسة؟!)

[align=center] من هو معتز سيد ؟؟ والى اين تتجه بوصلته؟؟

[/u][/size][/font][/color][/quote]

معتز سيد نفس بشرية سواها ربنا وألهمها فجورها وتقواها ، وكتب ليهو رزق معين، وأخفى عنو حاجات مسماة بالغيب، وجعل له رقيب عتيد ليدونوا كيف يصنع ليوم الوقت المعلوم. (نسأل الله لنا الهداية)
البوصلة تتجه للمُسطر والمكتوب، وبما أنو ما عندنا علم بالمكتوب، بنحاول نرسم حاجة قدامنا ونمشي عليها، قد نلقى عوائق فنغير اتجاه البوصلة شوية.
يعني البوصلة فيها مرونة

[align=center]ماذا يثير معتز سيد ويجعله يخرج عن طوره أو لنقل "يفقد المنطق"؟؟؟[/align][/u][/size]

كنت زمان أثور مع علمي انو خطأ،
وياما جرانا لحاجات ندمنا عليها،
لكن بمرور الزمن والتقدم في السن عرفت أسيطر على نفسي تماماً،
بالتمرين .... في البداية بكون صعب،
لكن شوية شوية عرفت اتعود على الهدوء
التام في حالة الغضب.

[align=center]اى مدى ممكن ان يحد طموحك؟؟؟[/align][/u][/size]

طموحي يحد بما أحس انو ممكن الوصول إليه.

[align=center]معتز سيد هل يرى انه انجز في حياته مايجعله مرتاح؟؟[/align][/u][/size]

لا طبعاً، كنت برسم لنفسي حاجات ، واصطدم بالواقع، فأغيرها،
وفي كتير مرات أواجه بالتفضيل بين خيارين، فاختار أحدهما
ولي قدام أتساءل هل كنت صائب في الاختيار،
أم إذا كنت اخترت الآخر كان الوضع ح يكون أفضل.

عموماً ممكن أقول مقتنع إلى حد كبير، وإن كنت أطمع في حاجات ما حصلتها.

[align=center]معتز سيد واقعى جداً لكن هل تؤمن بالصدفه والحظ؟؟؟[/align][/u][/size]

الصدفة والحظ موجودين طبعاً، لكن علينا أن لا ننتظرهم، يمكن ما يجوا .


[fot1]عاشقة توتيل[/fot1] حقيقة تشرفت جداً جداً بتواجدك هنا.
وتعالي تاني، بس حاولي تبعدي من لغة الأدب،
لأني بحس اني بليد فيها.
نحن ميالين للغة الحساب 1 + 1 = 2،
أما أن تجي تقولي لي ها هي الأرض تغطت بالتعب،
انا بطش، كيف يعني !!! هل التعب سياسي؟!،
ولا تعب معنوي؟!،
ولا الناس بقوا تعبانين فأطلق التعب على الأرض على سبيل الاستعارة المكنية.

[fot1]مشكورة كتير والله[/fot1]

[/color][/size][/align]

[الاشيتر]

مُعتز والسياسة الامريكيه
يُقال ان امريكا يحكمها الشيطان وكل من وصل البيت الابيض كان من عبدته - حتي الشائعه تقول ان بالبيت الابيض قبو لي عبادته . هل تؤيد ام تنفي هذا الكلام ؟


مُعتز دائماً الفنانين لايكرموا الا بعد موتهم وهذه ليست في السودان فقط حتى دافنشي والموناليزا لم يُعرف دافنشي وهو حي ؟ هل ان كنت في مكان المسئوليه تقدر الفن والفنان قبل موته ؟


مُعتز السيد المعلقات السبعه - هل هي فقط سبعه - ام غيرهم قال شعراً افضل منهم - الا تعتبر ما قاله
المرحوم فراج الطيب في المربد - قصيدة دار السلام -

افي صحو انا ام في انام

احقاً هذه هي دار السلام

هي تساوي هذه المعلقات ؟


معتز اشك في ان عاشقة توتيل هي روضه الحاج هل يساورك هذا الشك ؟



معتز دائماً في جدل حواري جيد مع مجدي عكاشه و الاستاذ احمد يسن ؟ هل تفتكر ان متابعات هؤلا نقدر ان نسميها الكنز ؟


معتز سؤال بالجنبه التانيه حاسي بأنك معصور من ناس الراكوبه ولا نعمل ليك اعلان تاني بتاع تحدي ؟

[معتز سيد]

مرحبا [fot1]هندسة[/fot1] ، نورتنا وشرفتنا

1 الصوره الرمزيه والتوقيع ماذا تعنى

إن كنت تقصد بصورة عامة: الصورة الرمزية والتوقيع واسم المستخدم ،
هم بيدوا الطابع العام للعضو، والباقي على القلم وما يكتب.
وإن كنت تقصد عن صورتي وتوقيعي:
الصورة دي وقع اختياري عليها لأنها كرتونية مرسومة
وبذلك ابتعد عن صور لأشخاص حقيقيين (لا تتناسب مع سني)،
وتاني من شكل القعدة بتاعة الواد دة (مُتْمَحِّنْ) كدة:D

أما التوقيع: أي دمعة حزن لا، مسموح بالدموع، إلا دموع الحزن.

2 معتز يرحب بالأعضاء الجدد كسب مشاركات كثير تلجات عرض وجاهه ام ماذا

أنا لما دخلت جديد ورحبوا بي الأعضاء، أحسست بالراحة والاستئناس والألفة،
عشان كدة ومن هذا المنطلق

3 الحال فى المنتدى هل تعجبك ام لا ولماذا

السؤال دة مع انو جاوبت عليه لـ waya وقلنا لا للتكرار،
بس ح اقبلها منك المرة دي ( آخر مرة):D

هنا عشان خاطرك ح أضيف حاجة جديدة

مستوى المنتدى في الفترة الفاتت تراجع بشهادة الأعضاء القدامى،
فكثر الحديث عن أنه في السابق كان أفضل وكان في أعضاء مميزين.
من وجهة نظري الخاصة بدل ما الناس تتغنى بالزمن الجميل،
وطالما نحن بنعرف نقيم المستوى، إذاً من الأجدى أي واحد شايف
انو الوضع تراجع يجتهد هو ويحاول يجيب المواضيع الجديدة المفيدة.

فالتغني على الزمن الماضي لا يجدي نفعاً،
ولكن نستفيد من الماضي ونحاول نأتي بمثله أو أفضل منه

4اكثر المواضيع سخافه ولمن وتعليقك

والله ما عارف لي موضوع سخيف.

5 عضو تحس بأنك بتكره كل حاجه فيهو

نهاااائي لا يوجد

6ماهى الأفكار التطوريه لمعتز

على ياتو صعيد؟!! وضح لي المرة الجاية، وبرد عليك إن شاء الله

7معتز متلحاتى ولى متلحنو وليه وعشان شنو

متلحاتي دي يا ربي تكون قاصدها بيها كدة مُتََّلِحَاتِي!

إن كان كذلك ولا متلح ولا متلحني

8 كيف ترى المنتدى فى المستقبل القريب

ح يكون في طفرة للأحسن إن شاء الله
لأنو فعلاً الأعضاء في الفترة دي مشغولين بإحداث تغيير
على سبيل المثال الأشيتر بيحاول يحدث تطوير لمنتدى الراكوبة،
وكذلك الأستاذ أحمد يس بحاول يفسح مجال لشيء جديد ، بغض النظر
عن هو منتدى الكبار أو شي تاني، المهم في مساعي عشان يأتي بجديد.

دة على سبيل المثال فقط في مساعي تانية من ناس تانين ح ترى النور بإذن الله

9 فتيات المنتدى المحببات اليك والأكثر قربا

حبوبة (حبوبة)
عجوز حلوة (ماي ليتل سيستر)

ديل لأني عرفتهم واتداخلت معاهم اكتر من مرة،

بس في تاني كتار أكن لهم كل احترام وتقدير بصمت

10 عقده فى الماضى أو الحاضر وسببها

العذوبية آن لها أن تترجل.


<><><><>


[fot1]مشكور [/fot1]يا قلب ، مستنيك تاني

[معتز سيد]

مرحبتين [fot1]صوفيا[/fot1] ،
والله يبارك فيك، وعقبال نبارك ليك في حاجة تتمنيها
ولقيتك كدة

اول سؤال رايك شنو في شباب وبنات المنتدى ( ما تجامل)

في انضباط واحترام متبادل بصورة عامة
أحياناً بتحصل تفلتتات أمنية، لكن الجميع
بيقيفوا ضدها وبتم السيطرة عليها

تاني سؤال انت هلالابي ولا مريخابي

ياخ ما تبالغي كيف يعني مريخابي

سؤال اخير انت حاسي بان المنتدى ده اضاف ليك شئ واذا اجابتك نعم ورينا اهم اضافه اضافها ليك منتدى انا سوداني

نعم أكيد في إضافة، أنا براقب آراء من هم أكبر مني عسى استفيد منها لي قدام
وآراء من هم في سني ، نقارن أوجه الشبه والخلاف.

وكذلك آراء الصغار واهتماماتهم، ومقارنتها مع المراحل
الأنا مريت بيها، برضو عسى استفيد
منها لي قدام في التربية مثلاً.

وتاني شئ احلى موضوع قريتو على الاطلاق في المنتدى وليه

افتح قلبك، لانو لأستاذنا أحمد يس يتمتع بأسلوب رائع في اختيار المواضيع
وفي طرحها بأسلوب سلس وبسيط
وهو -أي افتح قلبك - موضوع متنوع
يعني عبارة عن مجموعة من المواضيع ودروس مستمرة

يوميات عاذب لمجدي عكاشة، وإن كنت ما بفهم كل البكون قاصدو هو ككاتب،
لكن أسلوبو جميل وجاذب
ويفرض علي المتابعة.

اكتر عضو بتحب تقرا مواضيعو ف المنتدى

كتار جداً في أعضاء أي شي يكتبوه موضوع أو مشاركة بحب أتابع بصمت.

لكن بصراحة زينة لما تفتح موضوع في الحوار العام،
معناها الموضوع جدي جداً وخطير

وإن كنا غالباً بنقف متضادين بآرائنا، لكن دي الحتة البيميزها ويخليها محل تقدير خاص

احلى موضوع نزلو معتز ف المنتدى

والله السؤال دة برجعو ليك ، المرة الجاية لما تجي تسألي ردي عليهو في الأول.


ثانك يو [fot1]صوفيا[/fot1] فيري متش، سعيد جداً بتواجدك
منتظرك تاني، تعالي أردمي أسئلة (بدون تكرار)
حاولي تتحرفني في الأسئلة
عشان انا اعرف اتحرفن في الأجوبة

[مجدى عكاشه]

وانا اقول شامة لى ريحة حاجة جديدة وانا داخلة الراكوبة اتارى ابو السيد محاكم
معتز من اليوم ده ولحدى ماتنتهى محاكمتك اقراء المعوزتين ويس فى سرك عشان يدك ماتوجعك وكمان ياريت خت جنبك كباية عصير باردة وجاوب لينا بصراحة ودبلوماسية ذى ما بنقراء فى ردودك ومواضيعك بس معليش مجهزة ليك اسئلة كتيرة شوية لمن تقوول الروووب وكمان فى اسئلة ممكن تكون سطحية شوية لكن جاوب عليها ؟ ؟

بسم الله نبداء "احم احم " الدفعة الاولى من الاسئلة::

الوظيفة "ماذكرتها فى بطاقتك الشخصية ده تحقيق ومحاكم يازول لازم البيانات مكتملة"

/المراة فى حياة معتز ماذا تعنى(الام "دى جاوبتا عليها" (الاخت وشريكة الحياة والزميلة )كل واحدة براها ؟

2/هل خفق قلبك يوما ولم تجد تجاوب من الطرف الاخر؟

3/الجكس فى حياتك بصراحة "وانت فى الجامعة هل ارتبطت بعلاقة حب مع زميلة لك ؟

4/الحب هل تراه ضروريا عند الزواج وماهى مواصفات شريكة حياتك فى نقاط ؟

5/وماذا يحب معتز فى المراة وماذا يكره فيها؟

6/هل تابعت مسلسل تركى ورائيك فى رومانسية مهند التى تسببت فى طلاق البعض كما سمعنا وهل ساعدت فى تبريد قلب الرجل السودانى الحار كما يقال؟؟

7/وهل انت رومانسى تعبر عن مشاعرك بسهولة للطرف الاخر وهل فعلا الرومانسية بعد الزواج ليست بذات اهمية كما يراها الكثيرون وخاصة الرجل السودانى؟

8/اذا جاتك زميلتك او حتى قريبتك وقالت لك "احبك" واتمناك زوجا" ماهى ردة فعلك وهل تراها جراءة غير مقبولة ؟
9/ماهو هدفك فى الزواج والاسرة وهل الزواج المثالى اكذوبة ؟

10/هل تؤيد ام انت ضد تحديد النسل وليس التنظيم"؟

11/ بصفة عامة رائيك فى الزوجة السودانية وهل تراها باردة فى التعبير عن مشاعرها لشريكها "يعنى اقصد ان تنادى زوجها مثلاب "حبيبى ..حياتى ...الخ ؟

12/ومقولة "ضل راجل ولاضل حيطة" كيف تراها وهل انت معها "وهل تقبل لانسانة عزيزة عليك "اختك مثلا او قريبتك" ان فاتها قطار الزواج ان تقبل بضل راجل فقط هربا من قسوة العنوسة؟؟؟

13/التعدد وماادراك ماالتعدد "بعيدا عن الرائ الدينى "هل انت مع التعدد "زوجة واحدة لاتكفى " وان خفق قلبك يوما بعد زواجك لفتاة اخرى واغرمت بها هل ترى ان الزواج الثانى هو الحل؟

14/عادات الزواج فى السودان هل تراها مكلفة("حنة عروس وعريس وجرتق وفطور عرس رقيص عروس ...الخ ) وهل انت مع ليلة واحدة تكفى "اعنى الاكتفاء بليلة الزفاف فقط"؟

15/فى اختيارك لشريكة الحياة هل تحب ان تختار لك "الوالدة او الاخت مثلا "ام تفضل الاختيار الشخصى ولماذا

16/طلبات الرجال فى الزواج الان خاصة مع الفضائيات والانترنت"انتشار لغة الجسد" هل تراها سبب فى عنوسة بعض الفتيات "اعنى الجانب الشكلى للفتاة" وماهو الحل حسب ماترى "؟

17/كثرة الطلاق فى المجتمع السودانى عموما ماهى اسبابه من وجهة نظرك ؟

18/الصراحة التامة بين الشريكين بدون حدود كيف تراها انت ؟

19/هل تحس بضربات قلبك عندما ترى فتاة جميلة

20/فى سؤالك السابق لهوبة نفس السؤال
"ان اعترفت لك شريكة حياتك بانها تعرضت للاغتصاب فى طفولتها " ماهو ردة فعلك وهل ستستمر ان كانت صادقة معك وماهى اسباب كثرة جرائم اغتصاب الاطفال فى السودان كما تراها انت ؟

يلا خفف يدك عشان الدفعة الثانية اجهزها ليك":D :D :D :D :D :D "

:

رغم انى بحمل كامل المسئولية فى فقدان يوميات عاذب
لكن احيانآ الواحد ما بتهون عليهو العشرة ...

عشان كدة احب اقول ليك ان زينة دى نصبت ليك شرك عظيم من وراء الاسألة دى ...





ما تجاوب يا عمك واعمل رايح
البت دى انا ما عرفتها قاصدها شنو ...
لكن الاسألة كلها حايمة .. فى الحب والعرس ........!!!!

اسم اكل ساى ماجا فيها ...

عشان كدة شامى ريحة كمين فى الموضوع دة .......................!!

تك كير يا انت هههههه

[zaina]

رغم انى بحمل كامل المسئولية فى فقدان يوميات عاذب
لكن احيانآ الواحد ما بتهون عليهو العشرة ...

عشان كدة احب اقول ليك ان زينة دى نصبت ليك شرك عظيم من وراء الاسألة دى ...





ما تجاوب يا عمك واعمل رايح
البت دى انا ما عرفتها قاصدها شنو ...
لكن الاسألة كلها حايمة .. فى الحب والعرس ........!!!!

اسم اكل ساى ماجا فيها ...

عشان كدة شامى ريحة كمين فى الموضوع دة .......................!!

تك كير يا انت هههههه

[جيب اضانك ياود عكاشة اقول ليك
ده شرك بى جنزير يعنى ماشرك عادى بتاع يوميات عازب ولسه الجاى " يعنى مابيقدر يهرب:D :D :D :D :

يعنى معقولة معتز ده يجى يتحاكم ونخليهو يطلع ساكت ده لازم ابحتوا بحييييت وانكشوا نكش ونشوف المستخبئ "ياحليلك ياحبوبة ماحضرتى المحاكمة دى"

"وانتا يا نزار قبانى التانى ده الدور جايييييييييك بس الصبر كويس "بس احزر الشرك ده بس للعزابة يعنى لو قلبتا يوميات متزوج الشرك حيروح منك :D :D "

[معتز سيد]

أولاً: وقفة مع الانحناءة لجيتك لينا في هذا الركن من الأركان
نهارك سعيد جداً

ومشكور لكل ما جاء من كلمة ثناء في حقي

لي يا معتذ ما فكرت ان تكتب موضوع فكرى .. او سياسى .. او تحليلي ....!!؟

الإجابة على السؤال دة تتطلب الإفصاح عن التخصص، (اقتصاد بحت)
كان لي محاولة منذ سنتين للجلوس لامتحان القيد الصحفي ،
بس ظروف العمل دائماً يطيب لها الوقوف كعقبة في الطريق
والغرض من الخطوة دي اني آخد الخط بتاع التخصص في الكتابة

مريح بالنسبة لي لأن الكتابة في المال والأعمال ومتعلقاتها لا تتطلب القراية الكتيرة

أما السياسة دي هي من باب المتابعة فقط لما يجري من حولنا، وما بخوض فيها اكتر من كدة

هل بتخاف انك تكتب موضوع .. جادى جدا .. وتلقى قبول ضعيف جدا ..

كنت بفكر انشئ بوست يتناول أمور المال وما يشغل جيوب الناس،
ويكون مستمر بشكل يومي أو (كل يوميني:D )

ولتوقعي وتصوري انو ح يكون القبول ضعيف أو المشاركات يمكن تكون معدومة
عشان كدة بحاول اعملو بحيث يحتمل المداخلات ، ويمكن أن يستمر بدونها

الفكرة جارية...

هل بتحب الاضواء .. الشهرة يعنى ...........؟؟

ما جربتها والله

وهل بتخاف قبل ما تقدم على اى حركة ... !!؟
والى ياتو مدى خوفك .. وهل بأستطاعة خوفك ان يمنعك من الخطوة الجاية .......!!؟

بخاف خوف منطقي ... ممكن أقول للمدى البخليني أفكر جيداً قبل الإقدام على الخطوة

الخوف إذا منعني من الخطوة الجاية ، دي معناها خطيرة جداً
ونسبة النجاح فيها ضئيلة أو تكاد تكون أقرب للمعدومة.


شرفتنا كتير والله ونورتنا يا [fot1]شاب[/fot1]
مسموح ليك بالأسئلة مرة أخرى
كيفما تشاء ووقتما تشاء

[معتز سيد]

أولاً ترحيب كبير يليق بمكانتك أختنا [fot1]Zaina[/fot1]

آسف جداً بعد رفعت الرد ، لقيت الترحيب طار وين ما عارف

منورة نور خاص ومُشرِّفة

الوظيفة "ماذكرتها فى بطاقتك الشخصية ده تحقيق ومحاكم يازول لازم البيانات مكتملة"

الوظيفة : رجل أعمال ههه
مكتب خاص أديرو بنفسي (في مجال الكمبيوتر) - رجل أعمال دي وهمة ساكت مكتب قدر حالنا
وبناءً عليه الوظيفة تحتمل كل المسميات الوظيفية في المنشأة من إدارة مروراً بالتسويق وأحياناً عامل نظافة (كل يوم جمعة أو سبت )

/المراة فى حياة معتز ماذا تعنى(الام "دى جاوبتا عليها" (الاخت وشريكة الحياة والزميلة )كل واحدة براها ؟

ما عندي أخوات عشان كدة الزميلة بالنسبة لي أخت (كدة انتهيت من تلاتة إجابات)
شريكة الحياة هي النصف الآخر ، من ستكمل معي ما تبقى من عمر
حتى يتوفانا الله إلى رحمته (على قول مجدي )

2/هل خفق قلبك يوما ولم تجد تجاوب من الطرف الاخر؟

نعم في الجامعة

3/الجكس فى حياتك بصراحة "وانت فى الجامعة هل ارتبطت بعلاقة حب مع زميلة لك ؟

نعم ، كالعادة في حداثة السن ، حب غير محسوب العواقب سريع الذوبان

4/الحب هل تراه ضروريا عند الزواج وماهى مواصفات شريكة حياتك فى نقاط ؟

من وجهة نظري عند الزواج اذا كانت قلوب الطرفين خالية تماماً من أي حب آخر،
ح ينشأ بينهم حب حتماً ، وموعودين بعلاقة زوجية قوية

مواصفات شريكة الحياة تكون ذات دين وخلق وجمال باهر وكمية من المال ههه

سؤال يحتمل حاجات كتيرة بس ح اكتفي ليك بأهم شي التوافق ،
طبعاً مافي 100% لكن تكون نسبة مقدرة تتعدى الـ 65%
والـ 35% الباقية نخليها عشان نختلف بيها من حين لآخر

5/وماذا يحب معتز فى المراة وماذا يكره فيها؟

يحب في المرأة الحياء،
وما يحب فيها -إذا كان فيها- محاولة إخفاء الحقائق في المواضيع المهمة والحساسة

6/هل تابعت مسلسل تركى ورائيك فى رومانسية مهند التى تسببت فى طلاق البعض كما سمعنا وهل ساعدت فى تبريد قلب الرجل السودانى الحار كما يقال؟؟

ما تابعت أي مسلسل تركي، بس شفت مسلسل مكسيكي اعتقد انو التركي ح يكون شبيه ليه

وعشان كدة ما بقدر احكم عن رومانسية مهند
وكمان عن قلب الرجل السوداني ما عارف لانو دة بكون خلف الكواليس طبعاً
أما حالات الطلاق، سمعنا عنها بس، لكن من حولنا الناس تابعت المسلسل وكل
الزيجات في أمان الله ما في مشاكل بسبب المسلسل في الظاهر أمامنا،

أما إذا كان دار في خلوتهم بينهم -ولو نقاش- بسبب المسلسل ... الله أعلم

7/وهل انت رومانسى تعبر عن مشاعرك بسهولة للطرف الاخر وهل فعلا الرومانسية بعد الزواج ليست بذات اهمية كما يراها الكثيرون وخاصة الرجل السودانى؟

أُعَبِّر بطريقة إيحائية بدءاً.. وإذا في تجاوب أو تقبل بعداك نشوف الباقي

الرومانسية بعد الزواج مهمة جداً بالنسبة للاتنين الرجل والمرأة
حتى إذا حسوا ببعض الجمود، لازم يحاولوا يجدوا حلول في إطارهم
وعدم البحث عن الرومانسية في مكان آخر

8/اذا جاتك زميلتك او حتى قريبتك وقالت لك "احبك" واتمناك زوجا" ماهى ردة فعلك وهل تراها جراءة غير مقبولة ؟
:

ما ح اتسرع في الحكم عليها بالجرأة ، فكل انسان وليهو طريقتو
بس ح اقيف واتأمل وأشوف هل الجرأة والصراحة ديل طبع فيها ونشأت عليه
أم مكتسب، إذا كان مكتسب معناها هي خبرة ودي مشكلة طبعاً.

9/ماهو هدفك فى الزواج والاسرة وهل الزواج المثالى اكذوبة ؟

انا نبهت لعدم تكرار الأسئلة، دة ما تكرار مباشر لكن تكرار مبطن
الإجابات الفاتت فيها إجابة عن الزواج والأسرة،

أما الزواج المثالي، الزوجين مع بعض في يدهم يخلقوا المثالية أو يفقدوها

10/هل تؤيد ام انت ضد تحديد النسل وليس التنظيم"؟

ضد تحديد النسل ،
يمكن الاكتفاء فقط بالتوعية لدواعي تحديد النسل، (إذا كان لا بد منه)
ولكن ضد وضع قوانين تحد ، ولا إجراءات رسمية تشجع ،
ففي بلدان ما بنلقى قوانين تحد، لكن بكون في زي رسوم زيادة على شهادة الميلاد
لكل مولود جديد (زي عداد الكهرباء عندنا)

11/ بصفة عامة رائيك فى الزوجة السودانية وهل تراها باردة فى التعبير عن مشاعرها لشريكها "يعنى اقصد ان تنادى زوجها مثلاب "حبيبى ..حياتى ...الخ ؟

حقيقي يا زينة ايوة نعم بنعرف المتزوجين وبنشوف تعاملهم مع بعض أمام الناس كيف
لكن وهم في بيوتهم بيتعاملوا مع بعض كيف ...!!!! ما بقدر أحكم

"حبيبي...حياتي...الخ"
الكلمات دي ممكن تحمل معنى حقيقي وإحساس،
وممكن تتقال كتعويدة أو اصطناع.

12/ومقولة "ضل راجل ولاضل حيطة" كيف تراها وهل انت معها "وهل تقبل لانسانة عزيزة عليك "اختك مثلا او قريبتك" ان فاتها قطار الزواج ان تقبل بضل راجل فقط هربا من قسوة العنوسة؟؟؟

وضحي لي ضل راجل دي كيف، يعني مالو؟!!!

13/التعدد وماادراك ماالتعدد "بعيدا عن الرائ الدينى "هل انت مع التعدد "زوجة واحدة لاتكفى " وان خفق قلبك يوما بعد زواجك لفتاة اخرى واغرمت بها هل ترى ان الزواج الثانى هو الحل؟

أنا ضد الزواج الثاني ... بالنسبة لي طبعاً،
حتى من ناحية الدين إذا انتبهنا للتحذير من عدم العدل هو موضوع صعب،
وأخشى انو الناس ما بتفهم خطورة وضع أنفسهم أمام الله في مسئولية العدل

أما إذا خفق قلبي لفتاة أخرى،
ما بخليهو يخفق لفتاة أخرى، حتى إذا شعرت بشي، لازم أتغلب على الوضع سريع
مهما كانت صعوبة التغلب عليهو.

14/عادات الزواج فى السودان هل تراها مكلفة("حنة عروس وعريس وجرتق وفطور عرس رقيص عروس ...الخ ) وهل انت مع ليلة واحدة تكفى "اعنى الاكتفاء بليلة الزفاف فقط"؟

باختصار شديد ومن الآخر وبدون لف ودوران

أنا من ناس الغداء والعقد بس، حفلة ذاتو ماف

وإن كان الأهل ملتزمين بكل العادات أعلاه

15/فى اختيارك لشريكة الحياة هل تحب ان تختار لك "الوالدة او الاخت مثلا "ام تفضل الاختيار الشخصى ولماذا

الاختيار الشخصي طبعاً،
في حاجات في الدواخل ما ممكن البوح بها علناً للوالدة
بس ممكن ترشح لي، وتديني فرصة أشوف الحاجات دي براي

16/طلبات الرجال فى الزواج الان خاصة مع الفضائيات والانترنت"انتشار لغة الجسد" هل تراها سبب فى عنوسة بعض الفتيات "اعنى الجانب الشكلى للفتاة" وماهو الحل حسب ماترى "؟

منتظرك توضحي السؤال دة شوية

17/كثرة الطلاق فى المجتمع السودانى عموما ماهى اسبابه من وجهة نظرك ؟

إلا أشوف إحصائية أو على الأقل دراسة بحثية جامعية (حديثة)
عشان أقدر أحكم وأدلي برأي

أما استطلاعات الصحف والمجلات أشك في أمرها ،
ما بكونوا موفقين في اختيار العينة بأسس إحصائية علمية سليمة

18/الصراحة التامة بين الشريكين بدون حدود كيف تراها انت ؟

أهم شي على الإطلاق ، وبدون كلام كتير وتفصيل ممل
أهم شي وكفى

19/هل تحس بضربات قلبك عندما ترى فتاة جميلة

من قريب ولا من بعيد؟!!
لكن عشان ما تعتبريني بتهرب من السؤال: أنا بشر، إنسان يعني

20/فى سؤالك السابق لهوبة نفس السؤال
"ان اعترفت لك شريكة حياتك بانها تعرضت للاغتصاب فى طفولتها " ماهو ردة فعلك وهل ستستمر ان كانت صادقة معك وماهى اسباب كثرة جرائم اغتصاب الاطفال فى السودان كما تراها انت ؟

عن سؤال أختنا هوبة ، الفتاة أخفت ذلك في بادئ الأمر

وفي الحقيقة ما عندي مشكلة إذا كانت فعلاً مغتصبة
فقط إذا كنت متأكد من ذلك ومقتنع 100%

أما إذا كان الموضوع مخفي، وتم المصارحة به فيما بعد
هنا ح تكون في وقفة (ليه الصراحة ما جات من الأول؟!!!)


[fot1]Zaina[/fot1] أشكرك بحرارة
وانتي على علم تام أنا أستمتع بالمثول أمام رأيك الدائماً ضدي

فما تحرمينا أسئلتك،
فقط حاولي تتحري الوضوح في الأسئلة البتحتمل اكتر من معنى
وخليهم عشرة عشرة ، عشان العشرين دي بتجي على حساب التركيز في الأسئلة وفي الردود

[fot1]منتظرك ... في أمان الله[/fot1] ...

[معتز سيد]

اسم اكل ساى ماجا فيها ...

عشان كدة شامى ريحة كمين فى الموضوع دة .......................!!

تك كير يا انت هههههه

يا مان ، ما توصي حريص

أخوك مُفتِّح ، فاهم اللعب كويس

[kholoud]

السلام عليكم
أخ معتز الاشيتر قال الناس ديل ما عاصرنك


أنا بعصرك يا أخوي


* الليله غداكم كان شنو بكره علشان نكون عارفين من أسي ؟

* اللون الأبيض بيمثل منو في حياتك ؟

* عرف ما يلي ( الوفاء * الغدر * الولاء * الصداقه الحقيقيه ) ؟

* نعم أو لا ( ممكن تقلب يوم مريخابي ) ؟

وشكرااااا

[معتز سيد]

حبابك ألف [fot1]الأشيتر[/fot1] ،

مش قلت ليك

مُعتز والسياسة الامريكيه
يُقال ان امريكا يحكمها الشيطان وكل من وصل البيت الابيض كان من عبدته - حتي الشائعه تقول ان بالبيت الابيض قبو لي عبادته . هل تؤيد ام تنفي هذا الكلام ؟

الشيطان والعياذ بالله موجود في كل مكان، إلى يوم البعث (( قَالَ أَنظِرْنِي إِلَى يَوْمِ يُبْعَثُونَ. قَالَ إِنَّكَ مِنَ الْمُنظَرِينَ))
وبني اسرائيل مع تفضيل ربنا سبحانه وتعالى ليهم، إلا كانوا من أشد الناس استجابةً للشيطان وجحودهم لنعمة الله عليهم (يَا بَنِي إِسْرَائِيلَ اذْكُرُوا نِعْمَتِيَ الَّتِي أَنْعَمْتُ عَلَيْكُمْ وَأَنِّي فَضَّلْتُكُمْ عَلَى الْعَالَمِينَ).
وما زالوا في نعيم وما زالوا في جحودهم، وهم مسيطرين على الولايات المتحدة القوى العظمى بطريقة أو بأخرى وبالتالي مسيطرين على القرارات التي تصدر من جميع الهيئات الدولية من مجلس أمن ومحكمة عدل وما إلى ذلك.
والصراع مع الشيطان وبني اسرائيل ح يكون ليوم البعث.

والشيطان والعياذ بالله موجود مش في الولايات المتحدة بس، في كل الدنيا وبينا نحن كعرب ومسلمين.

مُعتز دائماً الفنانين لايكرموا الا بعد موتهم وهذه ليست في السودان فقط حتى دافنشي والموناليزا لم يُعرف دافنشي وهو حي ؟ هل ان كنت في مكان المسئوليه تقدر الفن والفنان قبل موته ؟

مفروض جهة أعلى من الوزارات تضع خطة لكل الوزارات لتكشف المبرزين وفق أسس وضوابط معينة توضع بواسطة خبراء،
يعني مش الأدب والفن فقط، إذا في اختراع، بحث علمي، ....
كل الوزارات تقوم بتقديم ما لديها بصورة دورية.

وتُحدد طريقة التكريم أيضاً بضوابط معينة مثلاً التكريم ح يكون كيف
معنوي أوسمة، إعلامي، أو استحقاق مادي معين تتكفل به الحكومة مثلاً أراضي سكنية علاج مجاني..الخ.

يعني بلوائح وقوانين بدلاً عن ترك الأمر لاجتهادات فردية من بعض الجهات مثلاً التلفزيون القومي
أوالروابط والجمعيات، أو الجامعات في تقديم درجات الدكتوراة الفخرية

مُعتز السيد المعلقات السبعه - هل هي فقط سبعه - ام غيرهم قال شعراً افضل منهم - الا تعتبر ما قاله
المرحوم فراج الطيب في المربد - قصيدة دار السلام -

افي صحو انا ام في انام

احقاً هذه هي دار السلام

هي تساوي هذه المعلقات ؟

والله يا الأشيتر، المعلقات السبع لم أطلع عليها
وما مرت علي في مرحلة الثانوي (تم إلغاؤها من المقرر)

ولكن متذكر مقولة منسوبة للبروفيسور عبد الله الطيب رحمة الله عليه،
أن المتنبي أشعر العرب على الإطلاق
وأنا أثق في اختيار البروفيسور رحمة الله عليه.

فراج الطيب رحمة الله عليه، لم أطلع على ما كتب،
إلا من خلال برنامجه الإذاعي الشهير (لسان العرب)
ومرة واحدة حلقة تلفزيونية مسجلة للتلفزيون السوري على ما أظن.

بالتالي ما من حقي أقارن وأحكم بين المعلقات السبع وما كتب الراحل فراج الطيب

معتز اشك في ان عاشقة توتيل هي روضه الحاج هل يساورك هذا الشك ؟

أولاً تحية للقلم الرائع عاشقة توتيل

عاشقة توتيل وروضة الحاج يجمعهما عشق القاش وتوتيل،
أما الأسلوب فلكل أسلوب يختلف عن الآخر.

ومرة تانية تحية مع احترام لعاشقة توتيل بقدر روعتها

معتز دائماً في جدل حواري جيد مع مجدي عكاشه و الاستاذ احمد يسن ؟ هل تفتكر ان متابعات هؤلا نقدر ان نسميها الكنز ؟

نعم أكيد وفي تاني غيرهم

معتز سؤال بالجنبه التانيه حاسي بأنك معصور من ناس الراكوبه ولا نعمل ليك اعلان تاني بتاع تحدي ؟

السؤال دة انت ما محتاج اجابة لأنك فعلاً عملت الإعلان من الصباح

ثانك يو [fot1]الأشيتر[/fot1] ، شكراً كميات، عندك تاني أسئلة ولا كدة خلاص؟

[zaina]

يا مان ، ما توصي حريص

أخوك مُفتِّح ، فاهم اللعب كويس

"كدة ياود عكاشة تفركش لى الخطة خسارة الاخوة :D :D :D

[zaina]

ابو السيد نهارك سعيد:
نخش فى السياسة شوية بعد الشاكوش بتاعك :

معتز والسياسة
1/ماهو رائيك الشخصى فى سبب التمرد على الحكام "الحركات المتمردة" وماهو سبب ازمة دارفور من وجهة نظرك؟
2/هل المؤتمر الوطنى جديرا بفترة رئاسية ثانية "ياريت رائيك بصراحة"؟

3/وهل هنالك حزب اخر غير المؤتمر الوطنى تراه يصلح للحكم وهل لديك ميول حزبية ؟

4/التفكك الحزبى فى السودان هل هو دليل عدم وجود ديمقراطية فى البلاد وان كانت الاجابة بلا ماهى الاسباب حسب ماتراه؟

5/بعد الانشقاقات الكثيرة فى حزب الامة والوجود الاسرى الطاغى لال المهدى فى الحزب هل تراه جدير بان يحكم البلاد؟

6/الوحدة ام الانفصال ايهما اكثر جاذبية بالنسبة للسودان "بصراحة رائيك انت"؟

7/ترشيح الدكتور عبدالله على ابراهيم لرئاسة الجمهورية هل تراه ربما يكون افضل حالا من احزابنا الهشة ؟

8/مصافحة شيخ الازهر للرئيس الاسرائيلى فى مؤتمر حوار الاديان والاستنكار الذى وجده بصراحة رائيك فى المصافحة وهل تستحق فعلا كل هذا الاستنكار؟؟؟؟

9/المحاكم الاسلامية فى الصومال والرجوع الى عهد الاسلام الاول كيف ترى ذلك؟