حلمنتيشيات ود الزوحي

[willy]

سلمت يداك ود الزوحى
تقبل مروروى

[ودعازة]

ياهى الحكاية ونفس الرواية
اتنين يحلمو بالعديل
وهب شليل مايتلقى بليل ضليم
واكيد هنايا ما تتلقى
ويقعد هناى فى جرستو
يلك الرواية بصوت هزيم
معقول كدا معقول تطير!!؟
ايوا بتطير
ياالقضيتا ونسة وحب عظيم
نسيت الزمن لافى حولك
وقايلا المراد برجاك كتير
ايو بتطير
يامنشول قبيل بقيفة البحر
مابين محبة وبين زعل
ياالنسجتا مليون بيت خيال
ورحت تسمى فى العيال
ومنو البشجع معاى هلال
وسحرت بت عز الرجال
وسرحتا انتا بلحظتك
وينو الشليل؟شليل وين راح؟
شليل ماراح لاهو انخطف
لكنو ملا الانتظار
اعياو تعب
من احلام ظلوط وكتر الوعود
رحل و اغترب
ونسيت كمان الحفلة ديك؟
لمن شليل ضو المكان
كمل هجيجو مع الخلان
والكل سعيد عاش الطرب
نسيت قوام
ووينوشليل؟
اشلشل راسك المنحوس
فوق يا هبيل شليل انتفض
بعد ما ارتعب

هو البطير

[ود الزوحي]

عازة الفراق بي طال .. نورت يا ابو العز .. الله لا جاب طيران يا خوي

[ود الزوحي]

ناس الحلة حبابكم .. جيت بجاي ..

حالتك بقت بالبلا
يالماخالة بدره محلها
وشك .. خدودك ..
كل حتة ملونة
عندك شنو
طوالي ديمة ممسحة
بدري الصباح .. آخر النهار
والدنيا برضو مقيلة
وريني بس يااااا جلبطة
اخرك شنو
عندك نهاية محددة
والا الحكاية معاندة
خليك من قش المعلقة
ده حكاية ما مستاهلة
ولو كان في حل للمسألة
ما كان بقيتي مجهجة
وشك براه..إيديك كمان
في كل حتة مبرقعة
وده الحالة ليك كم سنة
خليك من شغل الجلبطة
أنا عندي ليك حل للمسألة
لونك براه بي سمرتو
في الدنيا مافي حاجة بتشبهو
وانا مابدور اجرح كرامتك ابهدلا
بس صعبان علي شوفتك كده
وعشان هو اصلك بت بلد
سودانية راقية مؤصلة
والشينة فيك ما بقبلا
حبيت أوضح للمسألة
خليكي من شغل الجلبطة
والحالة جد ما مستاهلة

[حبوبة]

ناس الحلة حبابكم .. جيت بجاي ..

حالتك بقت بالبلا
يالماخالة بدره محلها
وشك .. خدودك ..
كل حتة ملونة
عندك شنو
طوالي ديمة ممسحة
بدري الصباح .. آخر النهار
والدنيا برضو مقيلة
وريني بس يااااا جلبطة
اخرك شنو
عندك نهاية محددة
والا الحكاية معاندة
وعشان هو اصلك بت بلد
سودانية راقية مؤصلة
والشينة فيك ما بقبلا
حبيت أوضح للمسألة
خليكي من شغل الجلبطة
والحالة جد ما مستاهلة

رهيبة يا زحزوحتي ياعجيييب
ومادايرااالها تعقيب

[ود الزوحي]

سلمت يا احلى حبوبة .. منتظرين جديدك

اتشرفنا بمرورك

[ود الزوحي]

الحلمنتيشاب .. ده حاجة كده بعيد عن المألوف ... مع الاحترام لي لعيبتنا .. ناس هلال ومريخ

هررررررررردرب


قالو الكورة فن ودلال
وانا لا مريخ بيعجبني
ولا انشا الله حتى هلال
علاقة الكورة بالاتنين
غادي هناك .. وفايتة تلال
لا مريخ بجيب ليهو كاس
ولا لو ختو فيهو هلال
ماشافو الكورة برا هناك
ناس زيدان وليل تورام
متين يا الله نلقى الحل
ونلقى فريق يكون حلال
بدال حس البلد ينشال
وفوزنا كمان بقالنا محال
نجيب حراس ونفس الحال
تشوت ليه يمين يجيك شمال
متين يا الله يهدى البال
ونلحق نحن ناس ميلان
حنقعد لسه في مريخ معاه هلال
حرام يا ناس
مرضنا خلاص وجانا زلال[/font]

[تنبش]

تسلم على البوست الرائع
ويديك الف عافيه
ويخليك يارب
طبعا ما عارفه اقول شنو يا ود الزوحي
لكن حجي يوم واقول
تقبل مروري
لك التحيه والود
اهااااااا
تحياتي لي فرقتك الحلمنتيشيه
وخلي الزقاقات
سلام

[ود الزوحي]

تسلم على البوست الرائع
ويديك الف عافيه
ويخليك يارب
طبعا ما عارفه اقول شنو يا ود الزوحي
لكن حجي يوم واقول
تقبل مروري
لك التحيه والود
اهااااااا
تحياتي لي فرقتك الحلمنتيشيه
وخلي الزقاقات
سلام

سلام لايق على زولا وقف لحظة .. يعبر لي عن فكرة .. بقت جواى ليه ذكرى

[ابو ايووودي]

[align=center]حليل كورتنا زمااااااااان ..............
ناس قاقرين وصديق منزول ووهبه وسبت دودو وحتى المرحوم سامي عزالدين كمان وكمان
كانوا يلعبوا الكورة بدون قرش ولا مليم ....... عندهم غيرة وللشعار حاااااااابين
قالوا ناس الوالي والارباب .......... يجيبوا لعيبة محترفين
كل يوم نسمع في الصحف ............ ناس فلان جاااااااايين
وفي نهاية الموسم نسمع ........ نسمع ناس هناي ماااااشيين
طيب الحكاية شنو ....... لا شفنا كاسات ولا طيش الدوري لاحقين
ليه نرفع ضغطتنا ونفور دمنا ..... وناااااااااس برشلونة موجودييييين

لك التحية والتقدير الحلمنتيشي المبدع دوما
ود الزوحي[/align][/color]

[حبوبة]

[quote="ود الزوحي"][align=center]التحية لك حبوبة .. مشكورة ع المرور الموثق ..

هسع بقيت ابو الولد البي وراي
يالجارية سنتين بوراي
ماكنت عارفة المعاي
مرتين والتالتة ما بتقدر بلاي
وانت البراك جبت الكلام
كل يوم عايدة السؤال
اها يا ابو العيال
مافي نية تكوس للحلال
هسع بقيت ابو للعيال
ما انت البراك جبت السؤال
انا كان للولاد قادر و ود رجال
وماااااااا بغلبني المحال
خليك انتي جارية ورا الرجال
لا لاقية شاب
ولا راجل ابو للعيال[/align][/quote]

ود الزوحي خسمتك بالرسول
ماخدن تلاتة !! هسي انت ماك مخبول
اتاريك ديمة سرحان وشبه المسطول
عينيك مضبلنة وجسمك منحول
وسيرتك وسط الحلة انك كسول
النسوان الما بعرفنك بقولو مهبول
وانا كنت دايما بعيب البلول
ما قايلاك متلت فوقها القيد
تستااااهل البسونو فوقك يا البعيد
وبتدور تربع بي انا بت ام وريد
بعد القلتو تاني بتدور ليك مزيد
حقي خليتو علي التلاتة يا ابو الريد
ال يعصرنك لمن تجيب الزيت

بالجنبة .. قلبي عندك يا وليد[/color][/font]

[ود الزوحي]

حبوبة يا م وريد مبااااااااالغة ..تسلمي

[ود الزوحي]

[align=center]اي زول مرتو بتاعت هناي .. يجي تحت

انا حالتي بقت معاك في جهجهة
كل ما أقول عقلت
ألقاك لسه معصلجة
أجي كل يوم
من الدوام وش المسا
ألقاك ديمة متكلة
كاوية الشعر ماسحة الكريم
والقعدة ياها محلها
لا شايلة هم للجاك ده .. لا أي شي
وطوالي قاعدة محننة
وأنا شن بدور بوحدة قاعدة محلها
داير ليا وحدة عاقلة مجيهة
هو العرس عندك رقاد
قعدة سرير
حنة الصباح .. وآخر المسا المنكير
يابت خلاص غلطك كتير
والمركب معاك كده ما بتسير
والمني غيرك كان زمان
شاف وحدة تانية وعرسه
أحسن تفوقي من العليك
وتشوفي حالتا أقبلا
نفسي الصباح ألقاك معاي
جايبة الحليب ومعاه عيشة أقرضا
وآخر النهار تجي بالغدا
حلة ملاح انشا الله بصلة محمرة
دايرك كده .. سودانية واعدة مؤصلة
وانا حبي ليك ما بشتريه
ما أصلو ساكن في الحشا
وانت البراك عارفة العلي
مقتول متيم بالهوى
وعاشق أصيل
سوداني راقي وود بلد
والشينة فيك ما بقبلا[/align][/font]

[مان المان]

رائع ياود الزوحي......
لكن واضح انو مع الازمات الحاصلة الايام دي الرفوف حتكتر....
تقبل مروري....

[ود الزوحي]

مان المان حبابك .. بمناسبة الرفوف جهز ليك كده كم رف عشان العيد وكده

[ابو ايووودي]

[align=center]قالوا راجل المرة حلو ...................... حلا
شاب وسيم راكب همر ............................ وخاتي الخصل
لابس بدل ..... ......ابيض حليو....................... زي العسل
آخر الزمن ............................. شوفوا البنات جارين وراء
كيف ما يجرو وراء زول غنيان .... راكب همر وخاتي الخصل
اصلو الشباب جالسين عطالة ............... لا شغل ولا مشغلة
من ضل الى ضل .... ما لاقين حق الصعوط يا فلان جيب سفة
سفة شنو .................. قوم يا زول شوف ليك وحده تجكسة
صحي نسيت .................................. منو دي البتقبل بيك
دي ما مشكلة .................... ...............اها الحاصل شنو
بت فلان اليومين ديل ........................... حركاتها كترت
كل يوم طالعة مكبرتة ومتريحة .... ووو .............. متحننة
الحاصل شنو ............. شافت منو ................. وليه شنو
بسمع كتير في الحفلات والقعدات ................... تسمع شنو
راجل المرة دا حلو .......................................... حلا


آخر الزمن حتى راجل المرة ما عاوزين تريحوا[/align]

دايرين المزيد يا ود الزوحي [/color]

[ودعازة]

اتنين متشاكلين بت وولد..

الشاب قال ليها:
شوف الوقفة وغزت كوعا
هاى يازولا اقيفى حداك
صلحى التفة اعدلى الوقفة
عاملا تتى ولا هاماك؟
والله الزولا تقول مجنونة
ماناقصا غير التمباك
لسانك فالت عايزلو كفة
هداك الترزى هو برجاك
ردت الشابة:
مالك انتا ومال الوقفة
اقيف ولا اقعد ليه بتتحشر؟؟
كان للتفة سبيبا منعم
مازى راسك الكلو منقر
ده فلفل دا ولا عيشريف
عايزلو منقد معاهو البنبر
وكان للجن فضلة خيرك
شوية كمان تقوم تتجنزر
تمباكك ده بتعرفو براك
مكرطم خشمك الديما معمر
يخسى عليك مابتشوف
قمرنا انا سبحان من صور
ياقردن اعور يااب نطيط
ناس الzoo معاك تتصور
وكان للترزى هو البرجاك
يغطى شناتك وقبح المنظر
تعبت الترزى شال الهم
كيفن يدسك والله اتحير
انا الفلسانة يادير سلفة
تشرب الشاى بدون السكر
قام رد الشاب:

استغفرى ربك يا الشكالة
خلقت ربك ما عيبانا
الكلام الروح ماالبرواز
وعيابة الشكل ما هامانا
العيب البهدلة والتنكيش
ولوى البوز يااللاكا لبانا
شين درابك والتفليق
لسانك اشتر ياالفلسانا
عدمتى المنطق والتفكير
خوفتى الناس ياالهجاما
يقولو يا ساتر يالطيف
ومحمد جانا وما تخطانا
نسيتى المحضر والتوقيف
لما فلقتى المرة العدمانا
حيرتى القاضى والضباط
مالماك الا العسكرمعاو جبخانا
طاقم الماحى غلبو القول
كل سلوكك مكشوفا عريانا
وكان للسلفة عرفت الفيك
سويسرا شنو البتعرفى مكانا
حنكك بيش بيهو عباطة
ماالتزكرة بتجيك ياالخرفانا
الترزى هداك لسة راجيك
يكفكف شرك يزيح بلوانا

[ود الزوحي]

ودعازة ياروعة حلاة الشكلة وانت معانا .. اوعك تاني تختانا

[ودعازة]

ودعازة ياروعة حلاة الشكلة وانت معانا .. اوعك تاني تختانا

ود الزوحى وين اختاك ؟
والروعة فى طبعك وفى الحلويين
هلك عرقوب من التفتيش
يلاقى الناس سنين وسنين
تكون اللمة خفيفة مفيدة
بين الحكما والشمشارين
مالذيذة الدنيا بالتنويع
ومافى امتع من التلوين
وكُدرىّ اعلنو للحاضرين
والله نضهب وماطالعين
تقول لى تانى مااختاك
حلاتك انتا يالمسكين

[ود الزوحي]

ود الزوحى وين اختاك ؟
والروعة فى طبعك وفى الحلويين
هلك عرقوب من التفتيش
يلاقى الناس سنين وسنين
تكون اللمة خفيفة مفيدة
بين الحكما والشمشارين
مالذيذة الدنيا بالتنويع
ومافى امتع من التلوين
وكُدرىّ اعلنو للحاضرين
والله نضهب وماطالعين
تقول لى تانى مااختاك
حلاتك انتا يالمسكين

حلاتي بلاك مابتكمل
وياعازة الفراق طول
حلاة الصفحة بيك أجمل
وبلاك القعدة ما بتكمل
واريتك تاني ما ترحل