اللهجة الجديدة المكتسبة لأبناء المغتربين عموماً

[mohammad]

اشكرك انك فتحت هذا الموضوع فعلا موضوع رائع

[نسويه]

السلام عليكم
والله موضوعك عجبني شديد تسلم اخونا ابو عمر الله يديك العافيه
اناكمان مغتربا في دولة قطر وبتكلم خليجي وسوداني
اما في البيت بنتكلم بي لغتنا السودانيا وبندخل كلمات خليجيه شويه اتعودنا على كدا
بس بفهم بي اللغه السودانية
تحياتي الى الجميع

[دلوعة و لن أتنازل]

[font=Comic Sans MS]أنا باختصار بقول البقعدوا يتكلموا بلهجة البلد الهم فيه هبل بكل معنى الكلمة و خصوصا البقعدوا يتكلموا خليجي اللهجة الما بتفهم منها حاجة عشان كلها ج و ش[/font]

[ثمار دمي]

مشكور اخي علي الموضوع الجميل والمشكلة لاتكمن في ابناء المغتربين
المشكلة من الاسرة هي التي تربي وهي المسوؤلة عن طرح الثقافة واللغة
السودانية داخل المنزل .
ودمت بخير ..

[بسمة الحياة]

لك التحية اخي
في بعض المغتربين بتكلمو بي لهجة البلد العايشين فيها يمكن عشان اتعودو عليها يعني ما معقول تكون عايش عمرك كلو في بلد وما تتاثر بلهجة
طبعا الواحد بتاثر بيها لكن ما يخليها لهجتو الاصلية
وطبعا الاهل ليهم اثر كمان مفروض الاهل يزرعو في ابنائهم الانتماء للوطن
وما ننكر انو اللهجة السوداني لهجة صعبة وما كل زول بفهمة ويمكن ده برجع الى سرعتنا في الكلام
انا عن نفسي بتكلم لهجة سودانية محسنة مع اي شعب غير السعوديين اهل البلد الانا عايشة فيهو
انا بحاول اخليهم يتعودو على اللهجة السودانية واديهم فكرة جديدة انو اللهجة السودانية ما صعبة وحتى بعض صاحباتي من جنسيات غير سودانية بقو يدخلو في كلامهم بعض الكلمات السودانية
وما بخجل ابدا من لهجتي بالعكس بفتخر بيها
وفي الاخير لازم نتزكر انو نحن سودانيين يعني لو عملنا اي شي من تغيير لهجة او شكل او اي شي نحن في النهاية سودانيين

ودمتم في حفظ الله

[عابده مرغنى عبدالله]

التحية لك أخي ابو عمر

بالنسبة للموضوع الطرحته انا من وجهة نظري انو انت بما إنك زول مغترب أكيد حتختلط بناس من جنسيات تانية فالسودانيين العايشين ما بتجاهلو لغتم بل بالعكس هو اصلا طالع ليه عشان يكون نفسو والا عشان ينقل ثقافة بلده .

الواحد فينا مضطر كمغترب إنو يوصل معلومة لزول معين من جنسية مختلفة بالصورة البقدر بفهما الزول التاني والشغلانة ما شغلانة ثقافة وتجاهل للهوية بالعكس انا لو أدوني قروش الدنيا كلها عشان أغير جنسيتي حرفض طبعا.

لذلك انا هنا بلتمس العذر لكل سوداني مغترب خارج البلاد عشان يجد لنفسو حياة كريمة في انو يشارك الناس حياتهم باللغة الهم بفهموها.

و اخيرا انا بقول من عاشر قوما اربعين يوما صار منهم فما بالك يا اخي بالزول العاشر ناس سنين .

تقبل مروري

تحيااااااااتي

والله يا ود الزوحي كلامك صح
احييييييييييييييك علي كلامك

[عابده مرغنى عبدالله]

[font=Comic Sans MS]أنا باختصار بقول البقعدوا يتكلموا بلهجة البلد الهم فيه هبل بكل معنى الكلمة و خصوصا البقعدوا يتكلموا خليجي اللهجة الما بتفهم منها حاجة عشان كلها ج و ش[/font]

انتي كدا غلطانه يا دلوعه
وبعدين احنا ما بننسا لغتنا
لو كان صاحبنا سوداني بنتكلم معاهو سوداني وفي البيت بنتكلم سوداني
ولو كان غير سوداني كيف نوصل ليهو الكلام ما دام هو انو اللغه السودانيه ما بفهمها

يعني اتكلمي باحترام شويه

[نهر المحبه]

والله موضوع جميل بس انا اتولدت هنا من 20 سنه اوكي دي وحه
لمن دخلت المدرسه كنت انا السودانيه الوحيده معاي وحده صحبتي فكان البنات بيتكلموا مع بعض بلهجه غريبه بالنسبه لينا فكنت طفله بعد داك لمن كبرت شويه ودخلت المتوسطه بديت اعلم البنات شويه من اللهجه السودانيه طبعا السبب الاصلي الخلاني اسوي كده انهم بتريقو على لهجتنا فكنا بنتغالط على الخشم طبعا هنا بمعنى نخره واحنا عندنا بمعنى فم
والحمدلله حتى لمن مشيت الجامعه كتير ما كانو بيصدقو اني كنت عايشه هنا مع انه ما كنا بننزل السودان طوالي واجازاتنا ماكانت طويله بالزمن الكافي
فالمشكله دي بترجع لشخص الانسان هو وعزته ببلده

[ابو ايووودي]

احلى حاجة في الانسان انه يتألغم في البيئة هو العايش فيها ويتعلم اللهجات ، لأنك بتختلط بجنسيات كثيرة وكل جنسية لها طريقة كلام مختلفة
لكن انك تتكلم غير اللهجة السودانية مع سوداني فلا اؤيد ذلك
لك منى كل الود والترحيب

[الابنوسة]

سودانية وعايشة بمدينة الرياض من فترة بسيطة جدا وعندي بنت في عمر الدراسة وادخلتها المدارس السعودية وبعض فترة من الزمن وجدت بنتي تتحدث باللهجة السعودية ولاحظ ان عمرها كان لا يتجاوز السادسة يعني مش محكاة منها للهجة السعودية ابدا ولكن التدريس في المدارس السعودية اسعود بمعنى ان كل المدرسات سعوديات والطالبات السودانيات هم الجنسية الوحيدة التي لم تستوعبها المدرسات السعودية بحجة انها سريعة وغير مفهومة لهم فيتحدثون ابنائنا باللهجو السعودية وليس محكاة بل اجبار نسبة للدراسة
وكما اعلمكم بان ابي مصري اسواني اتى الي السودان منذ عمر العشرين ولم يرجع الي مصر الا بعد سنوات طويلة جدا وكانت زيارات متقطعة بمعنى يسافر مصر بعد حوالي خمسة عشر سنة من اخر زيارة له لدرجة ان اهله افتكروا انه توفى وايه رايكم الوالد مازال محتفظ باللهجة المصرية لاخر لحظة في حياته واحنا لم ناخذ منه اللهجة المصرية مع ان اللهجة المصرية اسهل والسودانيين بطبيعة حالهم يتحدثون كل اللهجات التي يرودنها ولهجتنا اصعب لهجة لانها دارجية وغير مفهومة لكل الدول العربية واحيانا انني اتحدث اللهجة الاردنية لان جارتي اردنية لا تفهم علي في الحديث ولا تفقه شئ من كلامي ولذلك اضطر اتحدث معها بالهجتها وليس غرورا منا احنا السودانيين ولكن لصعوبة لهجتنا

[عابده مرغنى عبدالله]

السلام عليكم جميعا
كل شعوب الارض تفخر بعاداتها وتقاليدها
ولغتها الدارجه
ونحن في السودان اذا جائنا (خواجه) لو سألنا بلهجه عربيه مكسره
وقال : هل يوجد ببسي؟
نقول له:yes
ولو سألنا مصري
نقول له : ايوه يابيه

يعني شغالين زي الحربويه نلون لسانا حسب لهجة من نخاطبه
ويعتبرها البعض شطاره وفهلوه او يريد ان يثبت له انه يعرف لغته
مما يعرض البعض للسخريه
والشعب الفرنسي مثلا لو تحدثت معه بالانجليزيه مع انه يفهمها وقد يكون يجيدها لكنه يرفض التخاطب بها
ويتحدث معك بالفرنسيه فقط



وعليه المفروض ان نفتخر بلغتنا وهي الاقرب للغة الضاد
ولنحاول بقدر الامكان ان نلتزم بالتعامل بها وتعليمها للاخرين
ولنبتعد عن تقليد الاخرين



ولا شنو؟

احنا ما بنقلد الاخرين وكمان بنفتخر بي لغتنا
لكن في بعض الناس ما بفهمو كلامنا نتكلم معاهم كيف؟

[مغتربة مقيمة في الإمارات]

أنا بقرة في مدرسة خاصة عشان كدة بلقة بنات من كل البلدان العربية لكن ما في سودانيات في الصف ثامن بنات بس في بتين أنا وبت تانية في صفي اما قسم الأولاد الله أعلم

أنا بتكلم مع صحباتي أي وحدي بلجتها هههههههه(خبرة طويلة في مدرسة مختلطة الجنسيات العربية)

لكن لمن أجي إتكلم مع صحبتي السودانية نتفنن باللهجة السودانية
أما عن كلام العرب إنو لهجتنا ما بتتفهم أنا بعترض بشدة لأنو لهجتنا هي الأقرب للغة العربية
وفي لهجات ما بتتفهم أكتر من لهجتنا و ما في داعي أذكرها

ومع تحياتي الاء

[بت كردفان]

[align=center]عليكم الله هسى الخليجين ديل بيتكلمو عربى ؟؟؟
نفكر فيها بالعقل كده
مرات احس انها هنديه ومره ايرانيه ومره باكستانيه
لغتهم خليط من اللهجات دى
السودانيين لهجتهم واضحه جدا وفعلا اقرب للفصحى على الاقل احنا بننطق حرف الضاد صحيح ميه الميه
جيبى لى خليجى ولا خليجيه وقولى ليهو ينطق حرف الضاد صحيح
اتحداك مابيقدر عشان كده سموها ( لغة الضاد )
خالص تحياتى وشكرع على الموضوع[/align][/size]

[HoOoMa]

[align=center]مع احترامي لكل الي ردو على موضوع الاخ ابوعمر
انا مولوده بسعوديه وليا 21 سنه ومااروح السودان كثير وطول عمري بجده
وامي سعوديه لكن طول عمري وانا افتخر ببلدي وافتخر بأهلها وكمان افهم اللغه السودانيه لاكن كل واحد وعندو اسبابو الي تخلي يتكلم بلهجه البلد الي عايش فيها
تلقى الطفل من صغرو وهو فغربه خلاص يتعود على لغه البلد الي عايش فيها دا الشي مو بيدو بجد الاسباب مع احترامي لكم خاطئه
تقبلوو مروري[/align][/size]