مجـــــــــــــــــادعــــات

[Limia]

ههههههههههههههههههههه مبالغه لكن اهاااا الفلم ده ماليهو جزء تانى

[ضو البيت محمد النور]

عايزين نخرج من سجن الدوام نعمل شنووووووووووووووو

[Limia]

:D تحضرو اسبيستون

[فتى الأحلام]

[color=[shfaf1][shfaf1]DEB887]مشكورة الراقيه شمعة امل اتمني ان تكوني دائماً شمعة امل تضىء للاخرين ببهائه وطلتها المعهودة على هذا المنبر الراقي بو جوووودك .
وهذه هي اول المجادعات المنقوله من بوستر (( عيال اسعوديه بتاع هومي ومهنم الجديده ))

طبعاً عدم قدرتي في خت الصور عشان مابعرف ليها والغريبه ما داير اتعلمها عشان عارف نفسي كان قمته على الشغلانه دي الناس بتتعب معاي . ولو في طريقه بنسخ هذه الصوره وبخليها توقيع الاشيتر بالجد عجبتني الصورة والمنظر .[/color][/shfaf1][/shfaf1]

[ودعازة]

للشمعة:
شمعة امل والله همة عزيمة
وقفتى الرجال ماقدرو ليك هزيمة
نعم البنات فصيحة حرة نشيمة
بصورتك ادب ووقيفتك كلها قيمة
ان درتى السند نضرب حداكى الخيمة
واخوكى اب زرد اسدا بحرسك ديما
للاشيتر:
محاربة البنات شينة ما هى بشيمة
عامل عصابا على فت بنية كليما
اشيتر وناسو اختو المنازلة عظيما
خليك فى البقر ما تغب تفوتك غيمة
ماك زول مداوسا بتيتم وراكا كريما
تتطقطق الف مايلاقو فيك لحيمة
وناسك قبيل يتسابقو لآخر النيمة
بترقد وطا وجنودك بتبقى عديما

[الصديق الماحي البطحاني]

تقبلوني ضيفاً متفرجاً على هذا الموضوع واعدكم بالمشاركة وتسلمو جميعاً

[ودعازة]

ياناس النم حبابكم دنياكم مالا ضلمة
دخلنا المكان الليكم عشان بيكم نتلما
اشيتر هرب ولا جاتو دوشة وطمة
ووينا الفصيحة بنيا وينا ليها الكلمة

[محمد نعيم]

السلام عليكم ورحمة الله
للشميعة بنم وبقول
الشميعة الغياب مو بايدنا بس كانت دي الظروف
غيبتنا من الحبان وحرمتنا من جدع الحروف
علا راجعين للراكوبة شوقنا صابقنا متل طمي الجروف
ننم وندوبي ونتسالم ونتطايب بحب وبدون خوف
وشوقا كتير لي بلدناالمليانا خير حد العين تشوف

لود النعيم بقول
حباب ود النعيم وحباب جدعاتو
للخير والكرم ديمة سال ضرعاتو
الخير بنشوفوا داخل مع كريعاتو

أها ياود النعيم دا كسير التلج فهمت :D :D :D

ود النعيم طول من الجدع بعد ما عرس:D

بس مشغوليات ما تقولوا الزول دا اتجرس

اتمنى لكل العزاب الما عرس يعرس

بوصيكم على العرس الغنيان فيكم والمفلس

[شمعة امل]

[Center]

قــووول للـــزمان ارجع يازمـــــــــــان

راجعت البوست من البدايه ضحكت شديد

ياحليلكم وحليل ايــــــــــــــــامكم

.
.

[/align]

[ملاك الورد]

بصراحة حد ما حاولت ادخل في الموضوع ما قدرت (واي انا).......
اصلا ما عارفه راسه من اصابع كرعينه
المهم حاتفرج ما في داعي اكون اكتر من جمهور

اها طيب شنو بعدين...... كملوا كملوا

[ودعازة]

ود النعيم طول من الجدع بعد ما عرس:D

بس مشغوليات ما تقولوا الزول دا اتجرس

اتمنى لكل العزاب الما عرس يعرس

بوصيكم على العرس الغنيان فيكم والمفلس

ود النعيم مبروك عليك العرسا
وشن مشغوليات البتبدا من هسا
قدام كتيير واضح بيان مابندسا
يجيك بكرة وليد وبتعرف الجرسا
يجافى عيونك نوم لو شوية اتحسا
بس الزواج ماخير وفضلو مابتمسا

[محمد نعيم]

[Center]

قــووول للـــزمان ارجع يازمـــــــــــان

راجعت البوست من البدايه ضحكت شديد

ياحليلكم وحليل ايــــــــــــــــامكم

.
.

[/align]

ياخيتي لو الضحك والندم برجع لينا الفات

كنا قهقهنا وسفينا التراب عشرة سفات

ما بنقول حليل ايامنا والزمن الفات

بنعيدو من جديد مادام انتي والمتلك موجودات

وجيت ود العازة وود النعيم الحي ما مات

[محبه]

ياخيتي لو الضحك والندم برجع لينا الفات

كنا قهقهنا وسفينا التراب عشرة سفات

ما بنقول حليل ايامنا والزمن الفات

بنعيدو من جديد مادام انتي والمتلك موجودات

وجيت ود العازة وود النعيم الحي ما مات

نعومي حمد للة على السلامة ابشر يا عريس ابشر وللة الف الف الف مبروك منك المال ومنها العيال
لو كنا قايلين انك حتختفي كدة ما كان عقدنا ليك ودة الحالة عرس سااااي بكرة كان جبت البذورة خايفة ما نشوفك نهائي يا زول مرحب بيك وسلام خاص للعروس
ويا شموعة وللة ما تتخيلي مشتاقة ليكي قدر شنو وينك يا بت مختفية اوعى تكوني عرستي وانا
بايرة وما جايبة خبر راجياك تفتي لي الشمار بعيدا عن الانظار :D

[الفرح المهاجر]

[align=center]ياست المغاريز جدعتك حلوة
لاكن محمد النعيم ماردها بس شكلو[/align][/size].....

[ودعازة]

اخوانى هووى ود عازة فى ورطة
صايم وحيد وناسوالقبيل عنو منفرطة
لا آبريه لا لقمة أسجل بلاغ فى الشرطة؟
حليل بروشك عازة واللمة والوهطة..

[حسومى]

ياناس النم حبابكم دنياكم مالا ضلمة
دخلنا المكان الليكم عشان بيكم نتلما
اشيتر هرب ولا جاتو دوشة وطمة
ووينا الفصيحة بنيا وينا ليها الكلمة

يوما كسفريت ويوما عشانا ربيت ويوما نكتح التابة وعليها نبيت

[حبوبة]

اخوانى هووى ود عازة فى ورطة
صايم وحيد وناسوالقبيل عنو منفرطة
لا آبريه لا لقمة أسجل بلاغ فى الشرطة؟
حليل بروشك عازة واللمة والوهطة..

تحلى لك العافية ود عازة آ حنيِن أبشر تب
تتلمو ساعة خير مادام ليك رب ..

اما الشهر الفضيل انحنا سدادين
بالقراصة والمفروك قبل البلح والتين
النشا والآبري حتى سحور اللبين
بالبرش والفروة وابريقنا ليك راجين :D

[محمد نعيم]

بالبرش والفروة وابريقنا ليك راجين :D

كلميهو يا حبوبه قوليلو اوعاك تتمحن

بنجهز ليك التمر باللبن البارد ومسخن


يا خوي بنفك ليك الورطه رسل لينا عنوانك

بنشحن ليك قندراني ونعبي ليك ديوانك

ابشـــــــــــــــــــــــــــــــر

[القلب الملك]

ملاك الورود انا زيك ما لا قي لي سبيل
شايف الجدع هادر ،،،،،،،،كأنه التقول السيل
خلينا نتفرج ونضحك ،،، لامن دموعنا تسيل

يا أخوانا الجدعة دي ظابطة ،،واللا عايزنا ابعد من كدا،

[محمد نعيم]

ملاك الورود انا زيك ما لا قي لي سبيل
شايف الجدع هادر ،،،،،،،،كأنه التقول السيل
خلينا نتفرج ونضحك ،،، لامن دموعنا تسيل

يا أخوانا الجدعة دي ظابطة ،،واللا عايزنا ابعد من كدا،

يا ملكنا الفريج والضحك ما من شيمتك

جدع معانا ولو بي كلمة بترضي غريمتك