الاخت شمسshams alhidaya كتب:
[color=00008B]سيدي العزيز
يااااه بالجد ماقل ودل (وللمربوط حل) انت لخصت وجعة سنين في تمانية سطور ,,,, قمة في الابداع و الايجاع
انا يادوب عرفت ليه انا بدخل المنتدى واجري على صفحتك انت يتشيل الكلام اللايص جواي وتعوسو زي الرهيفة
الحاجة المخوفاني ,,,, الرجعة وهل حنندمج والا؟؟؟ هل ممارسة الحياة بنفس طريقتنا دي ممكنة والا التغيير لابد منه وهل ممكن اتخلى عن وحدتي اللي بقت جزء مني قراءاتي وكتاباتي؟؟ المعمعة الداخلين فيها ناس امي والجري الما ليه حد !!
احمد اخوي
لم نرجع ونكون قراب يندخل القلوب والا ح يجنبونا استعداداً للسفرة الجاية
انا عشت في السعودية فترة العلاقات هناك حلوة مازلت محتفظة ببعضها لكن انا حرماني اكبر لنو الانتقال اكتر
اليومين دي الهاجس بتاعي هل اخلي بنتي تكمل الجامعة هنا والا انقلها السودان
الغربة ناااار ,,,, لكن شوية احتكاك بالاخوة الفلسطينيين يخليك تبوس يدك وش وضهر نحن ان طال او قصر راجعين والطريق مفتوح رغم المعاناة هناك مافي زول بطردنا .... ربنا يحفظ البلد واهلها وبنصر الفلسطنيين ويرد غربتهم
ويعافيك ويسلم قلمك البخليني افضفض.....
و,,, في وداعتو[/color]
ردك مليان كلام كتير ونقاط هامة كتيرة حيرتينى ابدأ من وين ..............
اقول فى البداية اللى يشوف مصيبة غيره تهون عليه مصيبته ويمكن تعرفك على بعض الجنسيات التى ليس لها وطن يجعلك تشعرين ببعض الامان واللراحة فمهما بعدنا عن اوطاننا فى النهاية لنا حرية الاختيار ان نبقى فى غربتنا او نعود لاوطاننا ............
وجودنا فى فترات قصيرة فى بلدنا هل سوف يقربنا من اهلنا ومن قلوبهم انا اشك فى ذلك وهذا احساس شخصى ولمست ذلك فى اسرتى الصغيرة اشعر ان التعامل بمبدأ انتو ما من ناس هنا انتو من ناس هناك نقد لاى تصرف سواء للكبير او الصغير الشعور مترسخ لديهم بأنك اصبحت شخص آخر ليس انت مثل ما غادرت البلد .......حتى طريقة تربيتنا لاولادنا لا يرضيهم وهذا مدخل للموضوع الاهم هل تتركين ابنتك تتعلم فى السودان او تتعلم حيث تعيشين ...........
اختياران احلاهما مر وقد خضت التجربة بكل تفاصيلها
الاختيار الاول والاقرب لنا جميعا هو تعليم ابناءنا الجامعى بالسودان وخاصة للبنات بغرض الاندماج فى المجتمع وكذلك لاقتناعنا جميعا بأن التعليم الجامعى فى السودان افضل من بلدان اخرى وكذلك بالنسبة لى شخصيا استعداد بناتى لما هو ات مستقبلا من الزواج وبالتالى لا يكون عادات وتقاليد المجتمع السودانى والرجل السودانى غريبا عليها ............... افضل انا ذلك الاختيار بشرط ان تكون الام متواجدة معها فى السودان بصفة دائمة والا سوف تكون الانعكاسات السلبية كتيرة جدا واهمها كثرة الاختلافات بين البنت واقاربها فى السودان ....... شعور البنت بغربة فى بلدها ........... فقدان الام الصديقة التى تبوح لها او على اقل تقدير تلمح لها بمشاعرها التى تنمو فى سن خطير جدا وتحول اخطر من مجتمع المدرسة الى مجتمع الجامعة .............. تحياتى