عواسة الكسره

[ود النيل]

بسم الله الرحمن الرحيم
يابنات تعالو الليلة جايب ليكم طريقة عواسة الكسرة ,,,
بدل ماالواحدة بعدين تتزوج ويقعدوا ينبزو فيها ويقولوا
مابتعرف تعوس الكسرة والرقاق
والطريقة ابسط مما تتصوروا


المطلوب عجين مخمر طبعا كلكم بتعرفوه وكان مالقيتى
الخمار ممكن تخمريه بالزبادى

بعدين بتحتاجى لبطاقة سوا ,,او موبايلى ,,,او زجول او الو
دا لناس السعودية ,,,وناس السودان اريبا مثلا
وتجيبى صاج الكهربا حق البيتزا بيفى بالغرض

وبتحتاجى كمان لكورة صغيرونه وياحبذا لو كانت بتاعة زبادى
المراعى او نادك او الصافى ابو ريال(دى لزوم غرف العجين)


ومناديل كلينكس او فاين (دى لزوم تنضيف الصاج بعد كل طرقة
تعوسيها وشويه زيت لمسح الصاج

والطريقة


تكبى شوية عجين ويالله تعوسيه سبعة تمنية سبعة تمنية
والباقى كلكم عارفنه

اها تفتكروا العواسة دى دايرة ليها درس عصروما أوصيكم على الردود

[سوداني اصيل]

ههههههههههههههه مشكوررررر على لموضوع الجميل تقبل مروري

[مايا]

دى طريقة العواسه ولا دعاية هههههههههههههه
اها وناس الامارات يعوسو بى دو،، ولا اتصالات
وكورت الزبادى البان العين ،، والمناديل مسافى

انا عن نفسى بعرف اعوس نشوف باقى البنات
الحاجه الصاح القلتها طريقة العواسه

ماقصرته يديك العافيه

[ود النيل]

تسلموا على المرور الرائع والجميل

[عابده مرغنى عبدالله]

مشكوووور علي الموضوع الرائع الجميل جدااااا

[ALSAMRA]

المشكلة زاتا في السبعة تمنية سبعة تمنية..................

لكن برضو تشكر على المجهود

[شمعة امل]

تكبى شوية عجين ويالله تعوسيه سبعة تمنية سبعة تمنية
والباقى كلكم عارفنه

[size=-1]
ههههههههههههههههههههههههههههه

المشكله ذاتا فى السبعه تمانيه دى ,,, كان الواحد عرف ليها خلاص ,,

انا غايتو جربت لما وصلت السبعه تمانيه دى ماعرفت ليها كلو كلو ,,,

[/size][/font]

[هنو]

[overline]موضوع جميييييييييييييييل عواسة تمام[/overline]

[قمر ام درمان]

ياود النيل بالغت في العواسة ..
اظنك ماسك العواسة في البيت
وحقو ناس الاتصالات يدوك عمولة
وكمان ناس الزبادي ..
شكرا على الموضوع الظرف والخفيف
ياسبعة تمانية

[ود النيل]

تسلموا على المرور الجميل والخلاب وارجو ان يكون الموضوع قد اثار اعجابكم
صح والله مفروض يدوني عموله ناس الاتصالات ديل كدي بشوف ناس فودافون