تتزوجيــني؟..لكن ما تجري مني ...هع هع!!!!!!

[الدلوعة شيراز]

السلام عليكم ورحمة الله تعالى وبركاته..

هايات زي ما عارفين الزمن صار زمن الهامسترات هع هع...
بداية الحكاية ياجماعة
الفار وقف .....
جنب القفص ...
سافر خيالو سرح بعيد
لو اكرمو رب العباد
جكسوية فاتنة من الجداد
يتزوجا .. ويكون سعيد
تحميهو لا شركاً يصيدو
ولا كديس
تحميه من حظو التعيس
وفطورو بيض
وغداهو بيض
أحلامو بيض
صاحبنا ما اتردد وقال :
قال يا الجدادة تعالى جاي
انا عندي ليكي كلام كتير
قالتلو هاي يالفار اخوى
انشاء الله خير
قال ليها خير
بس منكسف
قالتلو قول ما تنكسف
الفار رجف
طقطق اصابعينو ووقف
قال للأسف
انا ما بقول
احساسي وضاح
ومشاعرى ما عايزة الفضول
الجدادة استغربت
اتنفضت واتهوززت
قاتليهو ياخ ما تقول يا فار
صاحبنا قام
قال ليها طمعان في الجوار
الجدادة اتدللت
قاتليهو هيي ما انت جار
الفار سرح
راح الكلام منو ووقع
قال يالجدادة بلاش دلع
لو جاكي فار طالب القرب
طالب ايديك
طالب الغرام من مقلتيك
رايك شنو؟
قاتليهو اييييييييييك
ما يسمعك في الحلة ديك
الفار كضم شم الوضع
شتت مشى
وعيونو من كتر الزعل
ما شايفة حاجة مطششة
ومشاعرو كيف متخربشة
حرد الفطور
حرد العشا
ورسم على جدار الزمن
صورة الجدادة ونقشة
وقال الجدادة قست علي
وبقت علي متحنكشة
باكر بعرس ستها
وتمسح دموعي تقشقشة
[للامانة منقووول]

[محمد نعيم]

مشكوره على القصيده الحلمنتيشيه

الفار بفكر كويس عايز يأمن المستقبل خوفاً

من المخاطر التى سوف تصيبه امثال الكديس والشرك

[بنت الحلفايه]

والله قصيده جميله خالص ويسلمو والله يديك العافيه وتقبلى مرورى

[شمعة امل]

[size=-1]
حلمنتيش لذييييييييييييييييييييييييييذ

يا دلوعه ياعسسسسسسسل

ودايرين تااااااااااااااااااااانى

[/size][/font]

[الدلوعة شيراز]

[align=center]مشكوريــــــــــــن على المرور نورتوا البوست
............................................................[/align][/size]

[هاشم الرزقابي]

الفار قال كلما نربي كتكوت يجري يفوت

[فرحة العسولا]

حلوة حلوة حلوة

[الدلوعة شيراز]

[align=center]مشكورين
(هاشم) تسلم يا عسل
(فرحة)انتي الاحلى
مشكوريــــــــــن[/align][/size]

[the magic]

مشكورة جدا حبيتي الدلوعة شكلك فكرتي في العرس
قالتلو قول ما تنكسف
الفار رجف
طقطق اصابعينو ووقف

[شمسون]

[frame="1 80"]تسلمي حلمنتيش جميل
تقبلي مروري[/frame]

[عيون حزينه]

يسلمو والله كلام جميل وياريت يكون المزيد يا عسل وتقبلى مرورى

[GaLaxy]

ده ياهو زاااااااااااتو زواج المصلحه القلنا عليه قبل كده
ههههههههههه


يديكي العافيه ياشيراز
وفي انتظار جديدك الاجمل

[الدلوعة شيراز]

[align=center]مشكورين اعزائي على مروركم
.......................................[/align][/size]

[bitadlan]

بالجد افار خطير لكن انت الاخطر تحياتنا وعايزين المزيد