كلمات الأغاني السودانية

[waya]

غربة وشجن ..
آخر العنقود ..
حيرتيني ..
البوسنوي ..

مروركم اسعدني ,,

تشكراتي

[waya]

اهداء خاص ,,
( رسائلك وصلت )

من طرف الحبيب
جات أغرب رسائل
يحكي عتابه فيها
وقال ناسينه قائل
******
ياما قال حكاوي
ما خطرت ببالي
قال في كل كلمة
إني جفيته سالي
لو في كل لحظة
لو تعلم بحالي
ما ناسيك والله
ذكراك شاغله بالي
لو أنساك إنت
اكون غدّار وخنته
أسأل عني غيري
واحكم في مصير
ياما تشوف دلائل
******
ياما قال كلام مالي دخل بيه
إني بروح لغيره
بهوى وأصطفيه
إنشاء الله حياتي تفنى
دا لو فكرت فيه
لا لا وألف لا لا
دا حبك عشت بيه
بدل أشواق ومحنه
ترسل لي مظنه
كلام يجرح شعوري
وما يريح ضميري
من زول عنه سائل

[waya]

أجمل الكلمات ,,

شايل هم فرقتك قلبي
( حمد الريح )

[grade="00008B FF6347 008000 4B0082"]شاااايل.. هم فرقتك قلبي...
... معاكـــــ يا ريتو كان يرحل...
... وجمــــــــــــــــــبك...
.... مشتهيك ياعيون...
... وكيف كيف؟؟ وكيف كيف؟؟
..لما الفراق يحصل ...
...ان شاء الله ما يحصل...
... بريدك يا شقى الايام...
...كان بيكي الحبيب يسعد...
... واسهر نجمي عزالليل ...
... بعد روّح صباحك جد...
... وابكّي معاي عيون احباب...
... عشان اسف الدمع يشهد...
...ما كان الفراق منية ولا فرقة عيونك وعد....
... وكيف كيف؟؟ وكيف كيف؟؟؟
...لما الفرااق يحصل...
... ان شاء الله ما يحصل...
... مجبور قلبي يتعلم بعد ولّف عليك يقسى...
... عشان لو لحظة تنساكي عيون ما اتعلّمت تنسى...
... انا الفارقتو مرساكي قبل اشواقي ما ترسى...
... اصابح بكرة كيف العيــــــــد؟؟!!
...اصابح بكرة كيف العيد وعايش فرقتك هسّة...
... معقول قلبي بس يقسى؟؟؟!!
... وعايش فرقتك هسّة ...
... وكيف كيف؟؟ وكيف كيف؟؟
...لمّا الفراق يحصـــــــــل...
... ان شاء الله ما يحصل...[/grade]

[waya]

كفاك ما تبكي يا عيوني
الرائع ( كمال ترباس )

[grade="00008B FF6347 008000 4B0082"]كفاك ماتبكي يا عيوني
اتاريهم نسو الريده و نسوها حتي نسوني

كفاك ما تبكي يا عيوني
و جفاكي ما تسوقي خلاص ما تبكي يا عيوني
و ما تالمي و تشكي
الساب الحنان فكيه
و حقيقه الريده بتبكي
خلاص ماتبكي ياعيوني كفاك ماتبكي يا عيوني
اتاريهم نسو الريده و نسوها حتي نسوني

كفاك ياعيوني ما تعبتي
حتي اليله ده غلبتيه
خلاص ما تبكي يا عيوني
منو نهيلتي و شربتي
سابك و ما حصل سبتي
خلاص ما تبكي يا عيوني كفاك ما تبكي يا عيوني
اتاريهم نسو الريده و نسوها حتي نسوني [/grade]

[waya]

[grade="00008B FF6347 008000 4B0082"]اديني من ريدك مدد

اديني من ريدك مدد ماالشوق بحرماليهو حد
انا في هواك درويش غرام ...........
مدد مدد مدد اديني من ريدك مدد

هي مالو طيفك يزور او مرة شخصك جاني جد
كان استرحتا من العذاب كان هلى لي نجم السعد
مدد مدد مدد اديني من ريدك مدد
يا ارقى من همس النسيم يااحلى من طعم الشهد
خايف عليك من العيون خايف عليك من الحسد
مدد مدد مدد اديني من ريدك مدد

مرات اقول انسى العزاب واقفل كتابك للابد
القاك انسان للعيون وملكتنا الروح والجسد
مدد مدد مدد اديني من ريدك مدد[/grade]

[waya]

[grade="00008B FF6347 008000 4B0082"]سيبني في عز الجمر
انت من حولي تمر انت عارف انو عارف انو صبري فات حد الصبر
**** سيبني في عز الجمر****

كلو ماتلاقيني او على ما تهجرني
ماتكون بالقاسيوبالحنان شيلني
ماتقول حبيتك عشان كدا جاهلي
وما تقول حبيتك عشان كدا جاهلني
لو كنت ما مصدقنى مرة اتهملنى

ياغرام في بحورك كم من ياغرام فى بحورك كم تعب مجدافى
برضي في مشواري ماشي في اهدافى
داير اعيش فريدو وفي حنانو سابني
اليالي بتضحك والحزائن مافي

ياظلام الليل العلي ما اديلوا
طال بعاد افراحي والالم طال ليلو ياحليلو حنانا وريدنا بالوليلو
الخواطر تبكي و العيون كحيلو

****سيبني في عز الجمر ****
انت من حولي تمر انت عارف انو عارف انو اه صبري فات حد الصبر [/grade]

[waya]

[grade="00008B FF6347 008000 4B0082"]بـتخيـــــــــــلـك

بتخيلك كل ما الصباح طل وبدا
بتخيلك في زرقة السما والمدى
كل ما الغروب لون خواطري و هدهدا
وكل ما ابتهجت وبلل اعماقي الندى

بتخيلك يا كرنفال حزني المضى
لما النجوم تغفى وتنوم
وانكسر خاطري و يموت فيني الرضا
بتخيلك زحمة فرح تملك حواسي و تبهجا
ونجدة غريق يتلاشى في جوف الدجى
لا قربو ساحل لا جزر لا طوق نجا

بتخيلك لمة صغار ونسة و حجى
و قمراً طلع ضو الدساتر و بهرجا
بتخيلك في كل شي لمن ابالغ وانتشي
لما تظلمني الخطى وآبا المشي[/grade]

[waya]

[grade="00008B FF6347 008000 4B0082"]اظلم من ظلم

كم شفت من مجهول مصير
وشفت ياما شفت كم
انا شفت ناس ظالمين كثير
بس أنت أظلم من ظلم
انا تانى ما بندم عليك
اصلو الندم بيفيد شنو ؟!
ولمتين انا اترجى فيك
الزيى كان رادك منو ؟!
لكن طباعك يا ضنين
لكن طباعك ما بتلين
جفوة ونفور وعذاب وسنين
وعمرو قلبك ما رحم
انا شفت ناس ظالمين كثير
بس انت اظلم من ظلم
**
يا دنيا ياما فيك ناس
بتقابل الريد بالجفا
يا دنيا ياما فيكى ناس
اتعلمت قل الوفا
ويا دنيا ياما فيكى ياما
وياما فيكى وبس كفى
آه من جفاك .. خليت شنو
انا شان رضاك
يا العمرو قلبك ما رحم
انا شفت ناس ظالمين كثير
بس انت اظلم من ظلم[/grade]

[waya]

[grade="00008B FF6347 008000 4B0082"]الماضى

وجايى تفتش الماضى ؟
خلاص الماضى ولىَّ زمان ،
وجفت مقلتى الباكية ..
ونامت من سنين أحزان ،
وجاى تفتش الماضى ؟

**
أرجع بالزمن مرة وأتذكر حكايتى معاك ..
تلاقى القصة – جد – مره
هل راعيت شعور مضناك؟!
كلما تزيدنى فى هجرك
أقول ليك زيدنى ما أحلاك
لا شفع التوسل فيك .. ولا حرمانى يوم هماك
وجاى تفتش الماضى ؟
وجيت تترجى بالدمعات...
أسامحك أنسى أغفر ليك ؟
جفف دمعك الغالى ..
مسامحك وما عشان عينيك..
عشان تتعلم الغفران..
وتصفح لو زمن جار بيك
وحاول لو قدرت كمان
تقدر رقة الحابيك
وجاى تفتش الماضى ؟
وعزة نفسى مابيه على
أسلم قلبى ليك تانى..
سنين الهجر بيناتنا
وحاجات تانية حاميانى
ولو رجع الحنين وعاود
وليك من تانى ودانى
ولو مكتوب ليَّا تانى أحب
بحب إنسان يكون تانى[/grade]

[waya]

[grade="00008B FF6347 008000 4B0082"]كتير بتناسا ايديا
( خوجلي عثمان )


كتير بتناسا ايديا
واسيبا عنيه فوق ايديك
وادي عيونك أحلى كلام
تعيد بيهو يوم عيدك
وكل القصة لو عارفه
أنا الزول الصحي بريدك
بريدك
حكاية الريدا بيناتنا
حنينة بجيبا ليكي غناي
زي ما قالو ليك رياد
حكايتي بطالبا الهداي
وحاتك وانت بي جنبي
بحسك انتي في جواي
جمال ماخد شموخ بلدي
وسحاب ليهوا الزرع رجاي
بريدك
ويوم بي صدفة نتقابل
ويبادرك من عيوني سؤال
تعملي انتي زي ناسيا
ويداعب خاطري حسن الفال
تمد إيديها يارب لي
تفوت تنساني لا لا محال
تهمس ليكي كلام الريد
غناوي تفرح الأطفال
أنا بريدك
كتير بتناسا ايديا
واسيبا عنيه فوق ايديك
وادي عيونك أحلى كلام
تعيد بيهو يوم عيدك
وكل القصة لو عارفه
أنا الزول الصحي بريدك[/grade]

[waya]

احمد الصادق

خايفه من ريدتنا مالك

[grade="00008B FF6347 008000 4B0082"]اسمعينا وهدي باالك
خايفـة من ريدتناا مالك
ديمـة نسـأل عن عيونك
ولسـة منتظريـن سؤاالك

يوم تمري وما تسالمي
وكل خطوة ريـدة نزعل
يوم نشوف عينيك ضاحكة
بي مصير دنيانا نقبـل
يبقا زادنا جميل صبرنا
صبرنا بيه مصيرنا يكمل
نلقا في عيونـك املنـا
وكل املنا يكون وصالك
ديمـة نسـأل عن عيونك
ولسـة منتظريـن سؤاالك


انتي قاسية ولا ناسية
ولا بس ساكت عنيــدة
ولا في ماضيكي زكـرى
خايفـة من دنيااك تعيــدة
ولا يمكن دايرة تسألي
بي حروف من ريد جديدة
والحروف ما عايزة تصدق
دايرة تشغل ليكي بالك
ديمـة نسـأل عن عيونك
ولسـة منتظريـن سؤاالك[/grade]

[waya]

الأوصفوك

للشاعر / محمد بشيرعتيق ،،
غناء / خضر بشير

[grade="00008B FF6347 008000 4B0082"]بالبدري او بالزهر هم ما أنصفوك ،،
يا جميل الأوصوفوك ،،
كيف يجهلوك ،،
وعلي الجمال العادي راحو يمثلوك ،،
ولو بادلوك ،،
عين الحقيقة او بالصيرة تاملوك ،،
بالنور او بالنار أو بي قدر ما ضاع الخيال ما عادلوك ،،


كوكب منزه في علوك ،،
سحرك غريب ،،
شخصك بعيد او كان قريب ،،
انواره آخذه بلا سلوك ،،
يبرق ثناك في غيهب الليل الحلوك ،،
اظرف شمايلك ،،
زاملوك ،،
وهم اكملوك ،،
ادبك هبة فيك موهبة شكل الظبا ،،
وطبع الملوك ،،[/grade]

[suDaNeSe BoOoY]

ذلك الفنان الرائع الخالد الاستاذ ابو عركى البخيت جاء صوته من داخل النيل ليدخل نفوسنا فهو صاحب الكلماته الجميلة والأداء المتفرد والصوت القوى الذى يسري عبر اوصالنا كسريان الدم فى الجسد
فاليكم بعض من كلمات اغانيه ونتمنى من الجميــع ان يتفاعلوا ..



واااحشنــــي


واحشنى يااا الخليت ملااامحك ..
فى حيااااتى ،
واحشنى يااا الرسيت مراسيك ..
جوة ذاتى ،
الاااا باكر لمااا ترجع ،
أنا بحكى ليك عن الحصل ،
وعن بعد المسااافة وقربها
ولمن يفارق زول عيون
غالياااات عليهو كتير خلااااص وبحبها
والله أحكااام يا قدر
والله أحكام يا مساااافة ويا سفر
***
وانت لماااا بتسيبنى وتسااافر
خت فى إعتبااارك ،
انو دنياااى فى مدارك
وجد- لفافات الصبر دخنتها
وكل المقاطع فى غناااى طوعتها
وغريبة غنت ،
فرحة ... لا ... لا
غربة ..لا....لا
تقصد شنو ما عرفتها
وأهى تجربة .....
خطيرة – جد – وأجتزتها
ولسة واحشنى

[suDaNeSe BoOoY]

أمـــونة



كل البنااات 000أمونه ياخرطوم
معاااي ساعة أفتح الدكااان00
معاااي ساعة الدرب بااالليل
معاااي في البص00علي أم درماااان
وفي الكوبري الكبير000في الليل
أعاااين في البحر00مهموم
ألااااقي وجيها000شاااقي النيل
وفي ساااعة التعب والخوف
تشيل خطواتي00وأمشي عديل
*
دحين خاااتي 00أكااان يا يُمه00
صبحت نفسي ساعة الكتمه 00
من ضيق الزمن000والناس
وألقي دمي يفور00
تمد إيديناااا 00تمسح00
في العصب والراس
أمااانه كلامااا00كاااان رفرف
وكت ساااعة الدرس00ياخوي
يطير قلمي00
ويزغرد سنـّو في الكراس
ـــــــــــــــــــــــــــــــــــــــــــــــــــــــــــــــــــــــ
لوكنت نااااكر للهوي


لو كنتا نااااكر للهوى ذيك كنتا غفرتا ليك
كل العذاب العشته فى حبك وكل حقى عليك
لكنى عاااايش للهوى وكل يوم اترجاااا فيك
ورينى كيف أغفر وانت شقاااى سببته بيديك
حاولت اخدع نفسي يا ظاااالم واهجر حبى ليك
حاولت امنع نفسى منك وتااانى ما امشى واجيك
ورحلت عنك وعن ديارى وهدمت كل امل لديك
وبرضى مااا قادر لماااا اسيبك لما انساااك بشتهيك
مع كل دفقااااتى الحنينة وكل دمعة شوق سجينة
تهااااتى بيك روحى الحزينة واشقى لماااا تهاتى بيك
ورينى كيف اغفر وانت هدمت كل آمالى فيك
ما كنتا قايل أنا يوم بلااااقى الحب ولاااا بكشف دروبو
ولا قلبى من شدة إبااااهو تقدر بتقدر الأشواق تذيبو
لكن غرامك حبه حبه صاااالاهو بنارو ولهيبو
وسرقت قلبى ياااا حبيبى تانى كيف منك اجيبو
انت يا نااااكر غرامو قلبى ماااا بتسمع كلامو
وبدون سبب يرضيك خصااامو لوعة العشاااق تصيبو
تنسانى يا ظاااالم وقلبى معاااك مفتكرك حبيبو

[suDaNeSe BoOoY]

يــــــاااقلب

يااا قلب انااا كنت قايلك تبت من تعب السفر
ومن مخاواة القماااري ومن شراب موية المطر
تاااريك كااامن ليااا ... بشيتا كتر
تاااريك لابد ليااا ... بشيتا كتر
ما زمااان انا وانت لفينا المواني
بالقطاااارات والمطااارات والسفن
ودقينا اجراس الجديد
وعدناااا ترتيب المعاااني
الليلة راجع لي تبقبق
بتنتل الآهة وترقرق
زي تقول ياااا داب عرفت الاندهاااش
*****
يااا قليب مااالك عليا
ما انت عااارف نقطة الضعف القديمة
وزيي ضاااايق الارتعاش
*****
يا قليب يااااما سرحنا
مرة جيناااا والف رحنا
ومرة شاي عصرية في طرف الغمامة
ومرة دوبيت للمحنة
ومرة منديل مسقي حنة
ومرة حااااجاتا اجن
وانحناءات للحمااامة
جاي تسألني الدبارة
يااا قليب ماااا فيش دبارة
لا المراكب قادرة تكسح في النزيف
ولااا نحن شااايفين الفنارة

ــــــــــــــــــــــــــــــــــــــــــــــــــــــــــــــ
الجميل السااادة


الجميل السااادة
وضاااح المحيااا
التفت يوم شفتو
مااااقبلان تحية
من دلالو ولا مالو
خلا نيران قلبى حيه
ابتسااامة الزول بتنبع من شعورو
كيف تزعل لو تعبر عن سرورو
والبقابلك بيتسم ليك من ضميرو
لو سمحت تجاااملو بمجرد تحية
كان أملى تفرحنى منك ابتسااامة
وابتسااامتك حلوة بتزيدك وسااامة
العيون تتلاقى ويتم انسجااامها
وكل واحد بيحلم بلحظااات هنيه
ــــــــــــــــــــــــــــــــــــــــــــــــــــــــ
تعااالو نغني


تعااالوا نغنى غنى الايااام الجايه كتير
ونفرح بيها سماء السودان
تعالوا نلم الوان الطيف
الفى الخرطوم ابناااء شعبى
والفى امدرمااان
تعالوا نفكر ايه البيحصل فى السودان
الجوع.. المرض.. الخوف
الشك عدم اطمئناااان هد الانسان
تعالوا نقعد نحسب خطونا
من ما اخدنااا الاستقلال
لحدى الآن..
اتقدمنااا ولا اتأخرنااا
اتأخرنا ولااا اتقدمنا..
سؤال مطروح لى كل
فئه من فئة الشعب
بالف سؤال: دم اجدادنا
بيحرض فينا على الحرية
وبيذكرنا عشان ما نحافظ
على وحدتنا الوطنية
بس مكتسابتهم بصراعاااتنا وبخلافاتنا
دفناها وبقت منسية...
حقو نشوف من وين بتجينا مشاكلنا
ومنو البيعطل حركة شعبنا بالزندية
ونجيبوا ونحاسبوا
بعدالة وبديمقراطية
انا شايف الجوع بيطل
من وقت لاخر
ليه!! وبلدنااا سهول
اطفال بيتشردوا فى
الطرقات وبياكلوا الذل
ومنو المسئول
والحرب لعينة وممتدة وبتحصد فينا
ويا للهول ويا للهول
وبلدنا الغاليه ام الخير
فيها كمان ظهر البترول
اشياءنا بتنتاقض
وفى الواقع نحنا كتير وكتير
بندور فى الحلقة الواحده
كما البندول..
نكسرها كيف!! الحلقة
الواحدة دى نكسرها كيف!!
ونمدها جسر يوصلنا
والدنيااا عجول..
يا حكامنااا الدنيا عجول
ياساستنااا الدنيا عجول
يا جنرالتنااا الدنيا عجول
يا ساااداتنا الدنيا عجول

[suDaNeSe BoOoY]

جسمي إنتحل

جسمي انتحل كيف العمل
وانت الطبيب عندك شفاي
لوكنت تبعد في زحل
أويوم بقيت قمه في سماي
لابد في يوم انا ليك أصل
واشرب براي منك دواي
حـن يا طبيب واكشف علي.
وريني مـاااسبب الألم
اعطف علي وارحم عيني..
قالوا الشفادونك عدم
شوف الدموع ماليااات عيني
.شوف الألم وين أنكتم
أنا يا طبيب قلبي أنجرح
بس كيف جراحوبتلتئم
العمرو ماضاق يوم فرح
ولاحتى في الدنيااا أبتسم
كيف بس يعودليهو الفرح
.من بعد ما عاش الألم
قلبي العذب من زمن
يشكي وآهاتو التمن
حن ياطبيب داوي القليب
العاااش حيااااتو مع الحزن
ضمد جراحو ومره سيبو
ينساها ويــــلااات الشجن
ــــــــــــــــــــــــــــــــــــــــــــــــــ

[suDaNeSe BoOoY]

ست التوب




شفت التوب و مااا لاقاني أجمل منو
بس التوب ... شوفو التوب
وسيد التوب يكون كيفنّو
***
نظرة سريعة مريت بيها ما أتمتعت
خطوة وحيدة بيني و بينها لو أسرعت
خلت طيبها مالي الساااحة
زيها مااافي لا شاهدت لاني سمعت
***
من جاااراتها قادلة حلاتها
دخلت بيتها سرت حداها
داير ألقاااها تب ما لقيتها
حتي الحنة ديك مااا نسيتها
قادت ناري لو تطفيهااا ليّ يا ريتها
***
أستنيت و قلت أظن ترجع تاني
يمكن أشوفها
,أصلو الزول حياتو أماااني
نظرة بريئة
مهمااا نااابني ما هماااني
لو ألقاااها يرتاح بااالي و يصبح هاني

ــــــــــــــــــــــــــــــــــــــــــــــــــــــــــــــــــــــــــ

ماااا بتشبه
القمر
البتااااوق من سما
لااا بتشبه
البحر الخدار
وجمااالها ماحاق
فى غنااا
مشيهااا زى
قدل البشاااير
بى مهل
وحديسهاااا زي
همس النساااايم
للنخل ايدينها
صاااابغن الورد
وسلاااامها زي
روق الجداول
فى الارضمن معزتك أنتي لي

من معزتك آنت لي
ختيتى قلبك فوق أيدي
وقتي ليهو عزيز على
عليك الله احرسو لي
فى صباح وفى عشى
وقتلى لي معاك سلامه

يوم رحيلك من البلاد
دارك مرصع بالسواد
غيم حزن كل اليتامى
وانشر بين كل العباد
وفارقت الناس السلامة

[عمران عوض]

مشكور كتير اخي علي طرقك باب احد
عمالقة الفن الكبار في بلادي الاستاذ
ابو عركي البخيت
وهذه مناسبه للسؤال عن غياب الاستاذ
عن الساحه الفنيه في الفتره الاخيره
يديك العافيه علي الطرح الجميل

[suDaNeSe BoOoY]

يا اخ عمران الفنان العملاق ابو عركي البخيت متوفي................................

وعايز اقوليك انو اغاني ابو عركي البخيت من افضل الكلمات في العالم العربي من وجهة نظري.

وشكرا على المشاركة الحلووة

[bitadlan]

مشكور على الطرح الرائع لكن اول مره اسمع انه الرائع العظيم ده متوفي كيف ما يتعرف خبر زي ده بهز السودان كله لانه معجبينه بالاف مش بالمئات ياريت تتحقق لينا من الكلام ده