قال الزعيم قال

[مصعب الحداد]

فيلم الوكيل وصل .. اوفيلم بصمة وارغو
بصمة بالوكالة
في المريخ قبل كم سنة كانت هناك موضه استثمار يشهده مسرح المريخ
مرة فجاه كدا قاموا من النوم قالوا عاوزين نعمل سينما مشروع استثماري مضمون
انتوا الموضوع دا بتتذكروه ولانسيتوه
اتاريهم كان عندهم فهم في الموضوع دا
اتاريهم كان راقدين ليهم فوق راي
السينما كانت للافلام البيعملوا فيها دي
تتذكروا (برشلونه) الوصلوها اسوان؟ قالوا شنوا قالوا برشلونه
عاوزه تلعب معاهم في الرد (هره)
برشلونه عيشتها طارت
نحن نشيل ونصدق
شهر شهرين شفنا ليك الوالي في برشلونه مع خوان لابورتا هسع دا مافيلم هندي
قالوا شنو ؟ قالوا عملوا توأمه مع برشلونه
نحن موضوع التوأمه دا مصدقنو عشان برشلونة من توقيع التوامه دي تاني ماشاف ليه عافيه
برشلونه مسكت في الوصفنه برشلونه بقى وصيف رسمي وشعبي
اي بطولة يشارك فيها يطلع منها (وصيف)
عشان كدا حكاية التوامه دي تب مامغالطنكم فيها
الموضوع مشى على هذا الاساس ونشرت الصحف كلها صور الوالي
مع (الزميل)(النظير) لابورتا
نظام شنو؟
نظام زملاء وصافه وكدا.
الموضوع دا مشينا
قاموا نطوا لينا تاني في موضوع تاني
قالوا انترميلان جاي الخرطوم
في شنو ياجماعه
قالوا جمال الوالي قدم دعوه للانتر عشان يلعب مع المريخ في الرد كاسل
دل...دل.....
هسع دا مافيلم هندي
نحن طيبين خالص صدقناهم
الانتر قالوا وصل عطبره
اصلو الانتر دا فاضي وماعندو اي ارتباطات
مع ذلك وصلوا عطبره ورجعوا
مشينا الموضوع وما وقفنا فيه
قاموا قالوا شنوا ؟ قالوا كاظم الساهر
كاظم الساهر عيشتو تطير مالو كمان ؟
قالوا عاوزين يجيبوة الخرطوم
ياجماعه انتوا قاصدين شعبان عبدالرحيم ولا كاظم؟
قالوا قاصدين كاظم كمان مابنعرف كاظم من شعبولا.
كاظم ده متين عمل ليه فريق؟
قالوا انحنا ماعاوزين نلعب معاه عاوزينوا يغني لينا في الردكسر
حجزوا الفندق طلعوا التذاكر وعملوا الاعلانات
وانحنا نشيل ونصدق
يعني شنو لوجابوا كاظم يغني ليهم على الاقل يخفف (الوصافه) شويه
انتوا كمان يالهلالاب عاوزين تمنعوهم الغنا
هسع دا مافيلم هندي
مر شهر شهرين اربعه خمسة لاشفنا كاظم ولا شعبولا
يكون حصلت ليهم ظروف
المريخاب ديل اصلهم في كل وصافه بعملوا كدا
الطابق الثاني عندهم اسهل من جدول اثنين
كل مايضايقوا يقولوا الطابق الثاني
الغريبه جابوا(الطوب والسيخ) وطلعوا التصديق
واقفين بس على اللمسه الاخيره
وبعد الهزيمه من الشبيبه قالوا عاوزين يعملوا اكادمية
(اكادمية حته وحده)
طيب اعملوا حاجه بعدين امشوا للتانية
المريخ في احد المواسم كان متفوق على الهلال بسبع نقاط
مع ذلك جاء الاخير وفاز باللقب مابالكم ولان المريخ متفوق بالاهداف فقط

[هايم بعيد ومشتاق]

لنا لقاء بعد تاريخ 8/11/2008 وكتها الحديث بيكون ليهو طعم أخر ( فاهمني طبعاً )

[الفراش الحائر]

:D الله يجازى محنك يا مصعب :D
السنين دى كلها وانت كاتم الكلام ده فى قلبك:D
اشجينى .....اشجينى..........يا رائع:D
سكت الخشامه....وانزل فى العوازل كى:D

تخريمه :-
بمناسبه الكى دى الناس ديل ارتاحو من صلاح الضى
جاااااااااااهم (بيكوى)........غايتو جنس محن

[الفراش الحائر]

بالمناسبه مبرررررررررررروك يا عمك
لكن احلى تعليق قريتو قبل المباراه كان من اخونا كبير وصفاء منتدى انا سودانى المخدرين acba77
قال ( انى اشتم رائحه هزيمه او تعادل )
بالله شوووووووووووف الكلام ده كيف
امك ( العدوى انتقلت لى عندنا )
هههههههههههههههههههههه

[الفراش الحائر]

ما السبب الّذي تركك تخسر تذاكر طائرة مصاريف رحله كل ذلك من اجل تاتي لوطنك تتجرجر ازيال الهزيمة؟؟؟؟؟؟؟؟؟؟؟؟؟؟
سبحان الله مواجه واحدة ما قدرت عليها
اجبرتني علي كتابة هزائم الهلال المحمولة جوا
تجدها ان شاء الله بين طيات المنتدي

تكاليف الاقامه والسفر ومقابل مادى كلها على حساب الدوله المضيفه يعنى مافى خساره زى ما انت قلت
بعدين سيد البلد لانو شرف لاى واحد يلعب معاهو وشرف لاى دوله يزورها
نحنا بنحب نجامل ونسعد الاخرين
وهذا قدر الكبار

[مصعب الحداد]

الله يبارك فيك
هم عاوزين الدوري ويكابروا وانا متاكد 100%
انهم يتابعوا كور الهلال اكتر من فريقهم
لكن الممتاز دا يشموا (شمومه)

[مصعب الحداد]

بعد 8 نوفمبر ياحبيبنا الفراش هناك المزيد من الافلام
الهنديه (أبيض وأسود) منها (الكوميدي) ومنها(الاكشن) ومنها(الرومانسي)
وهم من هسع قعد يعملوا الاصلاحات والتعديلات في السنيما بتاعتهم
والاخراج حيكون المره دي مامحلي حيكون عالمي (محمول جوا)
ها ..ها..ها..ههههههه

[مصعب الحداد]

تبدل لون فانلة فيييررااا من الابيض الناصع الي الاحمر(الدم) في عطبره
كان دمه في عاصمة الحديد والنار ينزف وهو يصر على المشاركه ويرفض
الاستبدال.
والجمهور الهلالي يعشق هذه النوعية من اللاعبيين بياكلوا النار ويبيتوا القوا
وعيونهم مفتحه.
بصم......مابصم
مهند الطاهر دا متين فتح ليه ورشه في مدني؟
المدافع يدور بيهو سبع دورات يعمل ليه (فلايات) قبل مايسجل الهدف.
هسع الحراس ديل ذنبهم شنو؟ ارتهم كملوا دراستهم وبقوا رؤوس حربه.
الموسم القادم بكون عندنا ازمة في الحراس بسبب مهند الطاهردا
كلهم بسعوا للهجره.
مفروض الاتحاد العام يطلع ليه منشور(يحظر ) فيه تهديفات مهند الطاهر.
صالح عبدالله ماشي صاح.
مرق قال عاوز يلعب مهاجم يوم8 نوفمبر.
لعيبة الهلال الواحد مايصدق يجيب ليه هدف.
انت كمان ماتبالغ يامرق.
هيثم مصطفى حفظه الله ورعاه في مدني دشن خدمة( الكعبلوكه)
وهي خدمة اللعب بالكعب.
في زول سالكم من افلامكم(الهنديه)
هسع في زول عاقل يدخل المقبره بي كراعو
لو عملتوا كدا ماتلومونا
الايامات دي مهند الطاهر بالع ليه طبيب اسنان شغال(خلخله)بس
الحراس مسكتهم خلعه
الكشافات ذاتها بقت ترجف
عشان كدا ناس الاهلي ديل لعبوا عصرا
(القرنقه) بالاضافه الى (الهوبته) بتعمل (زغلله)
ديل ناس دفن عديل

[مواطن ص]

أيوا يا مان دا الكلام ولا بلاش
تسلم يا اصلي

[مصعب الحداد]

يديك العافيه ودا جزء بسيط لكل
من تسول له نفسه التطاول على سيد البلد
والقادم احلى انشاء الله

[الهمبريب]

[align=center]الاخ مصعب الحداد تحياتى
اولا اقول لك انحنا لمن يوعدونا بى 5 حاجات اقل حاجه واحده وله 2 حتكون اتحققت
لدينا من الانجازات ما يكفى ليلهث غيرنا 78 عاما ليحققو 1 من 100 مما حققناه
يعنى 78 سنه ولم تبارحو الصفر ...غايتو سبحان الله الصفر دا مباريكم فى كل حاجه حتى فى البنيه التحتيه .....بالمناسبه امبارح عملت اشتراك فى قناة الهلال الدوليه يا سلاااااااااااااام الحق يقال (رغم مريخيتى )لكن برامج تجنن وياسلام لمن جابو ليك فريق الهلال وهو يتدرب فى مدينة الهلال بالصالحة والله لمن جابو معسكر الفريق فى برج الهلال احد معالم امدرمان ......طبعا ماكنت عارف الناس ديل معسكرين لى شنو إلا سألت قالو لى الناس ديل ماشين يلعبو النهائيات بتاعت كاس العالم للانديه والله ماشاء الله ....
اخيرا خلى روحك رياضيه ومعانا مش حتقدر تغمض عينيك [/align]

[مصعب الحداد]

الجماعه مرقوا بكرامة البليله

استهداف تحكيمي واضح للعطبراوي

وهم من يتكلموا عن وقوف التحكيم ضدهم (عجبي)

على العموم بعد كده الكلام دخل المقبرة وانحنا راجين يوم الدفن الاعظم

لانو ناس مرق وداريو كان ديل ناس دفن عديييييييييييييييييييل

فمابالكم بالبرنس وفييييرا والغزال وكرنقو وباقي العقد الفريد

سبحان الله قالوا احداث امبارح دي قلت ادب ونسوا هم قالوا شنو
على الحصل من اتحاد مدني (لاتعليق)

خبر عاجل: (الهوبته) زائد (القرنقه) بتعمل (زغلله)

وانحنا يوم الاثنين مابنرحم اي زول (دفن) من طرف

وقد اعزر من انذر

[هنو]

[overline]دة الكلام ياعوض دكام يوم الاثنين بس كلامنا مشكور مصعب[/overline]

[مصعب الحداد]

البطولة دي حقت البرنس واصحابو ياهنو
ومااظن يفرطوا فيها

هم عارفين طريقها صــــــــــــــاح

قال المنجمون ان ليلة السابع عشر من نوفمبر يسطع فيها القمر وتختفي (النجمه)
(كذب المنجمون ولو صدقوا)

دي كلها احداث فلكيه ماعندنا بيها شغله

لكن كلامنا حيكون باذنالله في المقبره

وعلى ارض الواقع (والميدان ياحميدان)

وشوف معادلة التوالي السادس دي كيف انحنا كل شي عندنا بالنظام كل شي بالقلم والمسطره
اصلو مابنتكلم ونهضرب ساكت:

اهدف طمبج مطرح منها اهداف كلتشي=6
نمرة البرنس مطروح منها نمرة المعلم تساوي 6
نمرة يوسف +نمرة المعلم يساوي 6
وتاريخ المباراة مطروح منو 11لاعب يساوي 6

كلو شي بحسابو كل شي مخطط ومروس

(اللهم انصر الهلال فوق كل ارض وتحت كل سماء)

[مصعب الحداد]

الوصيفاب الوصيفاب الوصيفاب الوصيفاب الوصيفاب الوصيفاب الوصيفاب الوصيفاب الوصيفاب

قالوا عاوزين يشيلوا الدوري السنه دي هههههههههههههههههههههه

السنة دي وفي المقبرة كمان (شمومه) ساييييييي مافي

والله مع ناس فيرررا ديل دفن عديل كككككككككككككدة

فييييرا دا قال كان يازمان قعد يشم الدوري

السنة دي حيعمل شنو ياربي

[مصعب الحداد]

الف مليون ترليون مبررررررررررروك
الزعيمه وصاحبة الريادة الصحفية الرياضية
قووون

مليون مبروك وانتي توقدي الشمعه 19 من عمرك الزهري المليئ بالاحداث الرياضيه
الفريده
الف مبروك وانتي دائما السباقة في جميع المحافل الرياضية
وانتي من رافقتي المنتخب والهلال
بل وحتى الوصيفاب رغم الحقد الدفين الذي يكنونه لك وهوالذي يجعلكم تزيدون من ابداعاتكم

رغم انف جميع الوصيفاب ستظلي الصحيفه الرياضيه الاولى بالسودان بل وحتي على مستوى الوطن
العربي والافريقي ومافوزك بالجوائز والتكريم الذي ناله صاحب الفضل الكبير
الاستاذ الكبير(والكبير كبير) رمضان بخافي على (وصيف)

وحتي في اخبار الوصيفاب نفسهم انتي تكوني صاحبة السبق الصحفي فلكي منا كل الشكر والتقدير

وحتى هم اهل (الوصيف)لايبدأون باخبارهم الابصحيفة قوون ثم ياتوا بعد ويتجراوا عليك بالسنتهم
المشبعه بالوصافه
دوما كنا ننادي وننادي باصدار صحيفة الهلال ولكن انتي يامعشوقة (الوصيفاب) قبل
الاسياد جعلتينا نكتفي بما تصدريه لنا عن نادينا الاصيل والحبيب

مرة اخر ملاييين التهاني لك معشوقتنا قوون وللفرح بقيه انشالله بعد التوالي السادس
في انتظار ان تكون الفرحة فرحتين باذن الله

[الفراش الحائر]

الف مبروك لى صحيفتنا المحبوبه قوون
وعقبال الشمعه الالف
كيتاااااااااااااا على الوصيفاب

[كابو]

رغم كل شئ حقيقة صحيفة قووون من افضل الصحف الرياضية في الساحة الرياضية تحليلات وكتاب اعمدة علي مستوي عالي ويكفي نيلها شهادة التفوق الرياضي علي مستوي الصحف الرياضية كافة من قبل مجلس الصحافة والمطبوعات .

[مصعب الحداد]

ليس فقط بشهادة اتحاد الصحفيين السودانيين فقط
بل امتدت للعربي و الافريقي
وستظل الاولى دوما
وللحديث عن الفرح والمجد بقية

وتسلموا الفراش وكابو على المرور

[الفراش الحائر]

كفيت ووفيت يا كابو....