ظلم

[سيد البلد]

الظلم علي المغتربين

لي متي هذا الظلم علي المغترب

في الجامعة في المعيشة في حياتنا اليومية

وخصم من طلاب الشهادة العربية؟

وفي النهاية مش سودانيين؟

[spanisheyes]

سيد البلد موضوعك حساس جدا وياما قلنا ورفعنا صوتنا

بس مافي تغير في كل سنة نفس الظلم وكأننا ما سودانين ولا

العلم دا ما حننفع بيو السودان بعدين ولا ما بعرف هما ليش شايفين انو

الشهادة العربية ( كما يسمونها !!) اقل قيمة من الشهادة السودانية مع انو انا بشوف

انو في المناهج عربية اقوي من المنهج السوداني في بعض المواد بس هيهات منو بيسمع ليك

أما في المعيشة مغترب لازم تتبهدل ما بعرف الحكاية حقد ولا شنو انت كنت مغترب معناها

معاك قروش تدفع الوراك والقدامك يعني نعيش طول عمرنا في بلد الغربة مظلومين ونجي ننظلم

في بلدنا برضو لدرجة انو الواحد زاتو بقي يفكر يستقر هنا ولي عودة بصراحة

الحكاية واجعاني شديد

[سيد البلد]

شكرا علي الرد الجميل

[flower]

احنا معاك احنا معاك
ما عارفين نعمل ايه في النهاية ققرنا الدراسة في السعودية بلدنا التاني ،بالاضافه الى انو المفروض انو ولا زول يمشي يكمل في السودان الجامعة الا اذا عايزهندسة او طب (مجالات صحية) اماغير كدا
لا و1000 لا مافي اي قسم غير المذكورين مواكب للتقنية بصراحة بتكلم .

[waya]

السلام عليكم ,,
ليس الظلم في كوننا سودانيين ,,

ولكن بعض السياسات في البلد فرضت نوع من الظلم على المغتربين " بوجهة نظر نرآها خاطئة ,, ويرونها بطريقة أخرى "

[ياسر الميرغنى]

الظلم ظلمات يوم القيامة

فاتقو الظلم

[اسامه خضر محمد على]

الظلم علي المغتربين

لي متي هذا الظلم علي المغترب

في الجامعة في المعيشة في حياتنا اليومية

وخصم من طلاب الشهادة العربية؟

وفي النهاية مش سودانيين؟

سبب ظلم المغتربين اتنين لجان المغتربين فى بلاد الغربه هذه اللجان والتى لا نعرف اعضائها الا فى حالة زيارة مسئول او قيام مهرجان فى الحالتين ديل يظهرو ليك ناس وعمم كبيره ويزعمو الحكايه لكن روح لنفس الاشخاص وقوليهم عندى مشكله شوف البجيب خبرك منو وتانى اسباب الظلم مايسمى بجهاز المغتربين والذى لا هم له غير فرض الضرائب وجمع الاتاوات وفى النهايه نحن الضايعين والله يعينا

[queenfadwa]

[quote="سيد البلد"]الظلم علي المغتربين

لي متي هذا الظلم علي المغترب

في الجامعة في المعيشة في حياتنا اليومية

وخصم من طلاب الشهادة العربية؟

وفي النهاية مش سودانيين؟






[/quote]





حرام والله انهم يعاملو المغترب كانو اجنبي و بالجد حاجة توجع لما تحس انك بتتعامل معاملة الغريب in your own country
البلد دي حالتها صعبة شديد ,بعد ما يفرقو في معاملة ولاد بلد وحدة هيعملو شنو تاني؟؟؟
مش المغترب دا سوداني في الآخر؟و الا عشان الجواز ادق فيهو خروج يبقى خلاص انتهى؟ ما هو لو كان مرتاح في بلدو ما كان طلع
يقوم لما يجي يتعامل كدا
الموضوع بقا كانو طرد ,كانهم بيقفلوها في وش الناس عشان ما ترتاح
حسبنا الله و نعم الوكيل من دي بلد
تقبل مروري ,انا اصلا البلد دي ..................... و الا ما في داع اكمل

[سيد البلد]

شباب شكرا علي الردود

[ياسر احمد غيبش]

مافي ظلم ياشباب الحكايه وحده تعالو شوفو الناس القاعدين في السودان زيكم واحد كدي امسكو ناس القبول الخاص في الجامعات بدفعو بالدولار زيكم واكتر كما كن جهاز المغتربين دا ياجماعه بمول المرافق دي من اموالكم عشان يقدم ليكم خدمه مافي ظلم في رائ والبقول مظلوم اقارن في اي حاجه بين المغترب والموجود في السودان

[رهام الحضري]

سوداني فعال لا والله احنا فعلا مظلومين وحاسين بي كدة 017

[سيد البلد]

شباب شكرا

الي متي الظلم؟

[sunni]

الظلم يا سيد البلد ما في دي وحدها،، في رأيي انه اقسى ظلم يقع عند المغترب،، إنه لما يرجع بلده وعاوز يريح اذانه من كلمة (وافد) وبمجرد ما يخت رجله،، يقولو عليه مغترب.

طيب،، متين ح يستمتع بكلمة (مواطن) ،،، ما أحلاها،،، كلنا نفتقدها

[ahmed1994]

الأخ سيد البلد
مشكور على طرحك الرائع والمفيد

أتفق معك في كل النقاط إلا النقطة قبل الأخيرة
عن موضوع الشهادة ... هذا لا أرى فيه ظلما وحتى لو لم يتم قبول الشهادة من الأساس
وهذا القرار يناقش الآن
فالمناهج العربية ضعيفة بمعنى الكلمة ولهذا السودانيين هم متفوقين أكاديمياً في معظم المجالات
ولكن للأسف يبنون بيوت غيرهم وبيوتهم مهدمة !!!!

أما في بقية طرحك فأتفق معك جملة ولكن لا يوجد هناك ظلم واضح
ربما في التعامل مع الأهل أو مع الأصدقاء
ولكن ليس هناك شخص يريد أن يستخرج مستند مثلا منعوهو لأنه مغترب

مع احترامي
وتقبل مروري

[ريناد]

منو القال انو المناهج السودانيه احسن من العربيه احنا هن اللي بندرسو في ثاني ثانوي هناك بيدرسو في ثالث ثانوي بعدين ناس السوادن الكتب حقتم ماكبيرة زي حقتنا والمواد شويه احنا هنا في السعوديه شوف في كم ماده والله مظلووووووووووومين ناس السودان فاكرين انو الامتحانات بتجينا على طبق من ذهب لكن دي فكرة خاطئه جدا ومابيعرفه الا اللي درس برة السودان انا خالتي لمى جات السعوديه زيارة كانت ايام امتحانات والله لمى شافتنا كيف مضغوطين قالت والله انا يادوب اقتنعته انكم مظلومين.

[سيد البلد]

ريناد وأحمد شكرا علي المرور

[أبو أحمد]

ما تنسى لينا رب إسمو الرحيم

[Mr.POGIz]

والله ما عارف اقول شنو
لكن انا ما حاسي باي نوع من الظلم
بل بالعكس حاسس اني انا ظالم بلدي
بس مظلوووووم في حاجة وااااااااحد ه الشهاده
انا عملت مقارنة مع المنهج القريتو ومنهج السودان ولقيت انو انا فايتهم بي مراحل لكن ظلموني وما قدروني كويس

[ود المسالمة]

موضوعك جميل ولكن كل الكلام الذي كتبته معروف للمسئولين في الدولة
حتي اننا بخصوص القبول في الجامعات كتبنا خطاب لنائب رئيس الجمهورية
وشرحنا له الوضع وهو وعد بحل مشكلة القبول اما باقي المشاكل اعتقد بان الامين
العام لجهاز شئون العاملين بالخارج الدكتور كرار التهامي كان مغترب ويعرف كل
مشاكل المغتربين ولي اقتراح ان نقوم بحصر المشاكل التي تعترض المغتربين ونرسلها
في رسالة للامين العام ونشوف رده شنو وخاصة مشكلة العوده النهائية والتعليم والعلاج
والسكن يعني ضروريات الحياه

[قمر ام درمان]

والله المغترب السوداني اتعس مغترب .. ليه ؟؟
شايل المسئوليه في القبيلة كلها ..
في الغربة مشلهت وفي بلدو ملطش .. وكمان فاقد
حق المواطنة ومكتوب عليه مغترب !!!
وحتى بعدما يرجع ويستقر برضو يقولوا ماكان
مغترب !!
والله المستعان ..