اخي الكريم /نور الأسلام ..
عودا حميدا ....
وكلامك في محلو تماااااااما،
وعمو السني لافض فاك جبت المختصر المفيد
لكن كمان هناك الكثير من التقاليد السلبيه وغير الصحيه والتي يتم اتبعاها دون
وعي ، منها مثلا الشيله الدكاكينيه ، يعني في النهاية بترجع في فطور العريس
مطبــــوخه..!!، وبدل مايعدلوا فيها بتزيد من التبذير الخيالي مع تقدم الزمن.
وكمان لما تكون وحده مخطوبه فانها في فترة خطوبتها ان صادفت رمضان
تهدي أهل العريس كل مستلزمات واحتياجات رمضان من الأكل والأواني
عاوزه افهم لماذا؟
nourelsalam كتب:وحكاية رقيص العروس تحول في السنين الأخيرة من عادة سودانية جميلة إلى عادة سيئة للغاية
..
وكيل عريف كتب:قطع الرحط والحنة عادات سودانيةقديمه وهى ثقافه لها مبرراتها لاهلنا الذين اتو بها...علينا ترشيد عاداتنا وليس رفضها
moony كتب:لا اعتقد بانو رقيص العروس عاده غير محببه ولا تراث مافي داعي له
بالعكس ممكن اخذ التراث واعدل فيه بعض التعديلات مع المحافظة عليه
تراثنا حلو وعاداتنا جميله للغاية اذا لغيتها اكون كده دمرت ماضي ودمرت من اكون ومن وين جيت
إبراهيم الجيو كتب:رقيص العروس من العادات الجميلة عندنا,,, خروجه عن المألوف أو خارج نطاق الإحترام (عند الأقلية) ليس معناها أنا نترك هذه العادة الموروثة,,,
,
.
الاعزاء المتداخلون على البوست ........
أتمنى أن يكون جزء من المعنى اللي حابين أنه يوصل ليكم يكون وصل .........
من خلال ما كتبت أو ما كتب الاخوة اللي اقتبست جزء من مداخلاتهم .......
الهد ف حمياة موروت بتحاولو تقضو عليه ..... مع انه لو شلنا الغبار عنه يكون
لوحة فنية راقية ..... ما ترسمها الا يد فنان عبقري .....
حولتو القضية الى جرم محرم ......
وكأن رقيص العروس شرك أكبر .......أو عمل يخرج من الملة ....
الموضوع أخذ منحنى تاااني من بعض المتداخلين،، والهدف كان من هذا البوست هو معرفة الأخطأ ومحاولة تصحيحها وليس إلغائها أو حذفها من أبجديات مناسباتنا،،،
التعري أو التصوير أو غيره من السلبيات يمكن تفاديها بسهولة أكثر من إلغاء الفكرة الأساسية الموروثة سلفاً من أجدادانا،، وفي الأخير تبقى العادة دي أهون من المصائب التي تحصل حتى في الدول الأكثر تشدد دينيـــــاً،،،
إبراهيم الجيو كتب:الموضوع أخذ منحنى تاااني من بعض المتداخلين،، والهدف كان من هذا البوست هو معرفة الأخطأ ومحاولة تصحيحها وليس إلغائها أو حذفها من أبجديات مناسباتنا،،،
التعري أو التصوير أو غيره من السلبيات يمكن تفاديها بسهولة أكثر من إلغاء الفكرة الأساسية الموروثة سلفاً من أجدادانا،، وفي الأخير تبقى العادة دي أهون من المصائب التي تحصل حتى في الدول الأكثر تشدد دينيـــــاً،،،
moony كتب:سرونا الغاليه كلامك صحيح 100 %
شكرا انك وضعتي النقاط فوق الحروف
وانك اوضحتي نقطة نظرنا
وكل زول وعندو رأي لكن عاداتنا ما نتخلى عنها ده الصحيح
المشرف العام كتب:
حقيقة هنالك العديد من مثل هذه العادات ..لا تتماشى مع ديننا الحفيف....ولا
تواكب الحياة فى يومنا هذا.....لماذا نتمسك ونتعامل بها حتى اليوم؟؟؟؟
المياسة كتب:
دي عادة غلط من الاساس والناس بيتبعوها لانها بتاعت اجداد اجدادنا
sarona كتب:..
.الاعزاء المتداخلون على البوست ........
أتمنى أن يكون جزء من المعنى اللي حابين أنه يوصل ليكم يكون وصل .........
من خلال ما كتبت أو ما كتب الاخوة اللي اقتبست جزء من مداخلاتهم .......
الهد ف حمياة موروت بتحاولو تقضو عليه ..... مع انه لو شلنا الغبار عنه يكون
لوحة فنية راقية ..... ما ترسمها الا يد فنان عبقري .....
حولتو القضية الى جرم محرم ......
وكأن رقيص العروس شرك أكبر .......أو عمل يخرج من الملة ....
والاخوات دخلو متحاملين على الموضوع جملة وتفصيلا ..... وبحماس أدهشني .......
كأنه تقليد لأمريكا أو اليابان .......
طبعا حرية الرأي مكفولة للجميع ....... وأختلاف الرأي لا يفسد للود قضية
.لكن لما تصل للمساس بموروثاتنا وعاداتنا الحته دي تبقى عايزه ليها وقفة
من جديد ....
وزي ما ذكرت الاخت موني الثوب السوداني مثلا موروث سوداني بل هوية سودانية
مع انه لا يمت للدين والشريعة بصلة لكن قادرين على لبسه بحمشة ووقار ......
تتماشى تماما مع أوامر الدين الاسلامي ......
مع انه ممكن يكون كاشف جدا لجسد المراءة ومبين كل المفاتن ...........
وتنطبق ليه حديث ( كاسيات عاريات ).......
وبرغم كده قادرين نطلع بيه بكل الحشمة والوقار ........
وياهو اللي جينا ولقينا امهاتنا لابسنه .......
وبرجع تاني وبدافع وبشده عن كل العادات والموروثات السودانية الجميلة الاصيلة
وفق ماتحكمنا بيه دينا أولا و عاداتنا وأخلاقنا السودانية الاصيلة الجميلة .......
حنة العروس رقيص العروس الجرتق قطع الرحط ....وحنة العريس كمان ......
عادات سودانية جميلة وجودها بيعني هوية سودانية متفردة بلا شريك أو منازع ... أعـــــــــ ـــلان :
السني وتمبرللي .....يا أقنعتوني يا اقنعتكم ..................
.
اعزائي
سارونا, الجيو وموني
تحياتي
انا معكم انو دي تقاليدنا وعاداتنا وموروثاتنا وما مفترض نحن نخليها ولازم نتمسك بيها ولو فيها اخطاء نحاول نصححها وده الهدف الاساسي من البوست لكن اذا كان الموروث في حد ذاتو خطاء؟؟؟؟
برضو نتمسك بيو؟؟؟
لاني بصراحه شايف انو كل كلامكم عن انو علشان دي عاده سنها جدودنا مامفروض نسيبها طيب ليه اذا كانت غلط ما نسيبها لمجرد انها عاده لقيناها بتتعمل؟؟
عادات سودانية جميلة وجودها بيعني هوية سودانية متفردة بلا شريك أو منازع ...
.
الاخوات سارونا وموني
صباحكم زين
شايفكم ماسكين في الحته حقت العادات والتقاليد ومتمسكين بيها شديد
طيب يا اخوانا لو انتو متمسكين بالعادات وبتدافعو عنها عندنا عادات الشلوخ ودق الشلوفه زمان
عند حبوباتنا ،،، طيب باعتبار انها عادات لو حبو يطبقوها عليكم حتوافقو؟ اكيد لا
اهلنا زمان وحبوباتنا وجدودنا ما اخدو فرصه كافيه في التعليم زي ما اخدناها نحن في وقتنا ده...
الواجب علينا ونحن المتعلمين انو نمنع العادات دي وخصوصا في زمنا ده لما بقي رقيص العروس بي ملابس الحريم يخجلو منها.
سارونا انت زكرتي الاحتشام تقدري توصفي لي فستان الرقيص بكون كيف؟
حسب ماشفت فستان الرقيص بكون تحت الركبه بي شويه وغالبا ما تكون اكمامو كط او نص كم وبكون ضيق شديد ومبين مفاتن العروس بي صورة واضحه ،،،
طيب وين الحشمه هنا؟
انا بالنسبه لي كعريس وداخل علي دنيا وحياه جديده مفروض ابداها بدايه صاح شان ربنا يبارك لي فيها.
موضوع رقيص العروس بالنسبة للأجيال الحالية أصبح شيء يرتبط بالإحساس بجو الفرحة والعرس و و و. ولكن واجب علينا أن لا ننظر للموضوع بسطحية (عذراً،، الكلام ده ما معناه انك سطحية) ولازم نتعمق في معنى أي شيء نعمله ونطابقه بالمواصفات الأخلاقية والدينية،، مش هو ده الأمرنا بيه ديننا؟؟ من هنا،، بتنتفي كلمة (عادة،، أو تقليد) على أي شيء نجد فيه عدم مطابقة أو تعارض مع مبادئ ديننا. وخلينا نطبق الحاجات دي على رقيص العروس،، ولو نظر البعض لموضوع اللبس العاري،، فأنا ما أشرت ليه ولا ح أشير ليه،، لأنه في نظري مقدور عليه،،، ولكن بنظر للموضوع من الداخل،، وماهي مبررات وجوده.
وانا إتكلمت في الموضوع ده بما فيه الكفاية،، ولكن ما لم أتكلم عنه هم حاجتين كنت عاوز اتحاشي الكلام فيهم
أولا قطع الرحط:
قطع الرحط في الأساس كان ما بتلبس فيه العروس شيء غير الرحط نفسه،، ثم تم تغيير العادة لأن تلبس العروس ملابسها العادية،، ويلبس الرحط تحت الملابس،، ثم يقوم العريس بنزع جزء من الرحط،، ثم تم تعديله ليكون فوق الملابس. سارونا،، ما تلزيني للشرح أكتر من كدة فالأمر كله عبارة عن دلالات
ثانيا: مفردات الغناء:
ودي من أسوأ الأشياء معنى،، وأكبر محفز لينا لترك هذه العادة،، وما بقصد بالكلمات المبتذلة الجديدة،، ولا كامت الأغاني الجديدة،، فأنا أقصد الكلمات الأساسية للتقليد،، والبتنادي العروس بالتحرك يمين ويسار،، وتحريك بعض الأجزاء من جسمها وكل ما يمكن من الطرق الممكنة لوضع كلمات مغلفة فيها ما فيها من معاني لفت نظر العريس لأشياء لا لأحد دخل فيها سواه هو وعروسه.
أحبتي،، من ينكر هذه المعاني،، فهو مغمض العينين ولم يتمعن في أصل الأمر، وكيف نشأ،، وانا متأكد،، من يحاول أن ينظر للأمر بتجرد من فكره ونظرته السابقة،، ح يغير رأيه،، لأنه يتعارض حتى مع ما يحمله كل من أيد الفكرة من الأفكار والمبادئ حسب معرفتي بهم
انا لا اعيب عليها (العروس ) لأن الرقيص في حد ذاته فكرة مبتدعة من قديم الزمان وهي ذيها ذي غيرها حبت تعبر عن فرحتها دي
، رغم انه الرقيص ده من العادات الفلكورية السودانية القديمة الا انها في الآونة الأخيرة اخدت طابع آخر بقت استعراض بالمال والمظاهر الخداعة والمفاتن واللبس وطريقة العرض
والمؤسف اكتر انه كل المستويات بقت تفكر بصورة واااااااااااااحدة الطبيبة ، والمهندسة ن والعالمة ، الدارسة والما دارسة كله واحد للأسف ممكن الواحده ترقص لو عايزة ترضي رغبتها وغرورها ترقص بالصورة المحتملة والمرضية .
لكن السؤال مفردات الغناء:
ودي من أسوأ الأشياء معنى،،
: وين الجهات المسئولة عن التصنيف الفني في هذا الموضوع والتي يجب ان يكون لها الدور الكبير في عدم انتشار الظاهرة والتي اجتاحت كل الفئات في الآونة الأخيرة ؟؟
ومع تداخل الجميع بالنقاش الحاد مستنكرين اغلب العادات شكلو كده حنكون بدون عنوان
وحتبقى عاداتنا حكاوي واحاجي نحكيها لي احفادنا ده لو اساسا قدر زول يتذكرها عبر السنين
ويا تمبريلي هسي الجرتق ده ما بيقولو فال والفال تحت اللسان وتفألو خير تجدوه
وممكن اتفائل بخيوط لا تسوى شيئاً
في خرافات عديل اغلب الاجناس لي يوم الليله بيعملوها وممكن اعملها وانا بضحك وما مقتنعه لكن بالجد طقوسها جميله
وانا بفتخر بها
وبعتز بها
عندي صحبتي فرنسيه حضرت عرس سوداني اكثر شي عجبها الجرتق لانو ده الشي الوحيد المميز في العرس السوداني
وعلقت قالت باقي العرس نفس العرس بتاعهم وبتاع باقي الاجناس
اها انا لو خليت العادات دي والخرافات دي حابقى زي باقي الاجناس وما حابقى سوداني
ممكن ما اتخلى عن عاداتي اخذ منها المعقول الذي يرضي ديني واخلاقي وده ممكن يحصل وبسهوله
[quote="timbrilly.com"][align=center]
قد نكون رافضين رفضاً باتا لهذه العاده وانت متمسكه بها
[/size][/quote]
العزيز التمبرلي،،،،
الحديث بالجمع يوحي بالكلام عن مصلحة أمة ولسان الرفض يقتصر على صاحبه فقط وليس على الكل،،
العادات التي توافق الدين ليس في رقيص العروس فقط،،، بل حتى في العرس والإختلاط والتصوير أثناء العرس حرااااام،،، دي برضو عايزين تخلوها،،،
الإخوة المتزوجــــــــــــــون ذووي الفتوى هنا،، (( تأمرون الناس بالمعروف وتنسون أنفسكم)) أتمنى لو كان ربنا هداكم قبل أن تطبقوا هذه العادة في مناساباتكم،،
كنت أتمنى أن يكون الحديث عن تفادي العيوب (النادرة) التي تحصل في مثل هذه المناسبات،، لكني أرى أن الحديث أصبح لإلغائها تماماً من عاداتنا،،
أخيراً،، أختلاف الرأي لايفسد للود والخوة قضية فيما بيننا،،، سارونا التمبرلي موني،،، طولوا بالكم