عندكم واتساب..؟

[الشلواح]

عندكم واتساب..!!
زاهر بخيت الفكى..

جاتنا رسالة ..
من جوال..
تحكى بشاعة الحاضر..
تَسرُد واقع الأحوال..
جُملة قصِيرة من كلمات..
فيها سؤال..
تحدِث عن زمانَا (المال)..
أصلوا (المال)..
معاهوا نَمـــيل..
محل ما (مال)..
هى حقيقة ما تمثيل..
جميع الفيها هم أبطال..
هى رسالة..
من مجهول..
تحدِث عن فساد الحال..
جات للناس..
تقصِر فى لساناً طال..
جاتنى أنا..
جاتك إنت.. يا زول..
كل من يحمل..
المحمول..
عندكم واتساب..؟
خش الصفحة..فيها فيلم..
فيلم سودانى ما معقول..
فيهوا شباب..
عُمر عشرين..
وما مسئول..
معاهم شابة..
فى غيبوبة ما واعية..
اغتصبوها..؟
كانت راضية ..؟
ما عارفين..
هم عارفين..
باقى القصة..
شرحوا يَطول..
قصة غريــبة..
حاجة عجيـبة..
تحكى مصيبة..فيها فصول..
ويـن العِفـــة..
وين السُتــرة..
وين باقى الأُصُول..
خليتوا تانى شنوا..
عذبتـــوها..
صورتوها..
مبسوطين..
رسلتوهــا..فى الواتساب..
أبيتوا السترة من رباً..
غفور تواب..
صبحتوا مفضوحين..
بالفاحشة والعيب يا شباب..
بالفاحشة والعيب يا شباب..

[الشلواح]

ومم الخجل بعد وهكذا صار الحال..؟

[kaydoo]

قصيدة جميلة ومعبرا وفي وقتها ,,, والحمدلله اني ما من رواد الواتس اب

[dream-lady]

اللهم نسألك الستر والعافية....

ومع الواتساب ....ومع اناس لايخشون الله

انتشرت الفضائح فغزت كل شبر في البر والبحر

وجع أليم وواقع يصعب فيه ضغط زر (التراجع)

من ننادي؟!

.....

[3Aiz A3eesh]

اللهُمّ أشفِني مِن داء الوآتس آب العُضال ...