خسارة فاطمة فيك..!!
زاهر بخيت الفكى
هذا زمانِك يا مهازل ..
أمرحى..
آن الأوان..كى تفرحى..
لا تبرحى..هذا الزمان..
زمن الهوان..
إن تفصحى..
كل البيوت ..لو تنصحى..
ما فيها.. زول مسئول..
كل الشباب ..مسطول..
صائع ..تعيس سجمان..
منهك من الإدمان..
يترنح يمين وشمال..
يتمايل شديد سكران..
ولا صاحى..
هموا الوحيد يزنى..
يهتك عروض الناس..
فى القرية والجيران..
هائم دوام مشغول..
باحث عن الشهوات..
والقصة فيها فصول..
ترويها بت نكِرة..
بئس الكلام قالت..
عن الحق ..كتييير مالت..
جافاها صدق القول..
تبحث عن الشهرة..
لو تلحق يديها تطول..
تنسف جميع الناس..
وتبقى مشهورة..
والشهرة يا نكِرة..
ساهلة ميسورة..
للعلماء والجاهلين..
بس الفرق شاسع ..
بين جاهل ..وبين عالم..
إنتى يا مغرورة..
يا مغمورة..
معروف مقامك وين..
ما اظنك مع العارفين..
كلامك فينا.. لا مقبول ولا معقول..
يا سيدة الجاهلين..
خسارة فاطمة فيك..
يا السموك على بت الرسول..
ياسين..
ختام القول..بقول..
استغفرى..
وارجيهوا من ربى القبول..
واتنازلى..
شوفى وين درب الوصول..
للشهرة..ما تتطاولى..
خسارة فاطمة فيك..!!
المشرف: بانه
رد: خسارة فاطمة فيك..!!
قصيدة جميلة بس لا اتسطلنا ولا سكرنا ولا دخنا ولا سفينا والحمدلله بس الغلط الوحيد هي غربتنا وربنا يكون في عونا وعون كل الشباب