يسألونا عن الجزيرة..!!
زاهر بخيت الفكى..
يسألونا
عن الجزيرة..
أهملناها..
ضيعناها..
دمرناها..
سألونا..قاصدين..
عن الموية الوفيرة..
عن الترعة الكبيرة..
عن اب ستة واب عشرين..
تقانتنا.. وجداولنــا..
سراياتنا ومكـاتبنـا..
محطاتنا وقناطرنا..
مصانعنا ومحالجنا..
سكتنا ما ردينا..
ندمانين..
وسافين التراب..
منهزمين..
جرينا ورا السراب..
,,,,
دمارك يا جزيرة ..
وراهوا ناس نافذين..
الجميع عارفين..
إلا ما قادرين..
نقول..
يمرقونا كضابين..
الحواشات..عطشوها..
السكك باعوها..
المحالج وقفوها..
المصانع عطلوها..
العمالة وسرحوها..
ناس( المِلِك)..
أرض الجدود حصروها
بى أبخس تمن..
بعد الضغط باعوها..
لى منو ؟ ماعارفين..
زى التقاوى..الفاسدة..
منو العارف..؟ يورينا..
كلهم ناكرين..
جات اللجان..أفة السودان..
وراها لجان..
وراها لجان..
سريعة التكوين..
قالوا السبب تخزين..
اتقفل الملف..
ضيعنا المزارع..
نحن أصلوا ضايعين..
يسألونا ..عن الجزيرة...!!
المشرف: بانه
رد: يسألونا ..عن الجزيرة...!!
وضاعت الجزيرة
رد: يسألونا ..عن الجزيرة...!!
الله كبير
والظالم ليهو يوم
بكره اكيد بينصلح الحال
طال مالعشم في ربنا موجود
والظالم ليهو يوم
بكره اكيد بينصلح الحال
طال مالعشم في ربنا موجود
- شفت مكحل بي زفت
- مشاركات: 3355
- اشترك في: السبت 2013.6.15 6:25 am
- مكان: Khartoum
رد: يسألونا ..عن الجزيرة...!!
دقيقة اديك الفنيط...
انا متابع الجرائد اول باول ...
يوم ي زول فى واحد من ابناء الجزيرة الحمشين القلبهم حااااااااااااااااااار نار شطة حمرة كتب كلام انا قعدتا اصفق ليك من غير ما اشعر ...
كتب مقال انو عبد اللطييف النوبي سيادتو دعاء السيد جمال الوالي والسيد عبد الرحمن الخضر والي الخرطوم و مقامات من الشخصيات من ابناء الجزيرة فى بيت جمال الوالي ...
عارفين ليه...
قال عشان يضم شمال الجزيرة لجنوب الخرطوم.
وتعال شوف صاحبنا ادي ليك كلام انا لو كنت معاها كان بوست ليه راسو ما كفانا سوبا بقت ملاصقة للباقير قلنا تمام تمدد عمراني و شئ طيب لكن يقسمو الولاية ويفصلوها ...
عاد دا كلام ي اخواني
وتعال شوف قال للبوني انت منو اداك الأذن زاتو عشان تقسم الجزيرة يعني شنو الخرطوم قال ليه طظ فى الخرطوم نحن ما سألين فيه...
وكمان عاتب علي ضياع مشروع الجزيرة ياخ انا اليوم دا شده ما مبسوط تلقاني بضحك برااااي فى الحافة لمن الناس بقول الزول دا جنا ولا شنو .....
المهم غايتو ربنا يلم الشمل والأمن والإستقرار فى البلد ي رب ...
انا متابع الجرائد اول باول ...
يوم ي زول فى واحد من ابناء الجزيرة الحمشين القلبهم حااااااااااااااااااار نار شطة حمرة كتب كلام انا قعدتا اصفق ليك من غير ما اشعر ...
كتب مقال انو عبد اللطييف النوبي سيادتو دعاء السيد جمال الوالي والسيد عبد الرحمن الخضر والي الخرطوم و مقامات من الشخصيات من ابناء الجزيرة فى بيت جمال الوالي ...
عارفين ليه...
قال عشان يضم شمال الجزيرة لجنوب الخرطوم.
وتعال شوف صاحبنا ادي ليك كلام انا لو كنت معاها كان بوست ليه راسو ما كفانا سوبا بقت ملاصقة للباقير قلنا تمام تمدد عمراني و شئ طيب لكن يقسمو الولاية ويفصلوها ...
عاد دا كلام ي اخواني
وتعال شوف قال للبوني انت منو اداك الأذن زاتو عشان تقسم الجزيرة يعني شنو الخرطوم قال ليه طظ فى الخرطوم نحن ما سألين فيه...
وكمان عاتب علي ضياع مشروع الجزيرة ياخ انا اليوم دا شده ما مبسوط تلقاني بضحك برااااي فى الحافة لمن الناس بقول الزول دا جنا ولا شنو .....
المهم غايتو ربنا يلم الشمل والأمن والإستقرار فى البلد ي رب ...
رد: يسألونا ..عن الجزيرة...!!
شاكراً لكم إخوتى جميل مروركم وتفاعلكم وروعة تواصلكم..طبتم..
حسرات تتبعها حسرات على ما فرطنا فيه من قيمة حقيقية كانت بيننا ولو كانت الجزيرة كما كانت لما كانت المعاناة..وشاكراً لكم منى أجمل التحايا وأرقها
حسرات تتبعها حسرات على ما فرطنا فيه من قيمة حقيقية كانت بيننا ولو كانت الجزيرة كما كانت لما كانت المعاناة..وشاكراً لكم منى أجمل التحايا وأرقها