ودابنعوف..سلام يغشاك..!!
زاهر بخيت الفكى
سلام ود ابنعوف..
سلام يغشاك..
وين ما رحت ..
محل قبلت ..
وين ما ماش..
وين ما جيتا يبراك..
العشم يلقاك..
سدرك برد..
نفسك هِدأ..
اتغسل الوشيش.
الانهرد..
كذا الفشفاش..
سايل دمه..
هادر..
زى يوم يهيج القاش..
عندى كليمة ..
صغيرة أمحُمد..
مصيبتنا..
ما دايرة ليها نقاش..
حالنا صعيب ..
فى فد سرج راكبين..
ايدينا متشابكين..
أخوان..
ومتضامنين..
عشان حالاً..
كتييييييييييييييييير مائلة..
هم فيها مغشوشين..
مهما تدوم..
أكيد زائلة..
نصبح فيها يوم ميتين..
معاناتك..
معاناتنا..
حكاياتك..
حكاياتنا..
ذاتك إنت..
ما.. ذاتنا..
إياك سودانى..
هويتنا ممزوجة..
من عرب وزنوج..
أصلنا سودانى..
ما فينا واحد..
جده ألمانى..
داك سفسف..
داك يلغف..
واحد بى هناك يلهف..
كان دايرنى..
تلقانى ..
واقف منشحط فى صف ..
عشان أدفع ..
جباياتنا..
نفاياتنا..
قباناتنا..
صنوف من معاناتنا..
ايصالاتنا..
بطاقاتنا..
عشان أثبت ..
هويتى..
واوريهم ..
جنسى سودانى..
سيدى الله..
ما معاه تانى...
ود ابنعوف ..سلام يغشاك..!!
المشرف: بانه
رد: ود ابنعوف ..سلام يغشاك..!!
ودابنعوف كلس وهميم بالحيل
راجل ود رجال بيعدل الميل
راجل ود رجال بيعدل الميل
فارس يعرفه القلم والليل
.
.
" طبعا انا قاصد ودابنعوف صاحبي "
.
.
" طبعا انا قاصد ودابنعوف صاحبي "