بالنسبة للمتواجدين الآن .. وكدا

[insan]

الواحد لو كان عارف بوصلتو ممكن تتجهجه كدا ما كان مرق ذاتو !!!!


غايتو تتنظر البيات الشتوي
إمكن نكنكش ..

[dream-lady]

خلاص امشي وتعال لينا في الصيف

تلقانا نحن يانا مرقنا وفتنا

[jasmina]

المتواجدين مالهم

[insan]

المتواجدين مالهم

عايني لى ديل
وبالأخص عصمت هذا الباحث عن امرأة درة !!!!!
على باليمين لو كنت في إدارة المنتدى أشطبو ولا كتّر خيرو
تجي داخل بمزاج ملخبت يلاقيك واحد زي دا إنتهي منو كلوكلو !!!
مفروض الواحد يكون عندو ذوق في اختيار الاسم حسب ما يراه لائق
ويتوافق مع رغبة الكتابة أولا .. وبعد ذلك يشوف ليهو امرأة ينكحها
أو يكون دخولو في سبيل الله ساكت ..


المتواجدون الآن: (الأعضاء 2 والزوار 149)
insan, عصمت الباحث عن امرأة درة

[dream-lady]

متواجدة...ولستُ متواجدة

[dream-lady]

أكبر تواجد بالمنتدى كان : 2,019 بتاريخ 17-06-2010 الساعة 15:28
dream-lady, أبو صديق, مسلمة وافتخر+, هامس

طابخة شنو؟

[insan]

متواجدة...ولستُ متواجدة

بل .. متواجدة ..
وبكثرة .. يحسدك عليها الأكسجين ..

[مسلمة وافتخر]

أكبر تواجد بالمنتدى كان : 2,019 بتاريخ 17-06-2010 الساعة 15:28
dream-lady, أبو صديق, مسلمة وافتخر+, هامس

طابخة شنو؟

اكلنا دليفرى

[insan]

عطشان .. وفوق أحزاني متكي .. بتطلعي ؟؟؟ ماااب تطلعي .. والمسام مختون بالألم الأحمر .. فوهة النفس الحار آخذة في التمدد حتى اتخذت شكل الطراطيم والبرطمة .. مقطب الجبين كوديان مني أنا .. لن تطلعي حتى لو استغنيت عن وظيفة الزفير .. ربما تجي موجة تطقشك يا بت الناس .. لااااا تطلعي من صوتي .. فقط دعيني أهمهم باسمك كي لا تزعجك حبالي الصوتية فـ تنطين في لهاتي حيث ثاني أكسيد الكربون وعبث الآهات الفتاكة ..


بعد دا كلو تكون قاعد في هذه الأمسية الفترانة
ووشّك ما عندو علاقة مع قفاك !!!
مجرد ذكريات تناوش السكون
فتجعلني كعلب صلصة فارغة مدردقة في زلط ..



المتواجدون الآن: 166 (الأعضاء 5 والزوار 161)
‏insan+

[insan]

اكلنا دليفرى

حِليلن هِن ..
حبوبتي لامن يرسلونا نجيب فول من الدكان كانت بتنقنق ..

[مسلمة وافتخر]

حِليلن هِن ..
حبوبتي لامن يرسلونا نجيب فول من الدكان كانت بتنقنق ..

وبكرة طابخة بيض مسلوق

[insan]

وبكرة طابخة بيض مسلوق

الحنكشة في أنبل معانيها قال ليك
الله يستر
ويخلي لينا الجداد
البودي الكوشة

[ريانه إمام]

المتواجدين الآن..كلللللنا
إلاك..
والشوق في الكرسي الفاضي
وطعم الحته حزين من دونك
..
المكان:بيتنا

[insan]

المتواجدين الآن..كلللللنا
إلاك..
والشوق في الكرسي الفاضي
وطعم الحته حزين من دونك
..
المكان:بيتنا

البيت منوّر بأهلو ..
بس لو لحقتا قعدتا في الكرسي الفاضي بستّفو شوق لامن كرعينو تغوص في طين بيتكم ..
ثم أختفي في ظروف غامضة ..
وليأكل الكرسي ناره بعداك

شنو ياخ
تطلقي فينا نيران حزننا القديم وتفكونا ساي كدا لمطبات الزمن ؟؟؟
يا لها من بارحة عكرانة ومدججة بالأسى !!!!

[ريانه إمام]

وماذا لو تلك النار شبت في خشب البال..؟!
.
.
كانت أمسيه مرهقه وكنت جايه من آخر الريد مشيا علي الأشواق..
لكن
لي كل المساءآت..ولك الغياب

[insan]

وماذا لو تلك النار شبت في خشب البال..؟!
كطع شك ستحيل اليابس أخضر .. ولبلاب الأشواق يتسلق ببطء في حتة جووووه هناااااك بتعرفيها براك ..
.
.
كانت أمسيه مرهقه وكنت جايه من آخر الريد مشيا علي الأشواق..
لكن
لي كل المساءآت..ولك الغياب

الغياب يا سيدتي هو جلوسي منفرداً بروحك ..
والمساءات قيثارة تعزف لحنها الأبدي في قارعة روحي ..
شفتو كيف بتدخلونا بالمزيكا وتقلبونا نوتة ؟؟؟

الوش الخجلان داك وين يا جماعة ؟؟؟

[dream-lady]

ذهبت ...أنا

وتواجدت ..أحزاني

مصفوفة على قيف الملل

والانتظار....سراب سراب


ملحوظة: لم أتواجد هنا...

[ريانه إمام]

الغياب يا سيدتي هو جلوسي منفرداً بروحك ..
والمساءات قيثارة تعزف لحنها الأبدي في قارعة روحي ..
شفتو كيف بتدخلونا بالمزيكا وتقلبونا نوتة ؟؟؟

الوش الخجلان داك وين يا جماعة ؟؟؟

الغياب هو..ملل بطين عيشه الزول ويسل روحو زي غنيه طويييله لأم كلثوم..
والمساء..راحه بال لكل الحزاني الهاربين من ضيق أخلاق النهار
.
.
لي كل الحمي..ولك (اقصي حالات الحضور المشتهي)

[insan]

ذهبت ...أنا

وتواجدت ..أحزاني

مصفوفة على قيف الملل

والانتظار....سراب سراب


ملحوظة: لم أتواجد هنا...

إتي مب تتوبي من زوغانك دا ؟؟
متكضبّي على روحك ساي !!!

هو ذاتو المتواجد هنا منو ؟؟
مجرد مخلوقات مجدّعة في كراسي (الزايلة دي) وضواحيها ..
نغرّد خارج سربنا اليوماتي .. ربما لنصدح .. أو لنشطح داخل المنظومة المتسترة ..
وربما الفكاك من واقع غرز نصله في خاصرة وجعنا المزمن ..
وفكانا نفتّش عن جبيرتنا بطريقتنا المجوبكة هذه !!
وليوم الليلة مكسور الخاطر !!
ومفتول مرتين !!!

غايتو
لو ما الشكية لغير الله مذلة
كنت دقيت ليكم صيواني هنا دا

[insan]

الغياب هو..ملل بطين عيشه الزول ويسل روحو زي غنيه طويييله لأم كلثوم..
والمساء..راحه بال لكل الحزاني الهاربين من ضيق أخلاق النهار
.
.
لي كل الحمي..ولك (اقصي حالات الحضور المشتهي)

سخونة الحمى مقدور عليها لكن حرارة الشوق الكعبة
مكمدات ما ليها .. غير نلغي من دفترنا اليومي إمضاء الحضور .. بالحضور ..

غايتو
تعلّمي تحضير بني آدم دسم (قاعد هناك) بذاكرة خالية من الكوليسترول ..
حتتمني أغنية أم كلثوم ما تنتهي .. وحتطلع الطبخة مفعمة بتوابل الفقد ..
والله جد
مع إنو .. مع إنو !!!!!
بس نقول ياااااا منو ..