أجمل حاجة فى هذا الكون
إنو تعيش إحساس مجنون
إنك تسرح.. تفرح.. وتمرح
تكتب.. وترسم.. وين مايكون
ولما يصادفك هم فى دربك
أعرف إنو قدر مضمون
وكل ماتلقى أمامك ضلمة
عيش الدنيا بأجمل لون
المشرف: بانه
مها كتب:براي فى الليل بسامر فيك،،
واخت صورتك قصاد عيني
وفي اوجاعي بحتاج ليك،،
وتطرب قلبي كلماتك
واخجل من حنان عينيك،،
وكل ما الشوق يفوت ميعاد
تضمني ف الخيال ايديك،،
ويبقي القول سمح بالحيل
وكت تطراني يوم عينيك
waya كتب:مسافر ليه ,,,
,,, ونار اشواقنا ما زالت موقِدة في الخطاوي أسى ,,,
,,, ومدفِّقة في الغناوي حنين ,,,
,,, عناوينك بقت في زحمة السفر الكساك غربة ,,,
,,, وسقتنا أنين ,,,
,,, تواشيح لي مكان مبهم ,,,
,,, تحلق في سماهو الروح ,,,
,,, تفتش زول سكن نبض الحنايا سنين ,,,
,,, أيا عارف الزمن غدار ,,,
,,, أما حسيت تباريح السفر والخوف ,,,
,,, أما صحيت عويناتك ,,,
,, علام النوم وسط دمعك ,,,
,,, رحيق قلبك إذا ملهوف ,,,
,,, مسافر ليه وجرحك ني ,,,
,,, ونيلك تاه بلاهو الضي ,,,
,,, وموج زمنك بقاسي الطوف ,,,