إحتفال العيد الأول،، يديكم العافية شباب

[حموودى]

اشرح ليكم كلام حافظ



طبعا هتان جه متأخر شويه كده يعني ساعه ونص بس

وقعد ياكل وياكل ومره مره يخش في الكلام وبعد ما نقفل الموضوع يجي هتان يرجعنا ليو تاااني (فارق زمن)


وفجأه تلفونو ضرب وجري بعييييييييد وقعد يتكلم زي الزانقنو في حاجه
ولم جه راجع قال ياشباب ناس البيت وكده وانا لااااازم امرق طوالي قدر ماحنسناو رفض نهااااائي


وفجأه







فجأه






وتااااااني فجأه







ظهرت ست الحسن والجمال وصاحبنا اتكهرب وماعرف يمينو من شمالو


وهاك ياقعده ومشاركات وونسات وطلع آآآآآآخر زول من الحديقه


غايتو ناس بيتم حايكونو ادوهو الكرت الاحمر






ومن المتوقع انو حايسكن في المنتدي الشعري.





هههههههههههههههههه

[sarona]

طبعا تم اهداء تورتة من المشرف العام لاسرة ننوسة

ننوسة العسل تسناهل وأكثر

.

[حافظ عوض الله محمد]

ننوسة العسل تسناهل وأكثر

مشرفنا العام الاخت ننوسة تستاهل انها تكون بين مشرفى انا سودانى
ليس السبب تنظيمها الراقى لاحتفال العيد الاول
ولكن منذ عرفتها فى ربوع انا سودانى وهى تكن لهذا الصرح مكانا كبيراsize]

[sunni]

يا شباب،، ما تاكلونا حنك

وكدي تعال أحاسبك يا حموودي.

حسب معرفتي انه الصور دي لو كانت ديجيتال،، ولا صورتها وعملت ليها مسح،، فتسمية الصور دي من الجهاز،، سواء كان من برنامج الماسحة،، أو من برنامج الحفظ في الكاميرا،، ومن هنا وقعتك سودة معاي،، وخلي الدسدسة. وكدي خليني اشرح ليك قصدي

برامج الحفظ عندها تسلسل،، يعني لو قلت ليه عاوز تسمية الصور تكون بالإسم (Image) ودي التسمية الإفتراضية الإنت مستخدما،، بتقوم تعمل تسلسل للصور،، يعني (Image0001, Image0002,Image0003) وهكذا،، يعني متسلسلة عددية.

طيب،، الصور الجبتها لينا دي،، أرقاما كالآتي

صورة المغربي Image062 وهل دي الصورة الأولى؟؟؟
صورة كيس الحلاوة Image063
الصور من 64 إلى 71 وين ؟؟؟؟؟؟؟؟؟
صورة راشد صلاح يحى سليمانImage072
صورة ترطيبة Image073
الصور من 74 إلى 102 وين ؟؟؟؟؟؟؟؟؟؟
صورة السكين بتضبح في التورتة المسكينة Image103
الصورة 104 وين ؟؟؟؟؟؟؟؟؟
صورة التورته والشمعة Image105
الصورتين 106 و 107
صورة حليم جابر Image108
وبعد الصورة دي،، انا ح أعمل فيها عويييير،، واصدقك انه دي الصورة الأخيرة
كدي راجعو معاي التسلسل ده،، ياربي انا ما بعرف حساب؟؟؟ ولا في صور مدسوسة مننا ؟؟؟

ملحوظة،، الصور كلها لأحداث متتابعة،، يعني ما تجي تقول لينا انه في صور عائلية في النص،، إلا لو كنت اثناء الحفلة بتجري البيت وتجي ؟؟؟؟؟؟؟؟؟ وجريت كم مرة ؟؟؟؟؟؟؟

أركز ،،،،،،،،،،، ورد ،،،،،،،،،،،،،،، المدسوس منو ؟؟

[sunni]

ما لم يحدث في الحفل

كان هناك تخطيط،، ولكن فشل بسبب حدوث وفاة لصديقي المفروض يمثلني حقيقة ويعمل ليكم المفاجأة بالنيابة عني،،،،،

وهي كانت كالآتي

كان مفروض تجيكم قوة من مجموعة من الرجال،، يعملو ليكم انهم من الأمن،، ويطالبوكم بالترخيص للتجمع والإحتفال العام ده،،،،

وبعد بوظان الأعصاب،، ولو فيها نصيب من البكى وكدة،،، يدوكم التورتة،، ويطفو معاكم الشمعة،،، وبعد كدة ويمشو يخلوكم،، لكن نيتكم غلبت نيتي هههههه

بالمناسبة،، لمن يسأل،، ممثلي هو محمد فتح الرحمن،، وهو إبن أختي،، وهو ما عضو حالياً،، لكن عضو مستقبلي بإذن الله.

[موكب فرح]

يا ننوسه شمارات سريييييييييييييييييييييييييييييييييييييييييع .أكثر مما صبرنا مابنصبر.

يلا







جري








جري






إنتي





لسه









ماوصلتي





عليك الله شوفو البت دي يا أخوانا تقول جاريه في طين.

[asool22]

[align=center]والله لمه تعمل الكيف بالحق ... ان شاء الله دائما يد بيد مع بعض من اجل اناسوداني

ربي يخليكم لبعض ويخلي كل الاعضاء بألف خير .. تعرفنا على الاعضاء بالصور

مشكور اخونا حمودي على التغطيه والصور ...

اللهم صلي على النبي والله لمة حلوة إن شاء المرة الجاية نكون معاكم وملمومين في الخير

كنت اتمنى حظور عدد اكبر من الاعضاء لكن ان شاء الله المرة الجاية !!

لو ممكن يكون في قائمه بالاعضاء الحضور.

تحياتي .... للجميع[/align][/size]

[شمس الغربه]

السلام عليكم ورحمة الله وبركاته


أولا الشكر والتقدير لكل من بذل مجهودا في سبيل انجاح هذا الحفل
ولكل من شارك بالحضور والأتصال وحتى من شارك بقلبه وعقله
وجزاكم الله كل خير

وجزاك الله خيرا مديرنا وعمنا / السني...
لفتح هذه النافذة لمتابعة أخر ألاخبار والصور والتقارير
مع تنقشات ناس التنقشه ..! ههههه!!!
ودايما متليمن ودايما أنا سوداني متألق.
وان شاء الله نكون معاكم في الجاية


تحياتي وخالص ودي واحترامي

[وكيل عريف]

بختكم والله حسدناكم

وكيل عريف

[ابراهيم الجيو]

دي النجيضــــــــــــــــة

يا ننوســــــة,,,


مرة ب (100) راجــــل,,,:D

والله حاسدينكم عديل,,,

كل ما أتصل على شخص,,,

ألقى تلفونوا مشغول,,,

كرهتونا يا السني وأستارو وإبن بطوطة,,,

لكن مراسلي من قلب الحدث كان متابع معاي بالمسجات,,,

[لحــ غروب ـظة]

اول صوره للاخ المغربي والثانيه (كيس الحلاوه بتاع عزااب)
والثالثه للاخ ترطيبه (بااااين عليو موش؟)
والرابعه واحده من مفاجآت الحفل ابن المشرف العام.
والبقيه تأتي.

العضو (المغربي)


كيس الحلاوة بتاع العضو (عزااب)


العضو (ترطيبة)


راشد صلاح

جنس تنقشه.

قام السني بتعديل الصور،، بعد إذنك يا حمودي

الصور فيها غلط معكوسة أتخيل لي :

راشد=المغربي

والمغربي = راشد

[استارو]

هوووووووووووووووووووووووووووووووووووووووو
ماتاكلونا حنك
اولاً بالجد الواحد سعيد بلمتكم وبتمنا دائماً الناس تتواصل مع بعض
قلنا الناس كلها انت هو؟

ثانياً التنقشة ناقصة والصور ناقصة وياحمودى جيب باقى الصور
ووين باقى الناس خليهم البنات هتان وحافظ وحليم ؟
بطلو حنكم البيش دا
المراسلين ديل ماعلى قدر كدا ولا كيف
اجمعو لينا بالخطوة السريع هنا دا!!!!!
وادونا التفاصيل بالكامل شايفكم عملتو نايمين زى ماهتان عمل نايم من ناس البيت..
ابراهيم الجيو اظهر وبان ولا انت عارف اخوك بشرك ليك بى شنو؟





ويـــــن الناس

[سودانية نار]

اولا وقبل كل شئ اعتذر جدا لكل المشاركين بالحفل باني وصلت متاخرة نسبة لظروف العمل ورجعت بدري نسبة لظروف اسرية .
والغايظني شديد انو الاجواء بقت اجمل بعد ما مشيت .

كان احتفال اكثر من رائع
والجهد الذي بذل فيه واضح تماما
مشكور كل من ساهم في اخراجه بهذه الصورة الرائعة
شكر خاص وتقدير للننوسة وشجون والاسرة الكريمة
الاخ التنقشاوي الاممي حافظ

طبعا انا عرفت حمودي من صورته في المنتدي
وطلع زي ما اتخيلت زوووول دمه خفيف جدا
ترطيبة الزول الرائع
بالجد سعيدة باني شفتك وجودك خلي الاجواء ملئية بالبهجة
شجون ..... من اول كلمة قالتها لي لحظة طوالي عرفتها
ومبروك ..... تعملوها بعد ما امشي
هتان ود الجيران ...... دعوتك في الريخاب
ما وقعت ارض ... شكلك ود شيوخ
الحق يا صهيب جاءك منافس في الشياخة
ومبروك يا هتان ... التنقشة وصلتني
المغربي .... الزووول الهادي
سعدت بمعرفتك
وربنا يعينك في الدراسة
بت بري
شرفينينا ونورتينا .... واظهري علينا شوية زيادة
الحدث عبد الحليم جابر
تفاجاءت جدا ... بانه صغير السن
ما شاء الله عليك
مواهب ومقدرات عظيمة


وبجيكم راجعة للباقي

[sunni]

لحظة،، والله حقو نعينك مراجع عام المنتدى

ملحوظة جميلة منك،،، تم تصحيح تسمية الصور

يديك العافية

[nunoosa]

بسم الله الرحمن الرحيم

يا وطن الحلم الساكن في النجمات
ومساء الورد الأجمل وأحلى
على الغالين وعلى الحلوات
ونسيم العافية النضّر فينا
حنين غنوات..
يا ليل ممهور بعشا البايتات
يا ريحة الصندل والإحساس
الأخضر يانع والآهات
الساكنة صدور النفس القايم
لمن غابت لحظة وجات
سودانيات..
يا نبض العلم الرفرف في آفاقنا
ووزع لينا الضو شربات
بين ميعادنا الصاخب همسو
وبين ريحان نادي ورايات
يا أعلى منابر قامت لمّت
سقف السما واتمدت فينا
طريق وثبات
أيامك حلوة وناسك عافية
وشوقك موت وحنين ما مات
ولمن غبتي
القمر اتدسى في راس البيت
والبحر اتاوق لينا وفات
ولمن جيتي رجعتي مليتي
حياتنا مسرة وجلسة امتدت
لي جلسات
مليانة غناوي الإلفة العايشة حنانك
ساعة بتقعد بالساعات
في عيونا بترسم شوق الدنيا
عليه الريد ينساب نغمات
سودانيات..

اولا وقبل كل شيئ احساس السعادة والفرحة سبب لي ما يعرف بال(happyness headache)

لذا ارجو المعذرة في التأخر في موافاتكم بالتفاصيل

ومن الفرحة ما يجيب الالتهاب

كانت من الف ليلة وليلة

لمة حلوة ناس رائعييين جدا خااااالص

ومفاجاة تلو الاخرى وكل واحدة اروع من التانية

كان يوم اجتمعت فيه الدهشة والبهجة والق حضور البورداب المبدعين

وكان في جو من الاريحية والفرفشة والضحك استمر معانا لحد تاني يوم (صاح شباب)؟

عبارات كتيرة وتفاصيل احداث

و.............

و...............






و.................


............

................



ده كله كلام

برجع ليكم بي تفاصيله واحدة واحدة

الليلة يومكم ابيض معاي

[nunoosa]

قائمة شرف الاحتفال

1)ترطيبة

2)حموودي

3)حافظ عوض الله

4)ضيف

5)المغربي

6)مجدي عكاشة

7)سودانية نار


8)لحظــ(غروب)ـــه

9)ننـوسة

10)شجون

11)ضيفة

12)مفاجأة السيد المشرف العام

13)مفاجأة السيد المشرف العام

halim jabber(14

15)بت بري

17)هتان

18) مفاجأة السيد المدير العام

19) مفاجأة السيد ايمن

20) مفاجأة الأستاذة عذاب
* المفاجات دي الا واحدة واحدة

[عزاب]

كل سنة والجميع بيخير
والله ياعمو صلاح لو كناعارفين حايجينا عسل ذي راشد كنا جينا انشاء الله تحصل فركشة
ماتفسر ساحافظ كويس نحن كدا كويسين
وبعدين يا حافظ الهدايا الزغت بيها دي مافي داعي لزكرها خليها تحت تحت بينك وبين نفسك
شنو ياحمودي والله واحشنا
والمفجأة الادهشتني فعلا هي حضور الاخ المغربي حيث اني التقيت به من قبل عن طريق الصدفة في مقهي نت ولكني لم اللحظ وجوده في المنتدي باستمرار

[sunni]

ننوسة ،،، حافظ،،، هتان،، سودانية نار،، لحظة ،،،، والبقية بدون فرز

بإسم الما حضروا بقول ليكم،، كدي تعالو شوفو،، صحون السلطات كلللها قشيناها،، وكل المقبلات،، والشوربات،، وكللللله خلاص ،،، بح

هاتو اللحم يا عالم ؟؟ وين الضلع،، وخلونا من بجيكم،، لي عودة ،، وما بعرف ايه،، كلام بوظان الاعصاب ده

[صلاح يحيى سليمان]

كترتوا الكلام....!!
وين الصور يا شباب.؟؟؟؟؟؟؟؟؟؟؟

ننوسه صبرنا كمل...!!

[sarona]

كترتوا الكلام....!!
وين الصور يا شباب.؟؟؟؟؟؟؟؟؟؟؟

ننوسه صبرنا كمل...!!

مش بس كمل ده فات حدوده وأكثر ....

ننوسة الصور سررررريع ولى أجي اشوفها بنفسي ....:D