منتدى أنا سوداني

البركة فيكم ...ربنا يتقبلها بقبول حسن ويسكنها الجنة ويلهمكم الصبر

لا املك الا ان احيه على طموحه...حتكون صعبة يقفز من تانية متوسط لتالتة ثانوى وهو طالما عنده عزيمة ممكن يقرا من اولى ثانوى وتلاتة سنة حتعدى عادى.

سبحان الله ...الانسان الاول انسان العصر الحجرى كان عاريا الا مما يستر عورته ومع تطوره اصبح يغطى جسمه وفى العصور الوسطى حتى نساء اوربا كن يغطين كامل اجسادهن ...الان اصبح الناس يرجعون للعصر الحجرى ويتجردون من ملابسهم شيئا فشيئااذا اين هو التخلف ياهؤلاء؟مالكم كيف تحكمون؟ديننا امرنا بالحجاب لان فيه صلاح...

ياسلام يابت كوش اثرت فينا الحنين للشمالية الساكنة فى ضلوعنا ولاهلنا النوبة وياريت كمان تدينا صور جديدة تانى..دى شكلها مناطق المحس كان نفسى ازورها .ماقصرتى تب

كلامك يبرى الجرح يابت عباس...المشكلة انو الناس بقت لما الدنيا تتقفل فى وشها بيحاولوا ينسوا الفيهم بطرق الترفيه الماتعرفيها نعمة ولابلوة .كم مرة ايقنت انه حياتى بقت من دون معنى واحاول اهرب منها من دون فايدة واقتنع ان لامفر الا الى الله وبفضله احس بطعم الحياة من تانى.تشكرى على الكلمات الحلوة.

يديكم العافية والله كنت مدبرسة وزهجانة بس لما قريتها اتفقعت من الضحك ...دايرين نكات جديدة تانى

ماحزرتى...البعدى بخاف من العنكبوت..

والله يانوسة انا طبعا متزوجة ,بس ماكنت حاكون عندى مشكلة لو اكبر منى ب10سنوات..حكاية الااطفال دى ماخطرت لىلكن بصراحة بعد ماشفت الشقاوة فى اولادى بقول لا...من جنسية تانية مافى مشكلة طالما مسلم بس القرار الاول والاخير فى الحتة دى بكون للاسرة طبعا.

شكرا سيما..مع انك جديدة لكن مبين انك مميزة....شمعة امل مميزة جدا وهى شمعة فعلا ...وبصراحة كلكم مميزين

جزاك الله خير واثابك اخى ..

ياريت يادكتورة تعملوا منتدى النفسيات عديل كدة وتجيبى معاك دكتورين تلاتة وحتلقينا مشرفنكم كل يوم

مرحب بيكم يااهل اليمن السعيد...شرفتينا ونتمنى ليكى اقامة طيبة

انشاء الله ربنا مايختنى فى موقف زى دة...حأطلب الطلاق...لكن لي افضى ليه الجو بعد ماحرق لى قلبى،اقعد ليه جوة البيت زى شوكة الحوت .
والله بصراحة اشوف الفيه مصلحة اولادى...ويستحيل هو يعملها

عصفووووووووووووووور

شو هاالنور ياوردة ....مرحب بيك ونورتى المنتدى

شكرا اخونا مبارك على النصائح اللى فعلا نحن بحوجة ليهاا

دى مافى زول بفوتك فيها يااصلى.....مرة عازمين ضيوف وكتبت الحاجات المحتاجة ليها فى ورقة وعشان ماانسى محلها لصقتها فى التلاجة.....ابو الشباب ضرب قال لى دايرة شنو؟فتشت الورقة مالقيتها..غايتو عصرت نفسى واتذكرت بعض الاشياء..بعدين دايرة افتح التلاجة لقيت الورقة ملصوقة فى الباب.

هههههههههاه...حلوة والله...بس اكيد الفها مسطول فعلا...ياحليلها البت يكون راسها اتلخبط.

نفسى اشوف برنامج واحد مفيد فيها......قناة باهتة جدا واسم زول براء منها....حاجة غريبة غايتو ظاهرة الغناء فى كل القنوات السودانية يكاد لايخلو منها برنامج واحد..ياجماعة ارحمونا