لـمــــــــ؟؟؟؟؟ــــــــــــاذ ا؟؟؟

يهتم بالحوارات والنقاشات الجادة فقط الرجاء الالتزام !!

المشرف: بانه

صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

لـمــــــــ؟؟؟؟؟ــــــــــــاذ ا؟؟؟

مشاركة بواسطة مها »

صورة

[/font][/b]
ببساطه كده يا جماعه وبدون تكلف ....والاهم بدون زعل
والاهم برضو بدون ما نجامل ...
نتكلم فى قضايا ,,,, تهمنا وتهم المجتمع ككل
بالدارجى كده .... نعتبر الموضوع ونسه بصوره جاده
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة مها »

لماذا ....................؟؟؟؟؟؟؟؟

,,,سبحان الله .....

صورة



رجال فى اعمار اعمامنا ..... يحافظون على الذهاب للصلاة فى الجامع
وكل منهم لديه عدد من الابناء الشباب .....
و سؤال ..... هل الذهاب للجامع ...... لكبار السن فقط
لماذا؟؟؟؟؟؟؟؟؟؟؟؟؟؟؟؟؟؟؟؟؟؟
ايها الشباب لماذا..؟
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة مها »


يمكن لو قلت مافى داعى كل مستطيع يدفع لتعليم طفله فى مرحله الاساس فى السنه الواحده مبلغ 2 مليون جنيه وهنالك اطفال محرومين من التعليم لظروف المعيشه الصعبه
اكون ...ظلمت طفل انه ينعم بى نعيم اهلو
لكن ..........................
صورة

عندما ترى تلك الصور
ربما تفكر مليون مره فى الكلام اعلاه
لماذاااااااااااااا؟؟؟؟
لا نتبرع ولو بالقليل مما نملك
لمساعده اطفال لا ذنب لهم فى ظروف فرضتها عليها الحياه
لماذا؟؟؟؟؟؟؟؟
صورة العضو الرمزية
معتبر
مشاركات: 11934
اشترك في: الخميس 2009.8.13 8:03 pm
مكان: حته كدة

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة معتبر »

بت حلتي

تساؤلات منطقية

احسستيني بأن يمكن أن نقف مع هؤلاء

تسلمي علي الطرح البناء
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة مها »

معتبر كتب:بت حلتي

تساؤلات منطقية

احسستيني بأن يمكن أن نقف مع هؤلاء

تسلمي علي الطرح البناء

ابوعلى ود حلتنا
مرات تسرقك اللحظات وتعيش لحظتك بس بدون التفكير فى الناس الحولك
وتجى لحظه كده تشوف موقف تندم على كل لحظاتك السعيده ... الما شاركت فيها الناس
وكل لحظات البؤس الما واسيت فيها الناس
و..................... يكون احساسك عاااااااااااااالى ..... لدرجه انك تقرر ان تكون البلسم الشافى لكل محتاج
ولكن للاسف لحظات فقط
وتنسى كل شىء بالجد نحن ... محتاجين لوقفه مع نفوسنا
ولصحوة ضمير
صورة العضو الرمزية
بعد الزمن
مشاركات: 16470
اشترك في: الثلاثاء 2010.3.9 4:30 am
مكان: الضواحي

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة بعد الزمن »

مها كتب:
صورة


[align=center]صوره ......[/align]
[/color][/size]
عندما نراها فى لحظه من الثانيه تحس بان قلبك ( اتقطع ) من الالم
يمكن ...................... . بدون تشعر تنزل منك دمعات

صورة


اطفال .... صغار .... مصابون بمرض خطير وقاتل
وبالرغم من ذلك ... ترى البسمه
والامل فى اعينهم

لمــــــــــــــــ...؟؟؟؟ـــــ ــــــــــاذا؟؟؟؟
لماذا .... ونحن فى اشد حالات الحزن والالم .. ما نفكر تفكير جادى
فى مساعدتهم والوقوف معهم ؟؟؟
لماذا؟؟؟؟؟؟







الانانية المتوحشة تحجب الرؤية تحرمنا انا نعيش تلك اللحظات الانسانية الجميلة احتواء من يحتاجنا
بالحنان والتعاطف
مها شكرا على الفته الانسانية بالجد اثبتى لى انك انسانة ما (ربورت :d: :d: :d: )
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة مها »

بعد الزمن كتب:
الانانية المتوحشة تحجب الرؤية تحرمنا انا نعيش تلك اللحظات الانسانية الجميلة احتواء من يحتاجنا
بالحنان والتعاطف
مها شكرا على الفته الانسانية بالجد اثبتى لى انك انسانة ما (ربورت :d: :d: :d: )
سورى بعدو احكى ليك موقف .... حا يشوة صورة عائلتى الكريمه ولكنها الحقيقه
خالى ........ بالاصح ابوى لانه ربانى باحث اجتماعى .... فى الفترة الكانت فيها مشاكل اطفال المايقوما ... مجهولى الهويه ... مشيت معاه ( مجرد شمار ما اكتر )
لو شفت ( الشفع ) ديل قلبك يموت الف مره وبالرغم من ذلك بضحكو ويغنو وما عارفين الذمن داسى ليهم شنو ؟؟؟
طبعا ... وانا هاك يا شعارات ...و حراام وووووووو وقال الرسول انا وكافل اليتيم ووووووووالخ
....قال لى عايزه تصلى لى شنو؟؟؟
قلت ليه نشيل واحد يقعد معانا فى البيت ....
قال لى انتى مجنونه ؟؟؟؟؟؟؟؟؟؟
شعارااااااااااااات ترفع من اولياء امورنا وبدون تنفيذ
هل سنكون نحن كما كانو ؟؟؟؟؟؟؟؟؟؟؟
مشكور على المرور يا ملك
وعزرا لخالى :d:
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة مها »

دى يا شباب انا سودانى مدرسه هنا عندنا ..... شوفوها

صورة
طيب......................
المدير .... ليه يكون سلبى ويجى بس عشان ينظم خط سير الدراسه
المدرسين ...........
ما شايفين يعنى ؟؟؟؟
طيب المدرسين ديل .... بشربو من وين ؟؟؟؟؟
طبعا مويه نظيفه متلجه ..... عليكم الله ده بترضوه لو اولادكم
وبالذمه كده .... حكمو ضميركم
لو واحد فيكم معلم فى المدرسه دى وعنده ولد فيها بخليه يشرب ؟؟؟
احلف ليكم صادقه حا يناديه فى المكتب .... ويديه مويه نضيفه وبارده
ياخى
ماممكن يكون الضمير معدوم للدرجه دى
...
والله حرااااام عليهم ..... وعلينا نحن البنكتب هنا وما بنعمل حاجه
صورة العضو الرمزية
الفردوس المفقود
مشاركات: 6827
اشترك في: الأربعاء 2012.1.4 8:59 am
مكان: مهبط الوحي

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة الفردوس المفقود »

[quote="مها"]
يمكن لو قلت مافى داعى كل مستطيع يدفع لتعليم طفله فى مرحله الاساس فى السنه الواحده مبلغ 2 مليون جنيه وهنالك اطفال محرومين من التعليم لظروف المعيشه الصعبه
اكون ...ظلمت طفل انه ينعم بى نعيم اهلو
لكن ..........................
صورة

عندما ترى تلك الصور
ربما تفكر مليون مره فى الكلام اعلاه
لماذاااااااااااااا؟؟؟؟
لا نتبرع ولو بالقليل مما نملك
لمساعده اطفال لا ذنب لهم فى ظروف فرضتها عليها الحياه
لماذا؟؟؟؟؟؟؟؟
[/quote]

مها بوست جميل وهادف
والإجبابات على تساؤلاتك بكل بساطة هناك تفكك اجتماعي خطير دخيل على مجتمعنا .. اختلف الزمان والمكان معا بدخول العولمة واصبح الناس قريبين من حيث المكان بعيدين كل البعد عن عاداتنا السمحة .. الجمعيات والنفير والمساهمات والموجب و وووو ...اندثرت جميعها لم يتبقى لنا منها سوى ذكريات نبكيها كل ما مر بنا موقف يتطلب المساعدة
الله الله على زمن ولى وليته يعود
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة مها »

الفردوس المفقود كتب:
مها بوست جميل وهادف
والإجبابات على تساؤلاتك بكل بساطة هناك تفكك اجتماعي خطير دخيل على مجتمعنا .. اختلف الزمان والمكان معا بدخول العولمة واصبح الناس قريبين من حيث المكان بعيدين كل البعد عن عاداتنا السمحة .. الجمعيات والنفير والمساهمات والموجب و وووو ...اندثرت جميعها لم يتبقى لنا منها سوى ذكريات نبكيها كل ما مر بنا موقف يتطلب المساعدة

الله الله على زمن ولى وليته يعود
تعرف .... فى معلمين كتااااااااار بدرسو فى مدارس جكوميه وطبعا .... ( فلذه اكبادهم ) فى مدارس خاصه ...... الواحد قبل ما يطلع يمشى المدرسه بطمئن انه ترحيل ( ولدو ) جا وركبو عربتو البى 150 فى الشهر ... ( ما حساده والله )
لكن الشىء المؤسف وبقيظ
يمشى المدرسه ...... بقيف فى الطابور ..... يجى ( شافع) متاخر دقيقتين ولا اكتر يقوم بالخرطوش يقطع لحمو وياريت وهو ساكت معاها كلام جارح
ناس و ولا متناسى انه الطفل ده بفهم وبحس لما تحرجه كده قدام المدرسه كل
ناسى ولا متناسى .... انه بقوم من الصباح عشان يقعد نص ساعه امو بتفتش لى قروش ولا عيشه تديها ليه
ولا المشوار قدر كيف من البيت لى المدرسه واحتمال ما عنده حق المواصلات
طبعا يحس كيف وهو ولدو ركب فى عربيه مكندشه ومشى المدرسه
شكرا على المداخله
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة مها »

صوره ......
عندما نراها فى لحظه من الثانيه تحس بان قلبك ( اتقطع ) من الالم
يمكن ...................... . بدون تشعر تنزل منك دمعات

صورة


اطفال .... صغار .... مصابون بمرض خطير وقاتل
وبالرغم من ذلك ... ترى البسمه
والامل فى اعينهم

لمــــــــــــــــ...؟؟؟؟ـــــ ــــــــــاذا؟؟؟؟
لماذا .... ونحن فى اشد حالات الحزن والالم .. ما نفكر تفكير جادى
فى مساعدتهم والوقوف معهم ؟؟؟
لماذا؟؟؟؟؟؟






Control 3
مشاركات: 559
اشترك في: الجمعة 2009.7.10 10:17 pm
مكان: 1

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة Control 3 »

مها
سلام
كلها محاور منطقية وموضوعات ذات أهمية تستدعي الوقوف عندها ، من المفترض ان نتفق على أن الكثير من الاهتمامات مثل هذه الامور الهامة تستوجب قدرا من الفهم والوعي للجميع بمتطلبات المجتمع أولا ثم الدعوة الى تثقيف الناس في مثل هذه الاشياء عبر المنتديات والوسائل الاعلامية بطرق جاذبة ومعاصرة وباسلوب يحمل طابعا جميلا (الاقناع بنهوض المجتمع) ونغرس هذا المفهوم حتى يكون نواة يستظل بها الاخرون في المستقبل
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة مها »

control 3 كتب:مها
سلام
كلها محاور منطقية وموضوعات ذات أهمية تستدعي الوقوف عندها ، من المفترض ان نتفق على أن الكثير من الاهتمامات مثل هذه الامور الهامة تستوجب قدرا من الفهم والوعي للجميع بمتطلبات المجتمع أولا ثم الدعوة الى تثقيف الناس في مثل هذه الاشياء عبر المنتديات والوسائل الاعلامية بطرق جاذبة ومعاصرة وباسلوب يحمل طابعا جميلا (الاقناع بنهوض المجتمع) ونغرس هذا المفهوم حتى يكون نواة يستظل بها الاخرون في المستقبل
والله بجد الناس محتاجه لوقفه وبالذات شريحه الشباب
والشىء الخلانى اكتب الموضوع ده وفاة الفنان محمود .... اظنك شفت الشباب ديل عملو شنو
يعنى الشباب ديل قوة لا يستهان بها ممكن يرقعو البلد دى فوووق وممكن ينزلوها تحت
حقيقى كونك تقتنع بشىء عن حب ممكن تعمل المستحيل عشانو
..

ياخ انا اقتنعت لقتناع تاااااااام لو الشباب ديل ..لو.. نظرو للموضوع ده بنظره جاده ...بدون محسوبيه ولا مجامله حبهم للبلد وحبهم للخير بخليهم يعملو اكتر من انهم يقعدوا قدام النت يكتبو بس
فياريت كلنا نحاول نكسب الجانب ده فينا وفى اخوانا
...........
كونت 3 يا ملك تسلم والله
وبتمنى دخولك بعضوتك فى المنتدى ومشاركتك
فى انتظارك
صورة العضو الرمزية
ود الخير
مشاركات: 11370
اشترك في: الخميس 2009.4.30 11:51 pm
مكان: جده

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة ود الخير »

مها كتب:
لماذا ....................؟؟؟؟؟؟؟؟

,,,سبحان الله .....

صورة




رجال فى اعمار اعمامنا ..... يحافظون على الذهاب للصلاة فى الجامع
وكل منهم لديه عدد من الابناء الشباب .....
و سؤال ..... هل الذهاب للجامع ...... لكبار السن فقط
لماذا؟؟؟؟؟؟؟؟؟؟؟؟؟؟؟؟؟؟؟؟؟؟
ايها الشباب لماذا..؟

كلام حلو
ال>هاب للمساجد ليس حكرا على الاكبر سنا
بس والامانه فى الفتره الاخيره كثر تواجد الشباب فى المساجد حتى فى صلاه الفجر
والحمد لله على الوعى الدينى لدى الشباب
ولازال الشباب بخير
صورة العضو الرمزية
تائب
مشاركات: 954
اشترك في: الاثنين 2010.6.14 7:54 pm
مكان: فى ام طرق عراض

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة تائب »

الاخت مها ..اود ان اشير فى البدايه اننى لا اعرف اين انت
بدول الاغتراب ..ام بارض الوطن العزيز
- بالسعوديه كل الشباب بصلو فى المساجد حتى فى السودان
شايف بوادر جيده للصحوه الاسلاميه كما اشار لها شقيقى
التائب
- مساعددة اليتامى والمساكين والظروف الرديئه الى يعيش
فيها ابناء المدراس ..كلها تصوير درامى جيد للواقع ... بس
كل مغترت متحمل اعباءه الخاصه ومساعدة اهله (ساحب وراه
مقطوره اطاراتها خربانه) ..واذا قصدت المساعده من ناس السودان
تكونى كمن يريد من العيان مساعدة الميت ..
انا شايف يا اخت مها انك متفاعله مع العواطف كثيراً او انك تكونى
خارج السودان وخارج دول الاغترب وبتتفرجى على القصه من بره
صورة العضو الرمزية
محسية
مشاركات: 10735
اشترك في: الأربعاء 2010.3.10 7:10 pm
مكان: بين الفكرة ...وممكن واقع

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة محسية »

تساؤلات منطقيةجدا
بس انتى عارفه المشكلة شنو اننا بقينا نفكر فى مصلحتنا وفى انفسنا ونعيش على مبدا ( اللهم نفسى )
واتمنى اننا نحس بغيرنا ولا اظن انه طلب فوق طاقة الانسان او حتى طلب لا يمكن تحقيقه .!!!
وقتها بس بتنحل مشاكلنا كلها عندما نحس بمعاناة الاخرين ....
تحياااااااااااااااااااتى
صورة العضو الرمزية
نهر المحبه
مشاركات: 6170
اشترك في: الجمعة 2009.5.29 6:15 pm
مكان: في ارض الله الواسعه

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة نهر المحبه »

الاخت مها ...
احييك على موضوعك الحيوي جدا والمهم...

في اليوم الواحد لو جينا شفنا معدلنا صرفنا...

بنلقاه بقى عالي جدا...

الطالب الواحد بيصرف كم في اليوم؟؟؟ ...

ماغالب الواحد يستغنى عن جنيه واحد في اليوم..

وجنيهي على جنيهك على جنيهات غيرنا...

ممكن تعمل حاجات كتيره...

لكن المشكله اصبحت انه انعدم عندنا الامان...

واصبح عندنا هاجس من باكر...

الحاجه للماده ولدت في الناس حب الذات...

اي زول تساليه يقول ليك انا قادر على العندي لما اصرف على غيري...

ندعي ربنا يكون في عون الجميع
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة مها »

التائب كتب:كلام حلو
ال>هاب للمساجد ليس حكرا على الاكبر سنا
بس والامانه فى الفتره الاخيره كثر تواجد الشباب فى المساجد حتى فى صلاه الفجر
والحمد لله على الوعى الدينى لدى الشباب
ولازال الشباب بخير


ايوااااااااااا كلامك صح ...... لكن النسبه كم ؟؟؟؟

عارفه وشايفه شباب كتار بصلو فى الجوامع لكن النسبه الما بتمشى اكبر بكتير
وبقدر ما كانت فى صحوة بين الشباب برضو فى حاجات اكبر بتلهى الشباب وكتيره شديده
وعادى جدا بشوف مواعيد الصلاة الشباب قاعدين فى محلات البلاىاستيشن وصالات البلياردو
و( قصاد الدكاكين بشربو فى الشبشه )
والمحلات دى بقت متوفره بى صوره كبيره ..........
وماشغالين ناس عطاله بس حارسين المحلات دى
طيب ........ الشىء الانا بعرفو مواعيد الصلاة مفروض تقفل
وهم للاسف بتلقاهم بلعبو .....
بالجد يا اخ هندسسسسسسسه دى شىء مؤسف والله .....وموجود وبكثرة كمان

هندسسسسسه
تسلم على المداخله وابقى مواصل
تسلم يا ملك




صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة مها »

تائب كتب:الاخت مها ..اود ان اشير فى البدايه اننى لا اعرف اين انت
بدول الاغتراب ..ام بارض الوطن العزيز
- بالسعوديه كل الشباب بصلو فى المساجد حتى فى السودان
شايف بوادر جيده للصحوه الاسلاميه كما اشار لها شقيقى
التائب
- مساعددة اليتامى والمساكين والظروف الرديئه الى يعيش
فيها ابناء المدراس ..كلها تصوير درامى جيد للواقع ... بس
كل مغترت متحمل اعباءه الخاصه ومساعدة اهله (ساحب وراه
مقطوره اطاراتها خربانه) ..واذا قصدت المساعده من ناس السودان
تكونى كمن يريد من العيان مساعدة الميت ..
انا شايف يا اخت مها انك متفاعله مع العواطف كثيراً او انك تكونى
خارج السودان وخارج دول الاغترب وبتتفرجى على القصه من بره

انا داخل السودان وبتكلم عن الواقع الشفتو والعايشه فيه ....... لو اتكلمنا عن الحكومه بكل صراحه حا اقول ليك ....... هى السبب الرئيسى فى انه الناس بعد كانوا (3 طبقات ) ( الطبقه الفوق الناس المروقين ) ( والنص نص ديل المغتربين وكده :040: ) والطبقه الفقيره
اسى بقى اتنين بس ...........يا انت مع الحكومه وتكون فوووووووووق ولا ما معاها تكون تحت
....................مافى خيار تالت :040:

حكايه متفاعله مع العواطف دى شىء ما بنكره والدليل على ذلك انا ما عندى اى نشاطات اجتماعيه ولا حصل عملت شىء لى ناس فى حوجه يودينى لى قدام ........ الاما ندر
وحقيقى وبدون كذب انا بس حكايه ( يا واعظ ابدأ بنفسك )
بس انا اتكلمت بى منظور تانى مختلف ........
انا مادرست فى مدارس حكوميه ..... ............... والحمد الله مستورين .................. تعرف يا اخ تائب
بعد طلعت من نطاق حلتى ..... عشان قبلونى فى الجامعه 2006 انا شفت حاجات اصلا ما خطرت على بالى فى يوم من الايام .............وده ليه ؟؟؟؟؟؟؟. ........... لانه ما اتعلمت من الاسره انه فى ناس محتاجين .... الحاجات دى بشوفا فى التلفزيون زى القصص ما ربو فينى روح التعاطف الا على نطاق اقرب الاقربين )

حقيقى بقيت انتبه لاشياء كثيره ...... خلتنى اعرف انه نحن غلط فى غلط فى غلط ......

نجى للمغتربين .......... اى مغترب بساعد على نطاق الاسره فقط الا ما ندر .... والاغلب ىقرب الاقربين فقط

تائب ....... يا ملك
كلامك بالجد جميل واجمل مافيه ...... استفذانى جدا وخلانى اعترف بخطا فينى والحمد الله
كده ....رضا ....... اتحليت من ذنب
ابقى واصل .... وخلينا نتكلم كده بدون حواجز وزعل
صورة العضو الرمزية
مها
مشاركات: 11010
اشترك في: الأحد 2009.8.2 7:14 pm
مكان: السودان

رد: لـمــــــــ؟؟؟؟؟ــــــــــــاذ ا؟؟؟

مشاركة بواسطة مها »

محسية كتب:
تساؤلات منطقيةجدا

بس انتى عارفه المشكلة شنو اننا بقينا نفكر فى مصلحتنا وفى انفسنا ونعيش على مبدا ( اللهم نفسى )
واتمنى اننا نحس بغيرنا ولا اظن انه طلب فوق طاقة الانسان او حتى طلب لا يمكن تحقيقه .!!!
وقتها بس بتنحل مشاكلنا كلها عندما نحس بمعاناة الاخرين ....

تحياااااااااااااااااااتى


احكى ليك قصه يا محسيه حصلت لى ناس قرايبنا ( ناس بسيطين جدا ) الولد عيان ودوه الدكتور
الطبيب ....... بشاغل فيه قال ليه
انت ما قاعد نشرب اللبن يا شاااااااطر ؟؟؟؟؟
الطفل رد ليه....
انا عايز اشرب لبن ............... لكن ( امى ما بتدينى ليه ) ....
عليك الله .....لما تسمعى كلام زى ده لو قلبك حجر ما ( بتفتفت )
فى واحد فينا بفكر الجيران ديل اكلو ولا شربو ولا شنو ولا شنو
.................
الشىء العجيب لما يكون زول عيان من معارفك المروقين تجرى جرى اقرب مول تشترى افخم شكولاتا تشيليها معاك
بى مبلغ . لو وديتيه ......... لى ولد جيرانكم الما بلقى لبن يشربو ده
كان على الاقل وفر ليه حق العلاج
نحن للاسف بنجامل الزول العلى مستوانا عشان يرد لينا الجميل
يعنى الحكايه فشخره و شوفونى
..............
محسيه
تسلمى يا راقيه على الاضافه وابقى واصله
أضف رد جديد

العودة إلى ”حوارات جادة“